" ထပြီ အဘရေ... ထပြီဗျ ထပြီ! "
ကျုပ်အသက်က ဆယ့်ခြောက်နှစ်၊ ပညာအရည်အချင်းကတော့ ဆယ်တန်းဖြေထားတယ်...၊ အောင်မှာတော့ ကျိန်းသေပဲဗျ။ ကျုပ်က လပတ်စာမေးပွဲတိုင်းမှာသာ အဆင့်သိပ်မကောင်းတာ.. ဒါကလည်း တမင်တကာမဖြေချင်လို့ မဖြေခဲ့တာပါ။ အမြဲတမ်းအတန်းတင်စာမေးပွဲတိုင်းမှာတော့ ကျုပ်က ဆရာကြီးပဲ။ ရွာကကျောင်းဆရာမတွေဆို ကျုပ်အကြောင်းသိပြီး အဘကိုလာတိုင်သေးတယ်။ လပတ်စာမေးပွဲမှာ အဆင့်မကောင်းဘဲနဲ့ အတန်းတင်စာမေးပွဲမှာကျ အားလုံးထက်အဖြေတွေကိုသိနေလို့တဲ့လေ။ တခါကဆို ကျုပ်ကို ခိုးချတယ်ထင်ပြီး ကျောင်းအုပ်ကြီးရှေ့မှာ တစ်ယောက်တည်း သီးသန့်ဖြေခိုင်းတာနော်။ ကျုပ်ကတော့ အေးဆေးပဲ။ ကျုပ်က အဓိကနဲ့သာမညကို ခွဲတတ်တယ်ပေါ့ဗျာ။ နောက်တော့လည်း ကျုပ်အကြောင်းကိုသိသွားပြီး ဆရာမတွေရော၊ ကျောင်းအုပ်ကြီးကပါ လက်မြောက်ထားလိုက်တော့တာပဲ။
အဲ.. ဆိုလိုရင်းကိုမရောက်တော့ဘူး။ အခုက ကျုပ်က လူပျိုပေါက်အရွယ်ပေါ့ဗျာ။ အစောနက ထပြီလို့ပြောလိုက်တာကလည်း လူကိုထပြီလို့ပြောတာမဟုတ်ဘူး.. အခြားဟာကို ပြောတာ။ သိကြတယ်မလား...။ ဒါပေမဲ့လည်း အဲ့တာက အရေးမကြီးဘူး။ အဘက သူ့သမီးကိုဆို သည်းသည်းလှုပ်ပဲဗျ။ ကျုပ်ကျ အမြဲကြိမ်လုံးတရမ်းရမ်းနဲ့။ မသိရင် ကျုပ်က နွားကြီးကျနေရောပဲ။ အဲ့တော့ အောက်ကထနေတဲ့ဟာရော.. လူရော အိပ်ရာကနေ ထရတော့တာပေါ့။ ခြင်ထောင်ထဲက ထွက်၊ လှေကားကနေဆင်းပြီး နောက်ဖေးအရင်သွားရတယ်။ တမျိုးတော့ မထင်ကြနဲ့ဗျ..၊ မနက်အိပ်ရာနိုးရင် အပေါ့အရင်သွားတတ်တာက ကျုပ်အကျင့်မို့ပါ။
" အဘရာ... တစ်နေ့ တစ်နေ့ အဘ မပင်ပန်းဘူးလား၊ အပြင်ကနေ အိမ်အပေါ်ထပ်ထိ ကျုပ်ကြားအောင် အော်နိုးနေရတာကို... "
" ငါ ရေနွေးခွက်နဲ့ ကောက်ပေါက်လိုက်ရ..၊ မင်းကို ငါမှ မနိုးရင် ဘယ်သူလာနိုးမှာလဲ...၊ ငွေကျော့ကိုသွားနိုးခိုင်းရအောင်ကလည်း မင်းလိုခွေးအိပ်နည်းအိပ်တဲ့ကောင်နဲ့ မဖြစ်ဘူးကွ "
ကိုယ့်သားကိုယ်များ ခွေးနဲ့နှိုင်းရတယ်လို့ အဘရယ်။ ထားပါတော့.. အဘပြောတာလည်းမှားတာမှ မပါတာ။ ကျုပ်က ပုဆိုးနဲ့အိပ်ပြီဆို ဟိုပေါ်ဒီပေါ်ဗျ။ ဒါတောင် ခြင်ထောင်က ငှက်ပျောအူခြင်ထောင်( ဆောင်းမှာနွေးပြီး နွေမှာအေးတဲ့ ခြင်တောင်မျိုး၊ အထဲကကြည့်လျှင်လည်း အပြင်ကိုသည်းသည်းကွဲကွဲမမြင်ရသလို အပြင်ကကြည့်ရင်လည်း အထဲကိုမမြင်ရတဲ့ခြင်ထောင်မျိုးပါ၊ ခြင်ထောင်အစနဲ့မျက်နှာကိုကပ်ကြည့်မှ တစ်ဖက်ကိုမြင်ရတဲ့ခြင်ထောင်မျိုး )နဲ့အိပ်တာ။
DU LIEST GERADE
စနေသားရဲ့ ဆင်ပေါက် / စေနသားရဲ့ ဆင္ေပါက္
Sonstigesunicode ကျွန်တော့်ရဲ့ တမူမတူညီတဲ့စာရေးပုံနဲ့ မတူညီတဲ့ဇာတ်အိမ်လေးမို့ ဖတ်ကြည့်ပေးစေချင်တယ်ဗျ zawgyi ကြၽန္ေတာ့္ရဲ့ တမူမတူညီတဲ့စာေရးပံုနဲ႔ မတူညီတဲ့ဇာတ္အိမ္ေလးမို႔ ဖတ္ၾကည့္ေပးေစခ်င္တယ္ဗ်
Episode _ 1
Beginne am Anfang
