𝐒𝐓𝐀𝐍𝐃𝐈𝐍𝐆 𝐍𝐄𝐗𝐓 𝐓𝐎 𝐘𝐎𝐔

YOU ARE READING

Random

Jeon Jungkook × Kim Taehyung 🏴..

by Vvkkookie

မေမေအနားရောက်လာသည်နှင့် Taehyung သူ့အစ်ကိုကို မျက်နှာလွှဲလိုက်ပြီး..

*အစ်ကိုနဲ့ကျွန်တော် ထုံစံအတိုင်း ကတောက်ကဆလေးတွေဖြစ်လို့ပါ.. မေမေရော ဆိုင်းသိမ်းလာပြီဆိုတော့ ပင်ပန်းနေပြီမဟုတ်လား?*

"မေမေကမပင်ပန်းပါဘူး သားငယ်ရယ်.. အခုနှစ်ယောက်ကထပ်ပြီးရန်ဖြစ်နေကြပြန်တော့ ညစာအတွက်ဘာမှမစားကြရသေးဘူးမဟုတ်လား"

မေမေက အပေါ်အနွေးထည်ကိုချွတ်လိုက်ပြီး ကြမ်းခင်းပေါ်အမောဖြေသည့်အနေဖြင့်ထိုင်ချလိုက်ပြီး ခြေသလုံးတို့အားနှိပ်နှယ်၍ အညောင်းဖြေနေသည်။

Taehyung လည်းအလိုက်တသိပင် မေမေ့အနားသွားလိုက်ပြီး ရို့ရို့လေးထိုင်ချလိုက်သည်။

*ကျွန်တော်မဆာသေးပါဘူး.. မေမေနဲ့အစ်ကိုပဲအရင်ပြင်ပြီးစားထားနှင့်လိုက်ပါ*

Taehyung က‌အမေဖြစ်သူရဲ့ခြေသလုံးတစ်ဖက်အားစတင်နှိပ်နှယ်ပေးလိုက်သည်။

"ဟဲ့ သားကြီး ဘယ်သွားမလို့လဲ.. တစ်ခုခုတော့ပြောသွားဦလေ.. အော် ဒီကောင်လေးနှယ့် ဘာမှမစားရသေးဘဲထွက်သွားပြန်ပြီ"

အစ်ကိုက မေမေနဲ့Taehyung ဘာမှမပြောဘဲ အိမ်ထဲကနေဒုန်းဆိုင်းထွက်သွားသည်။

Taehyung လည်းတရေးတယူလုပ်မနေတော့..။ အစ်ကို့ကို အခုချိန်မှာ သူသိပ်ပြီးစိတ်ဆိုးလွန်းရပါသည်။

"ရပြီ သားငယ်.. မေမေကိုယ်လက်သန့်စင်လိုက်ဦးမယ် သားငယ်လည်းလုပ်စရာရှိတာလုပ်လိုက်ဦး"

Taehyung မေမေ့ကိုခေါင်းညိမ့်ပြလိုက်ပြီးနောက် မေမေနဲ့သူနဲ့အတူအိပ်တဲ့ အခန်းငယ်လေးထဲသို့သာဝင်သွားလိုက်သည်။

မေမေစားပြီးသောက်ပြီးရင် လှဲပြီးအနားယူလို့ရအောင်လို့ Taehyung ကြမ်းခင်းကိုသန့်ရှင်း၍ အိပ်ရာများအားစတင်ခင်းကြင်းလိုက်သည်။

Taehyung ခေါင်းအုံးတွေနေရာချနေရင်း စားပွဲပုလေးပေါ်က အဖေဖြစ်သူရဲ့ဓာတ်ပုံကို ငေးကြည့်မိသွားသည်။

သတိရမိတိုင်း လွမ်းဆွတ်မှုများနှင့်အတူဝမ်းနည်းခြင်းကြောင့် အမြဲလိုလိုသက်ပြင်းချမိရသည်။