وطيت رُوحي لاجل شانتس ياعرُوق قلبيّ .

Part 15

تـذكير بالاحداث ..
فهد: والله ماكسب رعاد هالمره
سلطان: يقهر ياسر مسوي يعنني وهو فصمه ياشينه مابلعته
محمد: والله حليل لكن كلمة رعاد اربكت ياسر يوم قال انا ادري فيها اكثر منك ياخوها
فهد: ايي كلمته غلط كان بينهم شي والله يستر بس ويسهل الامر
________________
عند سند بالمستشفى ..
سند: وش حالها يادكتور؟
الدكتور: الحمدلله مافيها شي بس اغماء لكن المصيبه انت
سند : ماعلي من نفسي اهم شي اختي بخير انا بخير
الدكتور: بس ياسند انت اصابتك بليغه وجهك على جسمك وعلى يديك
سند: مو مشكله افحصني وعلمني
(اجرا الدكتور فحص على سند وبعد ساعة من اللحظة ذي في مكان ثاني)
_____________
في بيت فنن ..
فنن بطفش: مللل ابي اطلع ابي اتنفسس بس بطلع اتمشى
-طلعت فنن تتمشى بضواحي قريتها الجميلة وراحت تشوف محلها هي واخوها من فترة طويلة ماباعت لان الي كان شغال ياسر-
فنن بابتسامة: ااههي اشتقت لك يامحلنااا الحلووو وبضاعتناا
جلست فيه فنن وجاها زبون وقال: السلام عليكم
فنن: وعليكم السلام
الزبون: عندك يابنتي تتن؟
فنن باستغراب: تتن؟
الزبون: اي
فنن: ايش هذا؟ ماتوقع عندنا
الزبون: دخان خلاص مو مشكله فمان الله
راح الزبون وقالت فنن بينها وبين نفسها: شنو هذا صاحي يبي دخان!!
.... : فنن!
التفت فنن وقالت باستغراب مع صدمه: وي رعاد صح؟
رعاد بابتسامة جانبية: وتهقين الحبايب يسجون عن اسماء بعض؟
فنن بحياء: صراحه مدري
رعاد: تقدرين تجين معي؟ بكلمتس بموضوع
فنن بتردد: ماقدر لا
رعاد: ماراح اكلتس صدقيني الحقيني وبس
راح رعاد وترددت فنن لكن لحقته للمكان الي راح له وصدفت الي هو مكانهم الاول في اول لقى لهم وقال رعاد: اول مكان؟ واول لقى
فنن بصوت خافت: يعني ليه جايبني هنا
رعاد: ناظريني حطي عينتس بعيني
فنن بخجل: لا قل الي تبي اسمع انا
رعاد قرب منها وقال: انا بخطبتس على سنة الله ورسوله موافقه علي؟
فنن من الصدمة والتوتر ماردت قعدت ساكته ماتدري وش تقول له ماتوقعت هالسوال منه قال رعاد: اعيد واكرر انا بخطبتس توافقين؟
فنن وهي تفرك يديها: رعاد صراحه صدمني كلامك مدري ماقدر اعطيك كلمة يمكن ماكون قدها لان شوري من شور اخوي
رعاد كاتم غضبه: اخوتس كلمته ولا ينفع معه الا يبيتس لسننندد ! انا مابيتس لاحد غيري افهمي وفهمي اخوتس
فنن بصدمه: لسند؟ من قال!
