((((((مفيش رحمه ٢))))))
#لولو_محمد
الحلقه ٢٤
زينب / انا هطلع ابارك للمعدوله مرات ابوك على ابنها اللى فرحانه بيه ابنها اللى هيشارك ولادى فى رزقهم و يتبت رجلها وسطينا و قال انا اللى كنت خايفه من امل تلوف على عماد اهى الحيه الكبيره كتفت ابوك
رحيم يبص لرحمه و يسكت عماد يدخل
عماد / فى ايه
زينب / مبروك يا عماد هيجيلك اخ
عماد يبصلها و يسكت
زينب / انت كمان هتسكت مش كدا
عماد/ اعمل ايه انزله اقول لبابا نزله اقتل روح خلقها ربنا خلاص اللى حصل حصل
زينب / ماشى يا رجاله الصياد ماشى يا ولادى عن اذنكوا
.....................
فى شقه اميره
امل / الف مبروك يا بابا الف مبروك يا ماما
اميره / انا مكنتش متخيله انكوا هتفرحوا كدا
امينه / فى حد ميفرحش ان ربنا هيكرمه باخ
امل / انا مش فرحانه ان هيجيلنا اخ انا فرحانه ان لاول مره ماما تبقى فرحانه بحمل اول مره مخفش لما اعرف ان امى حامل لان عموا محمد مبسوط
امينه / عن اذنكوا
امينه تقول تفتح البلكونه و تقف فيها
اميره / امل
مصطفى / انا هقوم اراضيها انا
مصطفى يدخل ورا امل البلكونه
مصطفى / القمر مش طالع النهرده
امينه تبصله
مصطفى / مالك
امينه / مفيش انا بس قولت اشم شويه هوا
مصطفى / اشم معاكى
امينه / اتفضل
مصطفى / باباكى واحشك
امينه / هو فين انا معرفوش مشوفتوش اصلا ممكن اكون قابلته فى الشارع و معرفش شاكله و لا يعرفنى ماما ادتنى صوره ليه قطعتها منغير مبص فيها عشان معرفش شكله ان كان هو مش عاوزنى هعوزه ليه يعنى انا كان هو بايعنى
مصطفى / طب و اخواتك
امينه / امل هى اختى الوحيده و النونو اللى جاى و عماد و رحيم دول اخواتى انا معنديش استعداد اعيش حياه امل
مصطفى / بصى انا مش بعرف ادى وعود و اقول كلام طبطبه بس انا عاوز اقولك حاجه
مصطفى يرفع عين امينه فى عينه
مصطفى / انا هعمل كل اللى اقدر عليه عشان اكون جوزك و حبيبك و صاحبك و ابوكى و اخوكى
امينه / اشمعن انا يا مصطفى
مصطفى / ليه مش انتى ليه اى واحده غيرك
امينه تبتسم
مصطفى / لعبه الحب دى محدش بيفهمها مفيهاش ليه و اشمعن هى بتيجى كدا سميها نصيب ممكن مش عارف
امينه / على فكره انا بحبك
مصطفى يبتسم
امينه / ايه
مصطفى / هاه ؟؟ اه اه و انا كمان والله بحبك اوى
امينه تبتسم مصطفى ياخدها من ايدها و ياخدها جوه تانى و هى فرحانه جرس الباب يضرب امل تروح تفتح تلاقى زينب ووراها عيالها
محمد / تعالوا تعالوا
زينب / لولولولولولولولولولولولولولولولى
عماد و رحيم يبصول لبعض و يبصولها
ابراهيم / اصيله يا ام عماد
زينب / و اى اصول دا الغالى ابن الغالى اخوا الغوالى
محمد يبتسم
زينب / هو بس يجى بالسلامه و يشرف و غلاوه عيالى لتشوفوا منى اللى مشوفتهوش
الكل يبص لبعضه
زينب / دانا هدبح عجل على حسابى و افرقه عالغلابه حلاوه البشاره
اميره / تعيشى
زينب / امين
..................................
