Oops! This image does not follow our content guidelines. To continue publishing, please remove it or upload a different image.
BINIBINING KAY RIKIT | TheNobodyNerd
O Binibini, nais ko lamang ipabatid sa iyo, ang iyong mga ngiti ay kay busilak gaya ng iyong puso. Kahit ako'y nasa malayo, matanaw lamang ang iyong natatanging kariktan, puso ko'y 'di na mapigil sa paglukso tila ako'y sadyang tinamaan. Gustuhin man ang lapitan ka subalit ito'y hindi ko magawa, 'pagkat nahihiya ang tulad kong walang-wala. Gusto kitang ibili ng rosas ngunit ang bulsa ko'y nanatiling butas. Patawarin sana ang dukhang katulad ko, datapuwat nais ko ring mag-alay ng kanta na galing sa puso ko. Kung iyong mamarapatin, sa isang harana kita'y susuyuin. Isa lamang ang kayang patunayan, sa puso ko ikaw lang ang tanging nilalaman.