رعاد بسخريه : اخوتس البزر جاه سند وخطبتس منه ولا شاورتس وانتي تقولين شوري من شور اخوتس! فنن حطي في بالتس لو يجيتس ملايين من الرجال يخطبونتس انتس لي وبتحلين لي طرقٍ عن خشم اخوتس
فنن: رعاد قلت لك شوري من شور اخوي راضيه بالي يبيه هو
مسكها رعاد من كتوفها بقوه وقال: انتي بتكونين لي بتكونين ام عيالي غصبن عنتس افهمي انتي مو لاحد انتي لي
فنن بدموع وآلم: رعاد تكفى لاتقهرني بكلامك هذا انا قلت شوري من شور اخوي وانا ماعرفك كثير سند اولى لاني اعرفه
ارخى رعاد يديه من شاف دموعها وسمع كلامها اللي مثل السهم والسكين على قلبه وقال بتنهيده فيها عتاب:
انا لي حق اعرف وش غدابتس
وش خلاتس تهجرين قلبٍ عمرْته؟
(قالها رعاد بصوت ملياااااان قهر وعتااب)
رعاد: فنن انا ماسمع ولا احد يملي رغبته علي لكن انتي رجيتيني وانا ماردها لتس رغم انها ضرت قلبي
(ماتنكر فنن انها تحب رعاد تحبه بمعنى الكلمة وماتخاف منه لكن خطوة انه يخطبها ترددت فيها حطت سند بينها وبين رعاد هي تحب سند ك اخ وتحب رعاد ك حبيب لكن عقلها املى رغبته على قلبها)
فنن بهدوء: رعاد انت تستاهل الي افضل مني وانا اس
قاطعها رعاد: ماتستاهلين الا أنا ولا استاهل الا انتي لكن كلانا ينكر انتي عرُوق قلبيّ ومجراها
-قرب رعاد منها بيحضنها لكن من ادركت فنن ابتعدت عنه قال رعاد بعتاب: ليه؟ لاتبعديني يوم عطيتتس قلبيّ تبعدين؟
فنن بتردد: سمحت لك المرة الاولى والمرة الثانيه لكن مو يعني بسمح لك المره الثالثه
شد على قبضة يده وقال: بقولتس بيت توعديني به؟
غلبها قلبها هاللحظة وقالت: اوعدك به
قال بضيق:
ليا جيتتس ضاميّ ، تروينيّ بضكاتتس؟
هزت فنن راسها بخجل وابتسم رعاد وقال بكل حُب:
ماتدرين ان عيونتس لحالها ذنب
ماغير اطالع فيتس و استغفر الله
فنن كسرت صمتها وقالت بحياء:
ما ينوّخذ طيرٍ وراعيه صقّار
ولا تنوخذ "مهره" وخيالها فارس
ابتسم رعاد وقال: اللععبب يالمهره ، غيرتي رايتس بسند؟
فنن بضحكه: اهاااا من اليوم تقول كذا عشان الموضوع وانا ناسيته
حك رعاد راسه وقال: أنتي اول من اخذ عقلي وقلبي وتبيني اتركتس لغيري؟ عموما يافنن بعطيتس وقت تفكرين لكن فكري باللي انا افكر به ودعتس الله لو انتس اخطيتي على قلبي
(راح رعاد وتركها في مكانها تفكر كثيييير)
____________________
تسريع للاحداث ..
في بيت ام رعاد .
ام رعاد:غزيل بنتي وش رايك نعزم حريم الحاره منها نتجمع ونوسع صدورنا
غزيل:فكره حلوه بس يمه لازم اذا بنعزم نخليه بكرا ونعلم اخواني
ام رعاد:ايه ماعليك نشوف اخوانك اليوم
دخل رعاد:سلام عليكم
ام رعاد:وعليكم السلام وينك ياوليدي
جلس رعاد جنب غزيل:والله توي جاي من شغلي
غزيل وهي تاكل:وش شغلك ذا جاني فضول
ناظرها نظره وقال:مالتس دخل
عصبت غزيل وقالت:يمه شوفيه خليه يعلمني تراه مستفزز
ام رعاد بضحك ومزح:بكيفه يامي خليه وش تبين تحاشرينه
شهقت غزيل:ايه صح صح الام دايم مع ولدها
رعاد بمزح: اي وش تبين انتي اقلبي وجهتس
ام رعاد: الله يخليه لي وليدي
ناظرتهم غزيل وعيونها مليانه دموع: هين اوريك يازفتت
راحت غزيل لغرفتها وقالت ام رعاد بصدمه: انا اتخيل ولا بنتي صايره حساسه
