وطيت رُوحي لاجل شانتس ياعرُوق قلبيّ .

Part 13

تذكير بالأحداث ..
باهر حب راسها: هاه سمي حبة الراس تامرين شي ثاني يالاميره؟
حنان: لا خلاص كذا زين سامحتك
باهر: الحمدلله يلا مشينا عزيز جايب اكل
___________________
( بعد ماتعشوا الأخوّة الخمسة وصارت الساعة ١٢ بالليل )
عزيز وهو يناظر القمر: اقول باهر وش رايك
باهر: وشهو وش رايي
عزيز: ابي اتزوج
باهر بضحك هستري: من ذي المقروده الي بتاخذك ترف حنان تسمعوننن
ترف وهي تشرب شاهي: وش فيه انت والله عزيزي حبوب وياحظها الي تاخذه
عزيز بغرور: هاه تشوف
حنان: ويع الله يعينها
باهر بانتصار: هاه شفت حنو توافقني
صالح: يالله يالله نوم كل واحد على فراشه
عزيز: صالح كبرنا وعجزنا وانت للحين تنومنا
صالح: للحين احسكم صغار ههههههههههههههههههه
-دخلو كلهم ينامون-
—————————
(راح اعرفكم بالاخوان هذولا وش اهميتهم بالقصة )
صالح اكبر اخوانه وهو الي شايل مسؤولية البيت وكل شي عمره ٢٩
عزيز الاوسط من بين اخوانه اذا غاب اخوه صالح حل مكانه وحنووون مره عمره ٢٧
باهر اصغر اخوانه عمره ٢٤
ترف وحنان توام بس ترف اكبر من حنان ب ٥ دقايق اعمارهم ١٨
——————————
قرية النجد
(في وسط الليّل وهبوب الهواء البارد تتوسطه ضيّ القمرا في غرفة
فنن بالمستشفى كانت شبه واعيه دكتور داخل دكتور طالع ومع كل واحد داخل تصرخ وتبكي )
ياسر وهو يهديها: يابنت خلاص اسكتي وش الي يخليك تبكين تراها ابره ولا شي
فنن بدموع: مابي والله تعور يدي صارت زرقا من كثر مايحطون لي
ياسر:الله يخليك اسمعي كلامي هذا لمصلحتك انا ادرى
فنن بدموع: مابي مابي قله لايدخل مابغى
ياسر بتنهيده: ااخا منك عووبه
راح ياسر لدكتور برا وقاله: يادكتور اختي مره ماتبي وش الحل؟
الدكتور: اختك فيها نقص دم تحتاج متبرع وهذا خطر عليها بيجيها نزيف حاد كذا
ياسر بخوف: وش اسوي طيب عيت
الدكتور: حاول فيها لين اقدر احللها واعرف فصيلة دمها
ياسر: حاضر بشوفها الان
(دخل ياسر عند اخته وقعد يحاول فيها ويحاول ويحاول لين بالموىتً وافقت واقتنعت ودخل الدكتور يحللها وصارت الاجراءات كاملة)
الدكتور:لاتتحرك ياياسر الابرة بيدها
ياسر وهو متصنم: اخلص متى ينتهي ذا يدي راااحت
الدكتور بضحك: الله يعينك
ياسر: بسرعه ذبحتني بالقرص
فنن بدموع وراسها على صدر ياسر قالت بهمس: خلاص بموت يعور
ياسر وهو يمسح على راسها: هانت هانت تحملي
الدكتور: خلاص خلصت الحين بودي الدم المختبر عشان نشوف النتايج
ياسر: الحمدلله اذا طلع شي علمني
الدكتور: تمام
_____________
في مكان أخر الساعة 1 ليًلا

(كان رعاد جالس في مكانه المعتاد اللي هو التلّة اللي كانت اول لقى بينه وبين فنن)
رعّاد بتنهيده : ااااخ احساس بداخلي عجزت لاعرفه انا احتاج صدق لسند يساعدني بمشاعري هذي
قعد رعاد يفكر ويهوجس وسط الليل وبرودة الجو وطرا في باله يتصل على سند واتصل عليه
سند: الوووه
رعاد: مابغيت ترد
سند: والله كنت نايم وش عندك داق
رعاد: غريبه تنام هالوقت؟
