أرض جلاجولاس green Of Glagolas

(20) طريق الولوج لأرض جلاجولاس

عند زمزم
شافت زمزم الطيور اللي كانت في السماء بتتوحد في شكل سهم بيطل علي طريق معين
وحواليهم طيور لسه بطير في اتجاهات مختلفه

كررت اسم جلاجولاس تاني
واتجمع عدد من الطير بيكمل السهم
قعدت تكرر اسم جلاجولاس كتير
لحد ما اتجمعلها عدد كبير من الطيور متشكلين في شكل سهم كبير جدا بيدلوها علي طريق الولوج إلى أرض جلاجولاس
كانت اشكال الطيور في السماء تتطير العقل من جمالها
الوانها وتدرجات الاصفر من الفاتح  للغامق كانت تريح النفسيه نسيت تعب رجليها وخوفها وتعب الطريق
وفضلت مكمله علي السهم المرسوم في السماء أمامها وشكل الطيور اللي يجنن قدامها فضلت ماشيه كتير هيا نفسها مركزتش في الساعات اللي عدت عليها وهيا ماشيه

لحد ما اخيرا وصلت
لباب من اللون الأصفر كان مفتوح
دخلت لجوه والباب بردو كان مفتوح ومتقفلش
فكرت وقتها ان الباب دا دايما بيكون مفتوح
كانت بتجر شنطتها وماشيه
مشيت شويه صغيرين وهيا بتبص علي المكان حواليها
لقت ناس لابسين لبس غريب جدا
واقفين فوق ثور الباب كان الباب ضخم جدا وكبير جدا وواقف عليه ناس كتير من فوق
وهيا داخله مكنتش الناس دي موجوده
بس دلوقتي بقوا موجودين ملحقتش تفسر ولا تفهم اي حاجه لانها شافت ناس كتير جايه بتجري
اللي لفت نظرها مش الناس اللي بتجري ولا الناس دي اصلا بتجري لي
لفت نظرها أن الناس شكلهم طبيعي
لونهم طبيعي بشرتهم زي بشرتها مش زي ما الكاتب
قال
بس اللي صدمها ولفت نظرها
هو الشخص اللي متعلق في نص الثور بشرتو صفراء
بغرابه بشرتو بهتانه جدا عروقو وجسمه كلو حرفيا بيرتجف ومربوط من رجليه ومن ايديه قدام الثور
دا بردو مشفتهوش اول ما دخلت يمكن عشان الثور حقيقي كبير جدا
كان الراجل دا شكلو يحزن بجد
فكرت هيا أنهم دهنينو باللون الاصفر بس ليه مكنتش لاقيه تفسير
اتجمع عدد كبير جدا من الناس وهيا واقفه جمبهم في المقدمه
كانو الناس الحزن واضح علي وجوههم وفي مجموعه بتعيط بصوت مش مسموع واقفين تحت الثور بالظبط
تحت الراجل اللي مربوط المسافه بعيده جدا

كانو الناس جمبي عمالين يقولو بهتوه بهتوه
مكنتش فاهمه هما بيقولوا اي جيت اتكلم معاهم محدش كان بيرد محدش كان بيتكلم مع التاني
كانو بيرددو بس كلمه ألا وهيا بهتوه بهتوه
فضلت واقفه وسطهم متابعه الموقف بترقب أو اصح منتظره اشوف اي اللي هيحصل للراجل دا
ونفسي في تفسير منطقي للون بشرتو وليه دهنينو باللون الاصفر .

20