تصويت ياحلوين 🦋
________________________________
فراس :خلاص تمام اهدي بنتكلم بالموضع بعدين مسحي دموعتس
ملاذ:تمام
ملاك:ملاذ تعالي اغسل وجهتس
سليمان:انا باخذكم مشينا
"حاولت شهد تعدل جلستها لكن ماقدرت من الألم"
فراس:صبري صبري انا بساعدتس
(كان فيصل واقف عند الباب متجمد وبس جالس يفكر بالكلام الي قالته ملاذ )
فراس :فيصل اشبك ادخل
«ناظر فيصل شهد ودخل عرف فراس انه جالس بالشي الي صار »
فراس:بجيب عصير للبنات خلك عندها
فيصل :ابشر
(بالديرة)
الجد عبد الرحمن:ارحب يا ابو ابراهيم
ابو ابراهيم:مرحبا بك وش علومك
الجد عبد الرحمن:بخير الحمدلله ما بسألك عن حالك لانك تسكن بالمدينة كلها خير
ابو ابراهيم:اي بالله نزلت مكة قبل ما اجي ديرة ابو صامل يسلم عليك وعلى ابو سليمان وقلت له انه سلطان توفى
ابو سليمان: الله يسلمه
الجد عبد الرحمن:وش احواله؟
ابو ابراهيم:بخير
حاكم:يبه متى ما تبغى بننزل المدينة
الجد عبد الرحمن:على خير
(نرجع على المستشفى)
شهد: فيصل بـ وش جالس تفكر
فيصل:سمي يبوي ولاشي
شهد:على الكلام الي قالته ملاذ هذا كان قبل لكن الحين انا ابغى امشي بذا طريق و معك
فيصل:صدقيني ما بحرمك من شي بتدرسين بالمكان الي تبينه
شهد:ادري والله وش صار على كتفك؟
فيصل:بخير ماعليتس اهم شي الحين انتي
شهد:لا يشيخ كتفك مهم بعد
فيصل:ابشري
شهد بضحكة:افاا وين كلمة ام هايف
(تذكر فيصل الكلام الي قاله دكتور مهو عارف كيف يقولها)
شهد:فيصل اشبك ؟؟؟
فيصل: ولا شي
شهد:اي باين المهم طفشت متى بطلع
فيصل :الين ما يقول دكتور
شهد بعناد:لوء الحين
فيصل بعناد اكبر:بنت وش قلت؟
شهد :فواصللل
فيصل :لبيه يعروق قلبي ها تأمرين وش تبين
شهد بدلع:صباح بطلع
فيصل:سمي على هالخشم
شهد: بهديك بيت شعر
فيصل:كل حواسي تسمعك
شهد:إن كان في صُدَفِ الأزمانِ رائعةُ فإنّك خيرُ ما جادتْ به الصُّدَفُ
"لم فيصل يدينها بيده وناظرها"
فيصل: يا المترفه يا أم العيون الوساع يا سارقة عنق الغزال ورمش عينه يا نور عيني وقمراء ليلي احبتس
فراس:الله الله وش ذاا مقدر عنجد حبكم يهبل صفقة كبيرة لكم
شهد بضحكة:مهبول
فراس:فاصختن الحيا
فيصل:ولد تكلم مع حرمتي زين
فراس:تخيل اخذها واحرمك منها
فيصل:تخيل اسوي نفس الشي معك
فراس:الا نوني لو سمحت
فيصل:ما شاء الله على الميانة وش الي الا نوني
فراس:ولد تراهاا زوجتي يعني باقي بس عرس
فيصل:من الحين اقولك كل يوم تجيبها عندنا هذي وحيدتنا
فراس:افكر بالموضع
فيصل:اقوم اصفقك
(دخلت ملاذ وهي تستهبل وتصارخ )
ملاك:وش صارلي ساعة اتكلم معتس قلت حنا بمستشفى
ملاذ:مالتس دخلل وانت قوم بجلس عند اختي
ملاك:بنت تكلمي بأدب
فراس:اي ذي الاخت الكفو لا تسكتي له
فيصل:ممكن اعرف وش مشكلتس معي؟؟؟
شهد:استهدوا بالله
ملاذ:عشانك اخذتها مننا
فيصل:يارب يالله كون لي العون لانه اختها و اخوها بجيبون جلطة لي
شهد بضحكة:بسم الله عليك
/
(نرجع للديرةتحديدحوش الخلفي لبيت الجدعبدالرحمن)
"كانت جودجالسة على المرجيحة وتدندن وتصور نفسها"
خالد وهو معصب:انتي ما تفهمين ولا وش قلت لتس ما اشوفتس جالسة لوحدتس وبعد كاشفة عن راسك؟؟؟
جود:وانت وش دخلك ابوي اخوي زوجي لا ضف وجهك
خالد:قد كلامتس
جود:قده ونص وانا بنت ابوي ياولد محمد وش بتسوي؟
(تقدم لها وزاد توترها )
خالد:اشوفتس ترجفين من الخوف
جود :تعقب
"سحبها من معصمها وجرها وراه وهي تحاول تفلت يدها لكن مقدرت بسبب قوته الين ما وصلوا سيارته"
خالد:ركبي
جود:لا يشيخ والله الحين اصارخ واجمع كل ديرة
(تقدم وحاصرها عند سيارة)
خالد بخبث:بس قبل ما تصارخين حبيت اذكرتس بشيء انه انا رجال وانتي حرمة ولوحدنا ومكان فاضي وش تتوقعين يقولون عنتس اهل ديرة
”دفها بقوة ”
خالد:يلا وش منتظرة صارخي
جود ببكية:حقير حيوان وش مسوية لك وش تبي مني؟
خالد:ركبي سيارة
YOU ARE READING
لو امدح هالصدف على مر الأيام ما الحق جزاها يوم فيك جمعتني
Romanceتتكلم عن فيصل و شهد الي جمعتهم صدفة وقت فيصل كان يلاحق رجال يراقبه ويلتقي فيها وسيارتها متعطلة بالبر ويساعدها ويجبرها تجي معه على ديرة عند أهله بعد احداث يعرف الجد عبد الرحمن أنه البنت حفيدت سلطان صديقه المختفي