سند: ياولد بسبب الكلبه الي عندي تنومني بدري وتقومني بدري
رعاد بضحك: كل قلت كبرت كل يوم تصغر ههههههههههههههههههه
سند: الشكو لله وش اسوي الا وش تبي
رعاد: ابيك ودي بك بشي اذا فاضي
سند :ابد والله تحت امرك بس عطني حل مها وين اخليها
رعاد:عادي خلها فالبيت وسكر البيبان
سند: هههاااي باحلامك اخليها عقب الي صار لها كذا يوم بغيت اوصل لمرحله الد.م
رعاد: افا لييه؟ وش صار؟؟
سند: خليتها مره بالبيت وهي كالعادة تقفل الباب لكن يوم طلعت انا طاح مني المفتاح حول البيت وخذلك ياذاك وخذ المفتاح وادخل وقفل الباب وصياحها كل من بالحاره سمعه
رعاد بصدمه: صار لها شي طيبب؟؟؟
سند: لا الحمدلله لقيتها صافقته بالمقلاه حقت البيض
رعاد بضحك هستيري: حااايي بنت البراق ههههههههههههههههههه
سند بضحك: والله كنت خايف عليها لكن الحين صرت اخاف على الي يجيها
رعاد بضحك: عاد صدق ولو الحذر واجب المهم خلاص لاتجي
سند: بجيك وادبر وضعي معها
رعاد: طيب
(قعد رعاد ينتظر سند وصارت الساعة ٢:٣٠ وقام رعاد عشان يروح البيت بحسبة ان سند سحب عليه لكن شاف زوله من بعيد وقال بصوت عالي: ليتك رااااااقد
سند:اسف
رعاد: علامك ؟؟ توقعتك سحبت علي
سند وهو يحك راسه:لا بس جبتها معي هذا الي اخرني
رعاد وهو يناظر خلف سند: بعد ذي ورعه ولا شلون تجيبها معك
مها بهمس: ترا ماني رايقه له خله ينطم
سند: كلكم انطمو وانت وش سالفتك ذي
رعاد: اقلعها بعيد السالفه خاصه
سند: هيه وش الي اقلعها حدك
رعاد: شف لك صرفه عاد
قال سند لمها تجلس شوي بعيد وقريب من عندهم
سند: وش عندك شكل موضوعك حامي
رعاد: كنت بماطل بس بقول الزبدة انا قلبي يحب له وحده
سند بشهاق: لا لا لا قويه ذي
رعاد: هذي الزبدة وابيك تساعدني عشان اطلع الي بقلبي ذاا
سند بضحكه: بالله سند تحب ولا تضحك علي؟
رعاد: والله وبالله وتالله اني احبها حبًا جمًا
سند بحماس:اووووه اول مره اشوفك تحب عاد مو مبين عليك لكن تبشر منهي البنت وازهلها
رعاد: هو أنا الي احسه اخوها مايباني وبنفس الوقت محتار
سند: مافهمت انا انت الحين تبي تقولها انك تحبها ولا تبي تخطبها؟ولا تبي اخوها يوافق؟
رعاد: اقصر صوتك يمال الوجع ابيهم كلهم
سند وهو يحك راسه: طيب احس انك تقولها انك تحبها صعبه اما انك تخطب وتقول لاخوها سهله
رعاد: عطني الحل
سند: منهي البنت ومنهو اخوها؟
رعاد : اخوها ياسر والبنت فنن
(انصدم سند ووقف الدم بعروقه ماتوقع ان البنت الي يحبها رعاد هي نفسها فنن راح وخطبها من ياسر ووعده ياسر فيه كانت صدمه قويه بالنسبه لسند مو صدمه عااديه)
رعاد لاحظ صدمة سند وقال: ها بتساعدني ولا؟
سند بتردد: بس يارعاد انا ... شسمه
رعاد: انت وش؟
سند: انا خاطب فنن من قبل لاتجيها انت واتوقع اني ماقدر اساعدك بهذا الطلب
(اماله واحاسيسه واوهامه وشعره لها صار هباءًا منثوراً من سمع كلمة " انا خاطبها" كانت مثل السكين بقلبه ، ماتوقع ابدًا ان الي قال لها جملة "وطيت روحي لاجل شانتس ياعروق قلبي" صارت لغيره ! ، لا اراديًا سالت دموعه وشد على يده)
