ကျွန်တော့်ချစ်သူ ဆိုက်ကိုပါ့သ် (bl)
part (4)
--------------------- unicode/ zawgyi
"စားမကောင်းလို့လား "
အလုပ်ပိတ်ရက်ဖြစ်၍ လဆန်းညို ဟင်းသေချာချက်ဖြစ်ပြီး ညီအစ်ကိုနှစ်ယောက် မျက်နှာချင်းဆိုင်ကာ ထမင်းစားနေကြပေမယ့် တို့ကနန်းဆိတ်ကနန်းစားနေတဲ့ လပြည့်ကို လဆန်းညို အားမလိုအားမရမေးလိုက်မိတော့
"ကောင်းပါတယ်..."
"ကောင်းရင် ထည့်စားလေကွာ "
ပြောပြောဆိုဆိုနဲ့ လပြည့်ပန်းကန်ထဲကို လဆန်းညို ကိုယ်တိုင် ဟင်းခပ်ထည့်ပေးလိုက်ရင်း
"ကျောင်းနားနေရတဲ့ ရက်တွေမှာ ဂိမ်းချည်းပဲ လှိမ့်ဆော့မနေနဲ့ဦး....
သူငယ်ချင်းတွေဆီက စာအုပ်ငှားပြီး စာတွေနေ့တိုင်းပြန်ကူးထား...
ငါပြန်ရောက်တာနဲ့ စာရှင်းပြမယ်...
နေ့ဘက်အားတဲ့အချိန်ကျက်ထားပေါ့... "
"ဟုတ်"
ထောင့်စေ့အောင်မှာနေတဲ့ ကိုညို့ကို လပြည့် မသိမသာ မျက်လုံးလှန်ကြည့်ပြီး အကဲခတ်နေမိသည်
အိမ်ရောက်ရင် နားပူအောင် အဆူခံရတော့မယ်လို့ ထင်ထားခဲ့ပေမယ့်
တကယ်တမ်းကျ ရုံးခန်းရောက်တဲ့ကိစ္စနဲ့ပက်သက်ပြီး စကားမစတဲ့ ကိုညို့ပုံစံက ထူးဆန်းနေသလိုပင်
"ငါ့ကို ပြောစရာရှိလို့လား "
ကိုယ့်မျက်နှာကို အကဲခတ်သလိုကြည့်နေတဲ့ လပြည့်ကို လဆန်းညို မေးလိုက်မိတော့
"ထူးဆန်းနေလို့ပါ "
"ဘာကလဲ... "
"ကျွန်တော့်ကို မဆူလို့လေ "
မယုံမရဲပြောနေမိတဲ့ ကိုယ့်ကို ကိုညိုက မပွင့်တပွင့်အပြုံးဖြင့်ကြည့်လာပြီး
"ငါ့ညီက လူရမ်းကားမဖြစ်နိုင်ဘူးလို့ ယုံလို့ပါ"
ကိုညို့စကားကြောင့် လပြည့်ရင်ထဲ ဘယ်လိုဖြစ်သွားမှန်းပင်မသိ
ကြည်နူးခြင်းလား အားတက်သွားရခြင်းပဲလား
သေချာတာတစ်ခုက အတော်လေးခံစားလို့ကောင်းတဲ့ ခံစားချက်ဆိုတာပင်
"မင်းကို အပြစ်တင်ဖို့ထက်....
မင်း စိတ်လိုက်မာန်ပါ ဖြေရှင်းရလောက်အောင် ဘယ်လိုပြဿနာမျိုးရှိခဲ့လို့လဲဆိုတာကို ပိုသိချင်တယ်...
အဲ့ဒီ့ပြဿနာကို မခန့်မှန်းနိုင်တဲ့ ငါ့ကိုယ်ငါပဲ ပိုအပြစ်တင်မိတာပါ"
YOU ARE READING
ကျွန်တော့်ချစ်သူ ဆိုက်ကိုပါ့သ် (bl) completed
Romance***** ရိုးဖြောင့်ခြင်းတွေ ပျောက်ဆုံးနေတဲ့လောကကြီးမှာ လူလိမ်လို့ သူ့ကိုယ်သူခံယူထားတဲ့လူက အရိုးသားဆုံးပဲမဟုတ်လား အဲ့လိုပဲလေ ဆိုက်ကိုပါ့သ်လို့ နာမည်ပြောင်ရထားတဲ့ ငါကလည်း သာမန်ရိုးကျအဆန်ဆုံးဖြစ်နေနိုင်တယ်****** (ရိုးရာ ကတိ) ****** ပတ်ဝန်းကျင်ကို တုံ့ပြ...
