اِحْتِدام الدُلس

موعد

يا صباح الراحة والإطمئنان عليكم أحبـائي

طبعًا صار فترة تتكرر علية الأسئلة على الانستا والواتباد
شوكت تبدين بالقصة؟؟

للصراحة كل ما أگـول اليوم أنشرها يصير وياي ضرف 🥲
على رغم كملت نصها ورجعت غيرت طريقة السرد بسبب دخول بطلة ثالثة على الساحة

القصة غريبة وحديثة قديمة بنفس الوقت
تدور أحداثها عن ثلاث بطلات أرتيـاد البطلة الأولى وإلي راح تلاحظون كمية النفاق والغل والكراهية والضلم بحقها بس رغم كل الضروف واگفة وصامدة لأجل أولادها تغلبت على المجتمع بتحملها وطاقتها الإيجابية والمحبة للجميع

كل واحد من أولادها اله قصة
وكل قصة الها جو وأحداث عجيبة نمر عليهن مرور الكرام بدون ما نتعمق
وأنمـا البطلة الثانية هيَ روكيـان البنت المدللة المحاصرة من قبل أخوتها السبعة تحاول تكسر كل الحواجز في سبيل تطلع من جو الملل او بالاحرى حياتها تخلو من الجو العائلي
أُمسية ولقـاء تغير حيـاتها 180 درجة منها للأفضل والأسوء
حياه روكنا عبارة عن أكشن وغموض وراح تلاحظون هل شي من أول بارت الها

البطلة الثالثة راح تكون مفاجئة وصدمة الكم 🤓
بينما أكو ظهور قوي  لأبطالنة الـ... 🫣
الرواية يتغلب عليها الجو الفكاهي والاكشن والغموض بالبداية تشوفون مكس بين الظلم والنفاق والرومنسية شلون إنجمعن سوى ما أدري للصراحة لان جديات عائلة عبارة عن الأبتسامة ما تفارق وجوهم😂😂

للعلم القصة تدور أحداثها من العراق للكويت وأغلب بارتات روكيان بالكويت لان مستقرين بيها

النشر يكون الأحد والثلاثاء والخميس والسبت الساعة 9بالليل او 4العصر حاليًا
يناسبكم هيچ وقت؟؟

بعني بين يوم ويـوم أتمنى منكم تتفاعلون عليها وتنوروني بين الفقرات
وإلي يگدر يشاركها على التطبيقات أكون ممنونة منكم

مشهد من أول بارت🪽✨

تقصدت أفتح هل موضوع بالذات ويا لان جزعت منة لا سنة ولا سنتين
صار دهر أنتضرة يجيني ويگلي يوم أريد أتزوج

مشى بسرعة حتى قبل لا أحچي راد يطلع من باب المطبخ
حچيت بأصرار
-لاتموت روحك وراها ، زمن النسوان يروحن يتزوجن ويتكشخن والزلم تضم الضيم بالگلب وتعيش حتى تربي ولدها.

أبيل أمك ما ربتك حتى تفضل أحد على روحك
ولدك على عيني وراسي بس روحك هم تريد
برأيك حلوة البارحة صدفة رحت لعزيمة بالمطعم  وأشوفها على آخر حبة طاگتلك المكياج والعدسات والرموش حتى من النفخ ما عرفتها غير من  أخيك!!

ولك يمة تدمر حياتك لأجل وحدة بنت الملاهي أشرف منها ولك بعيني الياكلها الدود لگيتها.
ولك بغريفتك الشهدت كل دمعة وغصة وحُب منك
وليدي ما تستاهل يصير وياك الصار
أنتَ بكري  و ذيبي إلي أتحامة بي وقت شدتي
أمك عايشة بجالك أنتَ وأخوتك  مالي  غيركم 
أخيك  بالسنة حسنة أشوفنه وأنتَ خذيت خُطا خاف عايزة على گلبي هم

أرتاك على الكاونتر وحضن ادينة
وحچة بجمود مِخيف
-أبيل:يوم شنو الي أستفاديتي من حچيتي بهل موضوع؟
تتوقعين أگلچ روحي خطبيلي فلانة وعلانة
يوم لو ما أنتِ إمي هم چان كرهتچ نفس كرهي لجنس حواء
إبنچ يا يمة إنلچم وأنغدر من ناسة وهله شحال الغريب لو دره؟

اليوم موعدنـا الساعة 4العصر🔥🔥