رعاد قام:صايره حساسه وبقوه بروح اشوفها حتى المزح ماتفهمه
ضحكت ام رعاد وقالت: اي ياولدي شف اختك وقلها نمزح
راح رعاد فوق لغرفة غزيل وطق الباب ودخل وقال: غزيل وراتس صايره حساسه ماتعرفين وشهو مزح؟
جاء فيصل يركض:وخر غزيل تعالي شوفي وش جبت لك
قامت غزيل من سريرها وجت: وش بعد؟
ناظرها رعاد وقال: الحين انا جاي بادب وماتقومين وجاك ذا بهمجيه وتقومين؟
غزيل: فصفص مازعلني انت مزعلني انقلع
فيصل:افا مزعلك رعاد الزق؟
رعاد وهو ماسك اذن فيصل: وش قلت؟
فيصل: انا الزق
جت غزيل بتبعد يد رعاد عن فيصل وضربها رعاد ضربه لين تخدرت يدها قال رعاد بتوتر: اسف ياغزيل اسف
فيصل بعصبيه وصراخ:رعااد تستهبل؟؟؟ ليه تضربها كذا؟
رعاد بغضب: لاتصراااخ طرا فبالي موقفي مع سند لاتغثني
فيصل بعصبيه: مو عذر قم اعتذر لها يازق يدك طولانه عليها
رعاد: مانيب معتذر خلها تصيح
(وطلع رعاد وغزيل قعدت ساكته وتبكي من الم يدها)
فيصل وهو يمسح على راسها: خلاص لاتبكين تبين اصفقه لك؟
دخل غازي وشهق: طاقها؟
فيصل: لا الزق رعاد ضرب يدها بقوه والعذر اقبح من ذنبه
غازي وهو يحضن غزيل: وش عذره ؟؟
فيصل: يقول طرا لي موقفي مع سند
غازي: اوه غريب عليه يطق غزيل مستحيل يلمسها باذى غزيلي لاتزعلين من رعاد
غزيل ببكاء: فوق مانه قاهرني يضربني
غازي: قاهرك؟
غزيل: اييي مع امي قهروني وضحكو ورحت زعلت
جاء فيصل وباسها من خدها وقال: لاتبكي ياصغيري انظر نحو السماء
غازي انفجر ضحك: حلوووووه ههههههههههههههههههه
غزيل بضحكه خفيفه:لاتقول كذا
فيصل بابتسامة: امزح معك عشان ماتصيحين
_________________
( بعد ماضرب رعاد اخته وكان مو متعمد اكل قلبه الندم اولا ضرب اخت سند والحين اخته كان متضايق وجدًا علاقته بسند خربت وعلاقته باخوانه يحس انها بتخرب وعلاقته مع ابوه جدا سيئه للحظه حس العالم كله ضده )

بعد مرور أسبوع
الساعه 4 الفجر عند رعّاد ..
رعاد بتنهيده: حتى عروق قلبي وغدت ضدي
-تنهد رعاد تنهيده طوييييييييلة ولأول مره دموعه تخون عيونه قعد يبكي من حاله هذا كل شيء ضده ، عمه وابوه وسند واخوانه وياسر ومها وعروق قلبه ! قعد يبكي بصمت وسط الليل الهادي والبرد-
حس بيد على كتفه والتفت وقال بصدمه فيها ضيق: سند؟
سند بابتسامة:اذا ماكنت معك وقت ضيقتك وش بكون؟
بكى رعاد من طيبة قلب سند ماتوقع ابدا يجيه بسبب هوشته الاخيره هو كل ماتهاوش مع سند رعاد مايرجع كبريائه مايسمح له لكن سند مستحيل يفرط برعاد وقال: ماهقيت ابدًا تجي
حضنه سند وقال: رعاد لاتحسبني قاسي والله اغليك واحبك ماننكر انك فعلا اخطيت بحقي وحق اختي لكن ادري انها طالعه من قلب من قهر وانا مالومك اذا انقهرت
رعاد بحزن: أسف ماكان قصدي ابد اني اضربها ماحسيت الا وهي طايحه بيني وبينك
سند: الي فات مات خلاص بس هاه لاتتضايق انا معك خذ من اسمي نصيب
رعاد بضحكه خفيفه: عز الله انك سند
قام رعاد وحضن سند حضن قووووووووووووي وجدًا وقال رعاد: اخوي قبل اخواني
سند بغرور عشان يغير من جو رعاد : افا عليك ماتلقى مثلي
ضربه رعاد على كتفه وقال: ابلش ههههههههههههههههه

يتبع ...