غليان

part.3.

رماد:زين شرار رفض يتزوج اي وحدة بعدة يريد يسخت جدي يثق بأربع احفاد بس اولهم اخوي الچبير متعب ثانيهم واكيد غني عن التعريف انه رماد والثالث شرار والرابع ابن عمي اركان

:المقصد؟

رماد:المقصد جدي راد يأمنچ عند واحد من عدنة لأن يعرفنة گد الثقة والأمانة بس متعب متزوج واكبر منج بسنوات طويلة اركان خاطب وشرار رفض وبقيت بس انه

:وليش وافقت انتَ؟

باوع لمسك ورجع باوعلي
رماد:حتى لا اكسر كلمة جدي وما اطلعة بالفشلة انتِ ليش وافقتي؟

ابتسمت وفركت وجهي بحيرة
:لنفس السبب يعني احنة الأثنين مجبورين

رماد:نوعاً ما

باوعت لبنتة مادري شبيها تباوعلي تريد تبچي
:بس بنتك وامها شلون! انه مستحيل اقبل على نفسي انزل على شرچ

هز راسة وكال عيونة بعيوني
رماد:انه مطلق وهاي بنتي من طليقتي

باوعت لبنتة ورجعت باوعتلة مصدومة
:صدگ؟

أشر لبنتة تجي اجت وكعدت بحضنة حاضنتة بقوة وتباوعلي
رماد:هاي مسكي من عمرها سنتين انه وامها منفصلين والبنية عندي مستحيل اتركها

:وانه ما طلبت منك تتركها ومستحيل اطلب هيچ طلب بس مدام احنة مجبورين الوضع اختلف مو؟

رفع حاجبة يباوعلي
رماد:شلون اختلف؟

:يعني يكون هالزواج ورقة رابحة النة كدام الناس نكون متزوجين وبيناتنة نعيش اخوة اتخرج ونتطلگ

كملت كلامي وطگها ضحكة عالية انه وبنتة فزينة
ضل يضحك وانه صافنة علية رافع راسة لفوك ويضحك وتفاحة ادم تتحرك

اخيراً فصل ضحكتة وعض اصبعة حتى لا يضحك بعد
رماد:ضحكتيني تصدگين

عگدت حواجبي بغضب
:شنو الي يضحك؟

تحولت ملامحة للجد وكال ببرود
رماد:هالزواج راح يكون زواج حقيقي لا تتأثرين بالمسلسلات وهاي مال انتَ على الكاع وانه على الچرباية انه من فكرت اتزوج ردت شريكة بكلشي مو بس بالفراش لا

كمت ضربت رجلي بالكاع معصبة
:بس انه ماريييد هالشي المقرف ماريدك زوج الي مستحيل اوافق اكون لعبة تحتاجها بفترة معينة وتالي ما تسأل عنها

تقربت علية ودنگت انقر على صدرة بسبابتي
:ما اقبل اشاركك جسمي وانتَ مجرد تاخذ حق ما اقبلها على نفسي اشارك جسمي ويا واحد ما يحبني