وطيت رُوحي لاجل شانتس ياعرُوق قلبيّ .

Part 5

تـذكير بالاحداث :
ثامر : بننفذ الاجرارات الاخيرة بكرا ان شاءالله
فهد: ترا طولنا بالإجراءات انتبه لايوصل للمحكمة تصرف بسرعه
ثامر: اي ماعليك بس خلك معي وانت ياياسر امش للحجز
فنن: اي بس عطه اكل لاترجعونه لي عظم وجلد
ياسر: مشتهي كبسه
ثامر بضحك: ابشر بها ههههههههههههههههههه
______________
ياسر: ثامر؟ ابي اكلم رعاد بس شوي
ثامر: طيب بس 5 دقايق
ياسر: ماعليك تمام
-راح ثامر وبقى رعاد وياسر وفنن-
ياسر وهو ياخذ رعاد بزاويه-
ياسر: اذا حكمو علي 3 شهور بطلب منك طلب واتمنى تسويه
رعّاد: ابشر
ياسر بجديه: ابيك تودي اختي لسند البراق
رعاد بصدمه: سند؟وليه؟
ياسر: مابيها تقعد لحالها فالبيت وصراحه مستحي منك كل فترة تجيبها سند اولى واقرب وانت ماقول شي في قدرك والله انك تنحط عالجرح
كان الكلام هذا صدمه لرعاد كيف يودي عروق قلبه لخويّه؟شلون؟ وش معنى سند وانا لا!!
رعّاد ببرود : طيب بسالك وجاوب ، سند وش يقرب لك؟
ياسر وهو يحك راسه: والله معرفتي فيه قروشه
رعاد بحده: تكلم؟ لانه صديقي ومستغرب ليه ماكلمني عنك من البدايه ولا حتى جاي سيرتك عندي
ياسر باستغراب: مادري والله بس بينا زواره
رعاد: منت قايل القرابه؟
ياسر: امه تصير خالة لامي من اب ثاني فهمت؟
رعّاد : هاه؟
ياسر بضحك: عشان كذا مايحتاج اقولك العلاقه
رعاد: الزبده تصير ام سند خاله لامك انت من أبو ثاني ؟
ياسر: ايييوه برافو عليك
رعّاد : خلها عندي وعند امي
ياسر بخجل: والله لا انا اصلا اتصلت عليه من جوال ثامر
ثامر دخل وقال: ياسر تعال سند البراق رد
ياسر: عن اذنك يابو؟
رعاد ببرود: ياسر
ياسر بغرور: فديت الي يسمي علي ههههههههههههههههههه
-راح ياسر يكلم سند-
سند: هلا والله بياسر اخباارك
ياسر بفرح: والله الحمدلله يارب وانت؟
سند بضحك: الحمدلله فكنا من الرسميات امرني
يأسر بتنهيده: - قال السالفه كلها-
سند بصدمه وهو يحك راسه: يارجال غريبه عليك كذا
ياسر: شسوي غصبن عني
سند: يعني بتخليها عندي ؟
ياسر: والله اي ما أمن احد ابدًا غيرك حتى ذا الي اسمه رعاد مابلعته
سند باستغراب: رعاد؟
ياسر : اي رعاد ياسر
سند منصدم ويحاول ياخذ معلومات اكثر: ليه شفيه؟
ياسر: مدري عليه نظرات لاختي غريبه وكل ماجا اختي وراه وكان يبي منها شي
سند بصدمه: الله يحفظها من عيال الحرام
ياسر بتنهيده: موافق ولا ثقيل عليك؟
سند: لا ياحمار بالعكس مثلها مثل مهاوي
ياسر: نسيت مها صح عندها
سند بضحك: اي ماعليك بس علمني وين موقعك وارسلي كل شي يخص بيتكم ووينك فيه لاسمح الله تحتاجني
ياسر: ابشر
وسكر وجاه ثامر وياسر طلب انه يرسل بياناته لسند وموقع بيته وارسلهم ثامر له-
_____
ياسر : فنن وينك
فنن كانت شبه نايمه تنتظر وقومها رعاد : هاا يمه شتبي
رعاد:اخوتس يناديتس
ياسر : يلا اجهزي كلمت سند عشان تروحين معه
فنن بصدمه: ياسر انت من وين تجيب الناس ذولي لنا للحين ماعرفت سند
ياسر وهو يمسك راسه: انتي بعد !! سند شفتي امه؟ تصير خالة لامنا من ابو ثاني فهمتي؟!