بعد كام يوم فى المعرض
امل بتكلم زباين و بعدين يسيبوها و يمشوا تسند ايدها على كرسى السفره و تبص عالترابيزه شويه و بعدين ترفع عينها تلاقى عماد واقف بعيد يشاورلها على بقه ابتسمى تبتسم يشاورلها على نفسه و يرسم قلب و يشاور عليها تلف و تطلع بره المحل يطلع وراها الشارع ميلاقيهاش يبص يمين و شمال ميلاقيهاش ثوانى و يلاقيها خارجه من السوبرماركت يبتسم تدخل منغير متكلمه يدخل وراها تقعد عالكنبه و تحط الكيس قدامها و تفتح ايسكريم و تاكل و هو واقف عالباب و باصص عليها بنص دحكه و حاجب مرفوع يروح يقعد جنبها
عماد / كنت بكلمك
امل / مسمعتكش
عماد / قولى مشوفتنيش
امل / مشوفتنيش
عماد / يا بايخه طب اعزمى طيب
امل / متاخد مانا جيبالك
عماد يطلع واحده و يفتحها و يسند ضهره عالكنبه
عماد / هو الواحد ازاى يرجع الزمن لورا
امل / متحاولش هتضيع العمر اللى جاى
عماد / يعنى انتى رايك ابص لبكره و ابطل ابص ورايا
امل / اكيد
عماد / طب هو انتى مين ولى امرك
امل / انت
عماد / بتكلم جد
امل / انت شايف غير كدا
عماد يبتسم
عماد / انتى ازاى كدا
امل / بسال نفسى السؤال ده كل يوم حوالى عشرين تلاتين مره
عماد / انتى ازاى كدا ؟؟
امل / انت ازاى كدا
عماد / ازاى
امل / ههههههههههههههههههههههههه
امل تاكل ايسكريم
عماد / حياه اغلى حاجه عندك يا شيخه متبقيش بخيله
امل / ازاى كدا ازاى ببقى مبسوطه و انا جنبك اوى كدا ازاى رجعتنى اكل ايسكريم تانى بعد مكنت سنين طويله بكرهه
عماد / الايسكريم ؟؟؟
...........................
امل / كان بيفكرنى بيك بس من يوم مرجعت مبطلتش اكل غيره عشان برده بيفكرنى بيك
عماد / انا بحبه اوى على فكره
امل / الايسكريم ؟؟؟
عماد / و اللى بياكل الايسكريم
امل تبتسم و تاكل
عماد / انا هوضب شقه رحمه اللى قدامكوا
امل / بجد ... اه كويس
عماد يبتسم / اصلى لما بقعد على سور البلكونه تحت لا بشوفك و لا بسمعك
امل / انا اصلا معدتش بغنى
عماد / ليه
امل / اصل اللى كنت بغنيله بعد عنى
عماد / على عينه والله
امل / الله يعينه
عماد / بحبك يا امل
امل تيجى تقوم تتكعبل يسندها
عماد / بالراحه طيب
امل / اوعى كدا
امل تسيبه و تقوم تجرى و هو مبتسم على اخره
........................