رعاد بحده: بس انا ياسند اولى منك انت
سند كان ساكت وقال: لكن صارت لي بالحلال لو فعلا بغيتها كان اخذتها قبلي واذا كان الشيء هذا بيهز علاقتنا ف انت ماتفهم ابدًا
رعاد وهو يخنق سند:بتفسخها
سند بصعوبه التنفس: رعاد بعد يدك عني لاتخلي الشي هذا يخرب الي بينا هذي قسمة ونصيب
رعاد وهو يشد على سند بصراخ: تفسخها الحييييين
سمعت مها صراخ رعاد وراحت بسرعه الا طاحت على منظر اخوها مخنوق وقالت برعب ورجفه: اتررررررركههه يارعاادد
هجم رعاد على سند بالضرب واللكمات وكانت مها ماتدري وش تسوي وراحت عند رعاد ومسكته من ظهره وهي تبكي: اتركه لاتاذيه من عرفتكم وانتم ماتتهاوشون بيوم وليله تتضاربون اتركه تكفى
(رعاد بطبعه مايحب احد يبكي خصوصًا اذا كانت بنت قلبه يضعف بس هالبنت مو اي بنت هذي اخت صاحبه وصديقه وخلّه)
رعاد ببرود: تركته خلاص
مها بدموع وهي عند سند: عقب ايش سند تسمعني
سند بألم وهو يمسح الدم من فمه: عادي يامها لاتخافين
بكت مها بحضن اخوها وقالت: ليتني ماجيت وشفتكم تتهاوشون مو معقوله
وسكتت مها بس صوت بكائها وشهقاتها وهي بحضن اخوها
وقال رعاد ببرود:فكر بالي قلته لك ياسند
سند بغضب وصراخ: قلت لك ماراح افسخها هذي قسمة ونصيب
عصب رعاد من صراخ سند وكان بيخنقه الا وقفته مها وقالت:والله ماتلمسه ابعد يارعاد
رعاد بعصبيه : انقلعي عني مالتس دخل بالي بينا لاتخليني ادفنتس انتي واخوتس
قام سند من مكانه وخنق رعاد وركب فوقه: اختي ماتتكلم معها بالطريقه ذي تحترمها
(راح الليل كله وهم يتهاوشون ومها نفذ صبرها تعبت نفسيتها من الي تشوفه اخوها ينضرب مع اعز صديق له مو قادره تسوي شي واتصلت على حلّها الوحيد "غازي" )
_________________
في مكان آخر في نفس اليوم و الساعة ..
محمد: يعيال مو جوعانين؟
سلطان: الا والله انا جوعان مدري عن الباقين
فهد: اقول ورا مانطلب كبيسه
فيصل بغرور: شرايكم اطبخ لكم كبسه؟
سلطان: لا يرحم امك فكنا من التسمم
محمد بضحك: والله تسمم على كيف كيفك
غازي : عاد طافكم طبخ فيصل
فهد: شفلك تعزيز الاخوان ههههههههههههههههههه
محمد: اااي يعززون لبعض
فيصل: كل تبن انت وياه بطبخ لكم وغصب تذوقونه والله حلو
غازي: ماعليك منهم اطبخ
سلطان: غازي ياصقه جوالك يدق
غازي: اوه ماسمعته
(رفع غازي جواله واستغرب من الي داق عليه رقم غريب!)
غازي: يعيال رقم غريب
فهد: طب رد
رد غازي وقال: هلا من معي؟
مها بصوت مبحوح: غازي تكفى تعال بسرعه رعاد وسند يتهاوشون شوي ويذبحون بعض
غازي بصدمه: طيب ويننن؟؟؟؟ ومين انتي؟؟
مها بدموع: عند التلال تكفى تعال مابغى الاثنين يموتون
غازي: يالله جااي -سكر جواله-
فيصل: شسالفه
فهد: من ذي الي دقت وش فيه
سلطان : هيه وش صار
غازي: سند ورعاد تهاوشون والي دق علي مها اخت سند بسرعه امشو قبل يذبحون بعض
(طلعوا العيال بسرععه من البيت للمكان الي قالته مها)
_____________

يتبع ...