مفيش رحمه ٢ بقلم / لولو_محمد (كامله)

الحلقه ٨

((((((مفيش رحمه ٢))))))))
#لولو_محمد
الحلقه الثامنه
امل / اسمع يا هشام انا سبتلك اسكندريه باللى فيها حل عنى بقى يا اخى و كفايه اوى اللى حصلى من وراك ماشى
عماد يطلع مالمعرض ووراه تلت شباب و يروح يقف قدام هشام
عماد / فى حاجه
هشام / اما عجايب والله واحد و مراته بتدخلوا ليه يا بقر
عماد يضربه بالدماغ يجيبه ارض
عماد / خدى اختك و اطلعى يا امينه
امينه تشد امل و تطلع و عماد ياخد الشباب و يدخلوا المعرض
...................
فى شقه زينب
عبير / انا نفسى افهم انتى هتفضلى ساكته لحد امتى لحد محد من عيالك يروح فى مصيبه بسبب الوليه دى و بناتها هو مش كفايه علينا مشاكلنا نجيب كمان مشاكل ملناش دعوه بيهم
زينب / معلش ياختى اصل امل دى ليها معزه خاصه عند عماد
عبير / لا و النبى ايه مانا ناقصه
زينب / لا ياختى اطمنى دا حوار قديم و مات انتى عارفه عماد مكنش عاتق
عبير / لا دا طلع حوار بجد بقى و ادى قاعده احكيلى بقى ايه حكايتها ست امل دى كمان
زينب / بصى يا ستى احنا كل مكنا نروح اسكندريه عماد كان يقعد يشاغل فيها لحد فيوم مجابت معاه و قضى الاسبوعين فى المصيف منعرفش عنه حاجه و تقريبا مشوفناهوش غير و هو مروح
عبير / و ايه علاقه ده بامل
زينب / ماحنا لما رجعنا عرفنا بالصدفه ان رحيم كان بيدارى عليه و انه طول الوقت كان معلقها و مقضينها سوا و لما رجع قعد كام يوم كدا يكلمها فى التليفون و بعدين اتعرف على واحده جديده و نسيها خالص
عبير / بالبساطه دى
زينب / و ابسط من كدا دا مره ساب واحده عشان قالتله مليش مزاج اتكلم دلوقت نتكلم بكره قالها ولا بكره و لا بعده و بناقص خالص
عبير / و بعدين
زينب / ولا قبلين هو الحوار خلص على كدا حتى لما رجعنا السنه اللى بعدها مكلمهاش حتى و لا سال عنها و شاف غيرها عادى يعنى
عبير / و اتجوزت هى و اطلقت ازاى بقى
زينب/ مفيش بعدها بفتره حبت واحد زميلها فى الكليه و لما جه اتقدم امها رفضته لان اهله نفسهم مكانوش راضين و جه لوحده و قال انه هياجر شقه و يتجوزوا فامها مرضيتش يتجوزوا الا لما اهله يوافقوا بس البت بقى لوت دراع امها و راحت هى و هو و كتبوا الكتاب وروحت لامها بالقسيمه امها نزلت فيها ضرب البت هربت و بعد كام شهر امها راحت تزورها لقتها مضروبه و طالع عينها و عين اللى جابوها و ساكته عشان مش قادره ترجع لامها
عبير / تستاهل
زينب / اللى عرفته من عمك ايامها ان الواد بعد كام شهر جواز بدء يجيب بنات الشقه و لما اتخانقت معاه قلها الباب يفوت جمل بس هى من هبلها سكتت عشان مكنش ينفع ترجع لامها بعد مكسرت كلامها
عبير / جوزها ده الواد اللى كان تحت
زينب / متعرفيلهومش بقى
عبير / داهيه تاخدهم مطرح مهم احنا ناقصين قرف
........................