فى شقه رحمه
عماد قاعد مع رحمه و الباب مفتوح
رحمه / انت بتقول ايه يا عماد ايجار ايه و هبل ايه مهى مركونه هعمل بيها ايه
عماد / رحمه معلش عشان خاطرى طب هى مش ماما ماجره شقتك اللى قصادى اعتبرينى زيها
رحمه / ان كان كدا ماشى انت ماجر الشقه يا عماد اتفضل وضبها و اسكن فيها براحتك
عماد / ايه ده
رحمه / مش انت قولت زى طنط انا هعاملك زى طنط طنط وضبت الشقه على حسابها اه بس والله مبتدفعلى ايجار و لا معاها عقد و لا بنا الكلام ده انت كنت فاكر ان رحيم ممكن ياخد من مامته فلوس
عماد / بس دى مش فلوس رحيم
رحمه / و انا و رحيم ايه مش واحد
عماد / ايوه بس
رحمه / عماد انت عاوز الشقه تتجوز فيها صح
عماد يتصدم
رحمه / انت هتخبى على اختك
عماد / بصراحه اه عاوز اتجوز امل
رحمه / مش هتعدى بالساهل على فكره حمل طنط اميره مجنن طنط زينب انت مبتشوفهاش بتقعد مع عبير بالساعات معرفش بيقولوا ايه
عماد / انا بحبها يا رحمه
رحمه / و هى كمان بتحبك على فكره
عماد / انا تعبان و عندى احساس قوى ان هى اللى هتريحنى
رحمه / ربنا يوفقكوا انا كنت عوزاك فى موضوع
عماد / خير قولى
رحمه / انا مش عاوزه رحيم يعرف حاجه ياريت يبقى سر بنا
عماد / طبعا قولى
رحمه / عماد انا عارفه انى والده قيصرى و مكملتش سنه على ولادتى بس عندى احساس قوى انى عاوزه اجرب تانى
عماد / و المشكله فين
رحمه / انا بس جبت السيره لرحيم هاج فيا و قالى انتوا عاوزين تجننونى انتى و ابويا و قالى بالمره ابنى و اخويا يروحوا مع بعض المدرسه و كلام كتير
عماد / انا كنت اعرف واحده بتقول لا يمكن اعيد التجربه تانى
رحمه / فوقتها الموضوع كان صعب كنت تعبانه و مش قادره بس لما بيتحرك قدامى و بشوف دحكته كل ده بيتغير
عماد / بينى و بينك انتى خايفه من الحوار بتاع ان رحيم يعنى
رحمه / ابدا والله هو كمان قالى كدا و ده زعله منى اكتر عشان كدا مجاش يتغدى و اتغدى فى المكتب و انا مش عارفه انا غلطانه و لا لا انا بس عاوزه اخ او اخت لادم و متقوليش عنده بشرى هى اخته اه بس انت فاهم
عماد / انتى عوزانى اكلمه
رحمه / لا انت عارف رحيم انا حكيتلك عشان مش عاوزه حد غريب يدخل بنا حكيتلك عشان مش لاقيه حد يوجهنى مليش غيركوا
عماد / كلميه و قوليله اللى انتى حساه
رحمه / زعل منى يا عماد فهمنى غلط
رحيم يدخل
رحيم / هو مين اللى فهمك غلط
عماد / انت جيت انا افتكرتك هتتغدى فى الشغل قولت اجى اكل منابك
رحيم / مكنليش نفس قولت اروح ارتاح و الف هنا يا عمده
عماد / انا كنت جاى ناوى اجر الشقه اللى فوق و كنت بستاذن يعنى اوضبها
رحيم / بتاعه رحمه انا تعبان ممكن ادخل انام
عماد / ماشى تتمسى بالخير عن اذنكوا
عماد يمشى و رحيم يبص لرحمه و يدخل اوضته و ينام بهدومه رحمه تدخل وراه
رحمه / اغرفلك تاكل
رحيم / مليش نفس
رحمه / انا مفطرتش على فكره
رحيم / ليه
رحمه / انت بتعاملنى كدا ليه من امتى القسوه دى
رحيم يقوم يقعد
رحيم / لما متحسيش بيا و لا تهتمى بمشاعرى مستنيه منى ايه
رحمه تعيط / رحيم انا مليش غيرك
رحيم / بصى حواليكى يا رحمه انا ليا غيرك ابويا و امى مشغولين بحربهم و عماد مش قادر يرفع راسه من كتر المشاكل اللى على ضهره و انا كلنا تعبانين
رحمه / خلاص انا اسفه
رحيم / انتى حكيتى لعماد صح
رحمه تهز راسها اه و هى بتعيط يروح يحضنها و يمسح دموعها
رحيم / انا اسف حقك عليا
رحمه / انا مكنتش هحكى بس كنت مخنوقه اوى
رحيم / مش مشكله حقك عليا انا خايف عليكى و مخنوق و كل حاجه ملخبطه فوق راسى
رحمه / خلاص مش مهم
رحيم / مش هتقدرى يا رحمه مش هتقدرى عالبيبى التانى واحد فى بطنط و التانى بيزحف و لا بيسند و التالته فى المزاكره و المدرسه و شغلك و رسالتك و البيت و القرف اديكى شايفه الوضع احنا فى مطحنه
رحمه / معاك حق انا اسفه
رحيم / حقك عليا انى اتنرفزت و اتسرعت انا كنت جاى اراضيكى على فكره بس ادايقت لما سمعتك بتحكى لعماد كنت فاكر اننا متفقين مندخلش بنا حد تانى
رحمه / خلاص بقى حقك عليا
رحيم / خلاص يا حبيبتى
رحمه / انا جعانه اغرفلك
رحيم يهز راسه اه
...................................
