الاعمي

🖤الفصل ٢٠🖤

يا قمرات انا عملت جروب جديد عالفيس
اسمه جروب روايات كوكب السكر
اتمني تشرفوني فيه
https://facebook.com/groups/315227811362190/
ده اللينك بتاعه
انا هنزل هنا كل يوم عادي زي ما احنا متعودين

هتلاقو اللينك موجود علي صفحتي فالواتباد و كمان علي صفحه المحادثات
______________

كان لها اماما في صلاه الضحي لاول مره منذ زواجهم
كان قلبها يخفق بشده ...خشوعا للمولي عز و جل ...و فرحا بهذا الموقف الجليل

انهي فرضه ثم التف لها و قال باجمل ابتسامه : تقبل الله يا حبيبي
ردت عليه بصوتا يملأه البهجه : منا و منك باذن الله
سحبت كف يده ووضعتها داخل كفها الصغير ثم قالت : انا هسبح علي ايدك و انت تسبح علي ايدي ...و ناخد الثواب مضاعف

ابتسم باشراق و فعل ما طلبته دون ان يتفوه بحرف
و لكن ما جعل قلبه يخفق بشده و تجحظ عيناه زهولا ....حينما انتهيا من التسبيح ووجدها تقرب كفه الي ثغرها و تقبله من الداخل ثم قالت بابتهال : ربنا يديمك نعمه في حياتي يا جواد

اختطفها في عناقا ساحق وهو يقول : انتي الي اكبر نعمه ربنا كرمني بيها و لو فضلت اشكره عليها بقيت عمري مش هيكفي

التفت العائله حول مائده الافطار دون جواد و دهبه فسال عبيد باهتمام : هو جواد لسه نايم
ايمان بحزن : لا صحي من بدري بس هيفطر فوق
عبيد : ليه هي دهب لسه تعبانه
ايمان : لا كويسه بس مش عايزها تنزل من الجناح و محبش يسيبها تفطر لوحدها

جيهان : هما مش مسافرين
ايمان : اجل سفره لبكره عشان عنده اوراق مهمه عايز يمضيها قبل ما يسافر

احمد : وهو هيفضل حابسها فوق و لا كده خلاص عزل عيشتو عننا
روان بغضب مكبوت : و انت مالك هو حر شاغل نفسك ليه

عباس : في ايه يا بت مالك هبيتي فاخوكي زي البابور كده ليه
اغمض مصطفي عينه غيظا من تلك البلهاء هو يعرفها جيدا لا تستطع كتمان ما بداخلها....تدخل فالحديث وهو يغمز لها فالخفاء : معلش يا عمي اصلها زعلانه مني و طلعته علي اخوها ...يستحملها عادي دي ملهاش غيرو

عباس : و مزعلها ليه ان شاء الله هو انت تلاقي زيها
ارتبك مصطفي بداخله و لكنه جمع شتاته سريعا و قال : اصلها عايزه تسافر القاهره مع دهب تغير جو و انا مش راضي

تدخل فارس ليسانده بعد ان ارسل له رساله بالامس يخبره بما سمعته روان فقال : دي عدوي و جات للنسوان كلها حتي هدي عايزه تسافر ...و جيجي بردو

نظرن له بزهول و لكن لم يكدبه احد فقال عبيد بمغزي : و الله البيت هناك كبير لو جواد وافق يسافرو كلهم اهو يغيرو جو هما و العيال شويه

ايمان : طب و المدارس يا حاج
عبيد بمزاح : قال يعني بيروحو ...احنا بنرمي فلوسنا فالارض يا حاجه العيال اعتمدو عالدروس الخصوصيه ...عليه العوض