اِحْتِدام الدُلس

-4-

إحتــدام الـــدُلس
الحلقة الرابعة
.
.
.
.
.
.
.
.
.
.
حبايبي لا تنسون التصويت والتعليق بين الفقرات
ومتابعة حسابي الواتباد @umkno22
والانستا @org_bl
أنشر معضم أدلة الرواية..
لحضات معدودة وينفتح البـاب
مجرد التقت أشوف الدُلسّ  أنصدمت بوجودة
بكل تكبر وغرور بعد عيونة عني وأقتحم المكان..

بعدني على صدمتي و مُعاذ بلش بالإجتماع
وبعد ما خلص عرفهم عني
وصل للدُلسّ گال
-عضيدي وشريكنا الثالث  الدُلسّ.

بهتت گدامة يعني هوَ الشريك الثالث !!
بنص صفنتي حسيت على إيد تضغط على كتفي فزيت رافعة راسي

أبتسمت وگمت
وعيوني رجعت تشوف المغرور الي ما كلف نفسة يسلم وطلع
زفرت نفسي
وطلعت بعد معاذ
مشيت لحد بداية الممر وگفت
دُلسّ و أبيـل واگفين
والواضح من أخويا عصبي ومنفعل على عكس المغرور إلي حاط أدينة بجيوبة وينظر بعدم أهتمام للمقابل.

مال راسة على أبيل وأبتعد
وبالمقابل أثناء أنفعالة صارت عينة علية مجرد لمحني خزرني وصد على الدُلسّ ختم كلامة وطلع من الممر.

كملت طريقي لحد ما وصلت اله مكملة طريقي وگفني كلامة يگول
-أهلاً وسهلاً روكيانا

هزيت راسي وحچيت
-شكرًا
كملت طريقي للغرفة المُخصصة إلي.
خلص هل يوم بسهولة ومرونة بدون تعب او مجهود قوي كل شي سلس لدرجة ذميت أخواني لان يگولون الشغل شاغلنة.

رجعت للبيت ويا مُعاذ او بالاحرى تورط بيه يوديني و يرجعني
دخلت من باب المطبخ
سديتها وطلعت گداري الأكل من الثلاجة.
شغلت الطباخ ناصي وخليت الكداري
رحت بدلت ورجعت متمددة على القنفة.
نعسانة و جوعانة بنفس الوقت
والنعاس تغلب عليه گمت ردت أطفي الطباخ وأنفتح الباب
التفتت مجرد لمحتة أبتسمت وتقربت عليه حضنته
ضحك وهوَ يگول :
-آواب:گالو أشتغلتي ويا الولد أشو بعدچ وحدچ بالبيت ؟

أبتعدت عنه وحچيت
-رجعت قبل ربع ساعة
وتعـال أگلك أخويـا العزيز
وين چنت طول هل أيام وليش أتصل عليك مغلق والأهم ليش وجهك مزورك تعبان؟

ضغط على راسة وگال
-مالي نفس نصايح أخوانچ وروحي واصله لخشمي إذا واحد منهم يلبسلي الأعمامة ويفتي يمكن أخلي طلقة براسه وراس الخلفة .

بلعت ضوجتي وكررت سؤالي
-وجهك الحلو ليش ما أشوفة مورد ليش كل هل كدمات والزراك بي ؟؟
آواب حبيبي ملاحظ نفسك شلون هامل صحتك وستايلك
أول تالي أخويا إلي عمرة گاضي بالكشخات والطلعات يصير أشبه بمجرم!