فى معرض سيراميك بعد فتره
امل / هى دى الفسحه بتاعتى
عماد / متستعجليش على رزقك انزلى
امل / نزلت
فى المعرض
عماد / عاوزك تساعدينى انقى سيراميك الشقه
امل بطرف عينها / اساعدك
عماد / اساعدك انا طيب
امل تبتسم
عماد / متبقيش غلسه
امل / انا مش عارفه اخرتها معاك ايه
عماد / مش وقته نقى بس و هفهمك لما نخلص
امل / حاضر
..................
فى البيت عماد و امل طالعين يدحكوا عالسلم زينب تفتح الباب
زينب / منورين
عماد / ازيك يا ماما ماشى يا امل اطلعى لحسن طنط تقلق عليكى
زينب / تقلق ليه خشى كلميها من عندى
امل / مره تانيه
زينب / هو ايه اللى كل معزم عليكى تقولى مره تانيه هى امك منعاكى تدخلى عندى و لا ايه و لا هو انا وحشه و عماد حلو طب دانا امه اللى جيباه
امل / ازاى بس
عماد / ماما انا كنت عاوزك فى موضوع اطلعى يا امل
امل تطلع و عماد يدخل زينب جوه و يقفل الباب بسرعه و هى بتحاول تبص على امل
زينب / كنتوا فين
عماد / كانت بتساعدنى انقى السيراميك بتاع الشقه فوق
زينب / انا مش فاهمه لزمته ايه توضيب الشقه دى مكنت فضيتله الشقه اللى تحت
عماد / مش عاوز ابقى فوشها يا ستى
زينب / طب خليك معايا هتستفيد ايه بالقعاد بتاعك ده
عماد / انا هرتاح كدا صدقينى والله انا لولا ان اى شقه بره هتبقى بعيد عنكوا و عن المعرض و لو اتزنقت بمحمود فى اى وقت كنت بعدت عن البيت هنا خالص
زينب / يعنى تدى شقتك لطليقتك و تاجر فى الشارع
عماد / مهو عشان كدا هاخد الشقه اللى فوق
زينب / طب انت مش روحت تنقى السيراميك مخدتش رحمه ليه
عماد / مكنتش فاضيه
زينب /عشان كدا و لا عشان الدكتور قالك تقف فى حته تراوه
عماد يبص لامه
زينب / شايف بطنى دى انا شلتك جواها تسع شهور انا اللى ربيتك على ايدى لحد مبقيت راجل ملو هدومك لو فى مخلوق هيحبك ويحب مصلحتك هيبقى انا لو فى مخلوق هيبقى فاهمك و عارف انت محتاج ايه هيبقى انا على فكره افكرك انى مكنتش بطيق هاله و لا بنتها و انت اللى صممت
عماد يطبطب على كتف والدته و يبوس راسها و يدخل اوضته
.........................
