وبصيت تاني لفوق وانبهرت من المنظر
اي الجمال دا انا ازاي مأخدتش بالي من الجمال دا كلو
كان لون السماء زي ما الكاتب قال مش سماء زي بتاعتنا لاء
حاجه خيال
السمه لونها أصفر
بتدرجات اللون الأصفر المميز زي حبيبات صغيره بلون الدهب ساطعه في المكان كلو
نجوم باللون الاصفر الدهبي
المكان خيال
الرمال تحت رجلي زي حبيبات الدهب
مسكت شنطتي وفضلت ماشيه كتير وانا مش عارفه اروح فين ولا اجي منين
المكان كلو متشابهه
فضلت ماشيه كتير اوي كل شويه ابص في الساعه اللي في أيدي
عدي ساعتين ومافيش اي حاجه ظهرت
فقدت الامل قعدت علي الرمل الاصفر طلعت اكل وبدأت اكل خلصت اكل وحطيت الشنطه تحت رأسي
وبصيت للسماء
لقيت طيور
ما صدقتش نفسي ولا عيني
اي دا الطيور لونها أصفر
حاجه غريبه
احنا كان عندنا في بلدنا طيور باللون الاصفر بس هنا كل الطيور باللون الاصفر بس
كنت حرفيا مستغربه المكان دا
انا فين
دي ممكن تكون ارض الاحلام يعني
دي أرض اي دي
افتكرت الاسطوره اللي كان مكتوب عليها ارض جلاجولاس
رددت الاسم بصوت واطي وبعدين
وقفت وقعدت اصرخ بصوت عالي
واقول
انا في ارض جلاجولاس
أرض جلاجولاس
وأخيراً انا في ارض جلاجولاس
وهنا كانت الصدمه
عند أهل زمزم
كانت نعمه قاعده في اوضتها ماسكه صوره زمزم ودموعها علي خدها
حست انها فقدت كل ما تملك
في الاول والد زمزم وأخوها ودلوقتي زمزم الموضوع كان يحزن
انك تفقدي اهلك ومتعرفيش هما فين بخير ولا لاء
عايشين ولا ميتين
بيعدي عليهم سنين وانتي مش عارفه هما فين
انك تعمليلهم ميتم وجثثهم مفقوده دي حاجه تقهر وتوجع قلب اي ام
قاطع شرودها وحزنها
الخبط اللي علي الباب
نعمه أدخل
الجد سعد انتي فاضيه يابنتي
نعمه أدخل يا بابا ايوه فاضيه
دخل سعد وقعد جمبها علي السرير
سعد دا إسمه كلام يابنتي
نعمه خير يا بابا في حاجه
سعد مش عاجبني حالك يا نعمه
حرام عليكي يابنتي متوجعيش قلبي عليكي كفايه قلبي الموجوع علي ابني وأحفاده
نعمه بعياط مش قادره يابابا مش قادره اتقبل موتها دي بنتي مهما كان وكمان جثتها مش معانا مالهاش قبر اروح عندو ملهاش دفنه يا بابا
سعد متقوليش كدا يمكن تكون بخير
نعمه هتعيش فين يابابا هتعيش فين وحتي لو كانت عايشه الاكل اللي هيكفيها انهارده مش هيكفيها بكره وهتموت في الاخر
سعد استودعيها عند ربنا وربنا يحفظهلنا ادعيلها بالرحمه يابنتي
وسابها وخرج
محبش يديها أمل ان زمزم ممكن ترجع لأنهم كلهم عارفين أن رجوعها مستحيل
عند زمزم
19
YOU ARE READING
أرض جلاجولاس green Of Glagolas
Adventureما وراء المغاره ؟! الروايه 140 صفحه كل صفحه فيها حكايه مختلفه اول صفحه بتكلم عن أرض جلاجولاس ما هي أرض جلاجولاس ؟ ولما سميت بهذا الاسم ؟ وما طبيعتها وطبيعته أهلها ؟ هنتعرف مع الاحداث كانت مجرد خيال ولكنها تحولت لحقيقه.