فنن: اهاااا يعني اقوله شنو؟
رعاد ببرود: تقريبًا ولد خالة بالعامي
ياسر على نيته: ويمدي تتزوجينه ونفتك منك بعد
فنن بعصبيه: كل تبن انت
(رعّاد كان يحتتتتتترق من قلبه كيف الحين صديقه؟ اغلى مايملك يمكن ياخذ عروق قلبه! كيف؟! )
-دخل ثامر ومعه جوال وفتح السبكير وقال خذ الولد دق وطلع-
سند : الووه ياسر
-رعاد انصدم انه طلع سند صديقه كان يتوهم بس للحين تأكد!-
ياسر:هلا؟
سند بخجل: ورا ماتجيب اختك انت مستحي اجيبها لحالي واختي هاليومين ماهي فالبيت مبيّته عند صحباتها
ياسر بتفكير: مقدر المشكله يطلعوني بس اخلي رعاد يجيبها
فنن وهي تاشر له بهمس: قوله شسم اخته
ياسر: هاه اسم اخته مها
سند باستغراب: وش بها اختي؟
ياسر بضحك: لا بس فنن تسال وش اسمها
رعّاد بسخريه: غريبه ماتعرف اخت البراق
سند من ورا الجوال بصدمه: اوه رعيدان طلعت عند ياسروه
رعاد بسخريه: اكلمك بعدين - وراح رعاد تحت عيون فنن الي تراقبه-
ياسر: تعال بالله كنت بخلي رعاد يوديها
سند : ااخ طيب
( قرية النجّد كانت قريبه من القريه اللي ياسر وفنن هم فيها المسافه تقريبًا ساعه)
___
ثامر باستغراب: بتقعدين؟
فنن: لاا بس انتظر الي دق يجي
ثامر بابتسامة:تبين اوصلك؟ قولي لاخوك وماتوقع بيرفض
فنن بتشتت: ماعرف لازم اقوله
راح ثامر لياسر وقال: اختك بتجلس كذا؟ ترا المركز مايصير فيه ناس اوصلها للبيت ويجيها ذا الي كلمته؟
ياسر: طلعني اوصلها وانت معي
ثامر: ماقدر ممنوع اذا طلعتك برا المركز غرامه علي وحكم
ياسر: يعني ماقدر اخليها تروح معك لحالك
ثامر بابتسامة : لاتخاف ماهي لحالها معها الحافظ بيحفظها بعينه اللي ماتنام ما أذيها حنا عيال حلال ماحنا بعيال حرام الله عز وجل قدام عيونّا
ابتسم ياسر على صدقه: دام كذا والنعم فيكم وماعليه خذها تدلك
-ابتسم ثامر وراح لفنن ولقى عندها رعاد واقف-
ثامر باستغراب: فنن اخوك وافق ولا تخافين اذا المسأله مسأله خوف الحافظ بيحفظك
فنن بانت وهي تبتسم من عيونها الناعسات: تمام
ثامر لف لرعاد: توقعتك رحت
رعّاد ببرود : برا كنت ووين رايح؟
ثامر بضحك: ضابط وتسالني؟ عموما بوديها بيتها لين يجي قريبهم ياخذها
رعاد: لا انا بوديها
ثامر: اعتذر منك اخذت الاذن من اخوها وسمح تقدر تطلع لان المركز مايصير يكون فيه ناس هالوقت حاليًا بس خلك لان على ماوديها بجي اسولف معك
-طلع ثامر وخلفه فنن الي ماطاحت عين رعاد عنها كان يتفقدها من فوقها لين تحت)