فى اوضه امل
امل تغير هدومها و تنام عالسرير تلاقى تليفونها بيرن تقوم تجرى تجيبه تلاقيه عماد تبتسم اوى و ترد
امل / الو
عماد / كنت فاكر انى هوحشك اكتر فتتصلى بيا
امل / يعنى وحشتك
عماد / حلو السيراميك عقبال متنقى العفش
امل / انا مش مقتنعه باللى بنعمله
عماد / ليه بس صدقينى كدا احسن
امل / ايوه بس مش مرتاحه انا خايفه
عماد / منى
امل / مش عارفه بس قلبى مقبوض
عماد / انتى بجد ممكن تكونى خايفه منى
امل تسكت عماد يتنهد
عماد / تطمنى اكتر لو كلمت والدتك بكره
امل تسكت
عماد / طب اثبتلك ازاى انى والله بحبك
امل / يا عماد انت ليه مش قادر تفهمنى انا خايفه بجد يا عماد طنط زينب مش هتوافق و مش هتسكت انا معنديش استعداد انى اتجوز واحد غصب عن اهله تانى
عماد / ماما مكنتش موافقه على رحمه و لا على عبير فعادى يعنى هى والدتى كدا مثال للحماه المصريه الاصيله فمتحطيش فى دماغك
امل / مكنتش موافقه على عبير
عماد / اه والله كانوا ناقر و نقير
امل / ازاى بس دول اعز الحبايب من يوم مجيت البيت
عماد / عشان ظهر عدوا مشترك فوحدوا جبهتهم
امل / ههههههههههههههه احنا بقى العدو ده الله يعينى
عماد / انا جنبك
امل / لا ان كان كدا بقى اقوى قلبى
زينب تفتح الباب
زينب / انا هنام هتعوز حاجه
عماد / لا يا ماما شكرا تصبحى على خير
زينب / انت بتتكلم فى التليفون
عماد / اه فى حاجه
زينب / بطمن عليك اصل مش بعاده تسهر لدلوقت تتكلم فى التليفون خفت تكون نصيبه و لا حاجه
عماد / ههههههههههه لا ربنا يبعد عننا المصايب
زينب / امين يابنى ربنا يبعدهم كلهم مره واحده و نرتاح بقى
عماد / ههههههههههه تصبحى على خير يا ماما
زينب تطلع مالاوضه و عماد يرمى نفسه عالسرير و هو مسخسخ مالدحك
عماد / ايوه يا مصيبه قصدى ايوه يا امل ههههههههههههههههههههههههه
امل / سمعت
عماد / والله امى دى عسل
امل / انا هموت و انام
عماد / طب مفيش حاجه تحت الحساب حاجه كدا تسددى بيها اللى عليكى
امل / انا معليش ليك حاجه
عماد / طب اتنرفزتى ليه كدا انا بهزر ولا تزعلى نفسك انا اللى مديونلك
امل / اه مديونلى باكتر من تمن سنين من عمرى
عماد / ليه انتى عندك كام سنه
امل / هتم خمسه و عشرين الشهر الجاى
عماد / معقول مع ان شكلك يدى سبعتاشر خالص
امل تبتسم و تسكت
عماد / انا لسه بشوفك البت الحلوه ام ضفاير
امل وشها يحمر و تسكت
عماد / بحبك يا امل
امل تقفل السكه
عماد / يا بنت المجانين
عماد يكتب رساله توصل لامل
امل / انا هنام لو مصحيتش ذنبى فى رقبتك عشان مقولتليش بحبك قبل منام و موت من غير مسمعها
امل تكتب رساله و تبعتها
عماد / لا اوعى تموت عشان بكره اقولهالك فى وشك و عينى فى عنيك
عماد يدحك بصوت عالى و يكتب رساله تانيه
امل / ايه الرساله الحلوه دى انا موت خلاص مالفرحه تصبحى على خير يا احلى قمر فى الدنيا
امل تقفل الموبايل و تحطه جنبها و تنام و تحضن المخده
.......................
ВИ ЧИТАЄТЕ
مفيش رحمه ٢ بقلم / لولو_محمد (كامله)
Романтикаمشاكل بيت العيله و الماضى و السلايف و الضراير