فى بيت امل
اميره / اموت و اعرف عرف عنوانا منين ابن الكلب ده و دينى مهسكت
امينه / معماد ضربه و عموا محمد نبه عالرجاله فى المعرض لو قرب مالبيت تانى يظبطوه
اميره / شايفه اخره عمايلك السوده شايفه عندك ودانا لفين
امل بتعيط
اميره / انا قولتلك الواد ده زباله انا قولتلك انه بيلعب بيكى مسمعتيش كلامى
امل / هو انا كل ميحصل حاجه تقوليلى البوقين دول يا شيخه ارحمينى بقى يارب خدنى بقى انتوا مش عاوزين ترحمونى ليه انا تعبت والله تعبت
اميره / انتى كمان ليكى عين تردى عليا زمانهم تحت بيقطعوا فى فروتك و انا اللى قولت ربنا هيتوب علينا مالقرف ده بقى رضيت بالهم و الهم مش راضى بينا
امينه / خلاص بقى يا ماما متعمليش فى نفسك كدا
اميره / ملقيوش فيكى عيب يا اميره هيلاقوا فى بناتك يا اميره هتطاطى راسك اكتر مانتى مطاطياها يا اميره زمان كل من هب و دب فى الشارع بيسال مين الواد ده يا اميره
امل تفتح الباب و ترزعه وراها و تقعد عالسلم تعيط شويه و عماد يطلع شقته يسمعها بتعيط يطلعلها
عماد / هو الواد ده كان طليقك
امل / يعنى امشى اعيط فى الشوارع يعنى زى المجنونه مترحمونى بقى و تسبونى فى حاله مترحمنى و تبعد عنى بقى يا اخى
عماد / انا بطمن عليكى بس
امل / بمناسبه ايه بصفتك ايه فاكر نفسك احسن منه اوى لا على فكره انتوا الاتنين عينه واحده اوعى تفتكر انك عدل و ترسم عليا دور الملاك لا فوق انا بسجد فى اليوم اربعه و تلاتين مره فى كل سجده بدعى ربنا ينتقملى منك يا عماد بدعى ربنا انك تحس بالقهره اللى حسيت بيها انك لا تتهنى فى حياتك و لا على عزيز و لا غالى
عماد واقف مذهول و عبير تفتح الباب و تطلعلها
عبير / انتى واقفه عالسلم بتعملى ايه يا زباله الزباله ياللى لا شوفتى ادب و لا ربايه يا بتاعه السلالم انتى
عماد / عبير انزلى تحت
عبير / انزل تحت ليه ان شاء الله جرا ايه خرج البيوت متلمى نفسك بدل و دينى للمك
اميره تفتح الباب و تشد بنتها و تدخلها جوه و تقفل الباب و ترجع لعبير
اميره / مين دى اللى متربتش يا رداحه انتى انا بنتى توزنك و توزن عشره زيك
عبير / لا والله ايه شوفو شوفو مين اللى بتتكلم اللى كانت بتحدف روحها عالرجاله يا شيخه اتلمى دانتى بتغيرى فى الرجاله اكتر مبتغيرى فهدومك
عماد / لا بقى كدا كتير اوى انجرى قدامى على شقتك
عماد يشد عبير و يدخلها الشقه و يقفل الباب و اميره واقفه فوق
.......................
فى شقه عماد
عماد/ ادينى مبرر واحد للقرف اللى انتى عملتيه ده انتى ايه متربيه فسوق
عبير / احفظ ادبك و انت بتكلمنى مالك محموقلها اوى كدا ليه و لا حنيت لايام زمان
عماد / و كل مقول انك عقلتى ترجعى اسوء ماللى فات انتى ايه يا شيخه
باب الشقه يخبط عماد يفتح يلاقيها امه
زينب/ انت بتزعقلها ليه
.........................
عبير / شوفى يا ماما البيه محموق عشان الست الهانم بنت درتك
زينب/ بس متقوليش درتى بلا وكسه
عماد / انا عاوز افهم انا شكلى واحد مرتاح اوى كدا ايه ده عماد هادى و مرتاح اما نعمله مشكله جديده فى حياته نعكنن بيها عليه
زينب / اتكلم عدل يا ولد انت اصلا ايه اللى طلعك فوق و لا وحشتك وقفه السلالم و لا فاكرنى نسيت
عماد / يا امى ارحمينى متجيش غير منك
زينب / وهى ينفع تيجى من غيرى دانا اللى عرفاك بقولك ايه اتخانقت مع الراجل فى الشارع قولت ماشى اهو قدام بيتنا و العمال كانوا واقفين و ميصحش تسكت لكن طالع تراضيها و تطبطب عليها ليه مراتك معاها حق
عماد / انا ماشى
عماد يجى يفتح الباب يلاقى ابوه طالع عالسلم
محمد / هو ايه اللى حصل يا عماد
زينب / هى لحقت تعيطلك و تشتكيلك
محمد / خليكى فى حالك يا زينب و متخربيش على روحك
زينب / لا والله ايه قال ضربوا الاعور على عينه
رحيم يطلع يجرى
رحيم / تعالى يا ماما ثوانى معايا تحت
زينب / اجى معاك ليه انا فى بيت ابنى و بنتى و محدش هيكلمها نص كلمه و لا اكمنها نصفانى هتيجوا عليها كلكوا
محمد / انتى معدش فى منك رجا يا زينب
زينب / ياخويا لو مش عاجبك طلقنى و لا تكون فاكرنى هموت عليك طب دانا هعمل ليله لله و افرق ندور كمان بس انت تغور
محمد / ماشى يا زينب و احنا فيها انتى طالق
رحيم / بابا
زينب / لولولولولولوولولولولولولى
محمد / و مؤخرك و نفقتك هتوصلك لحد باب شقتك كل اول شهر بس ابقى تعالى اطلبى منى مليم تانى يا زينب
زينب / بناقص ياخويا اللى بيجى من وراك كنت شوفت ايه معاك ابكى عليه بلا خيبه
رحيم / يا ماما تعالى بس متزوديهاش متعمل حاجه يا عماد
عماد / عماد هو فى حد حاسس بعماد ميولع عماد ربنا ياخد عماد عشان كلكوا ترتاحوا
عبير / والله كل ده عشان اتخانقت مع البت الشمال دى
محمد / احترمى نفسك يا بت انتى انتى معدش ليكى كبير و لا ايه
عبير / انت بتزعقلى عشانها
محمد / بزعقلك عشان مش عاوزه تحترمى نفسك و بكره الصبح هتصل بخالك و امك يجوا يشوفولهم صرفه معاكى
عبير / ياااااه طب وماله و ليه نستنى الصبح انا دلوقت حالا ادخل اللم ابنى و حاجتى و اسيبلك الجمل بما حمل و اروح عند امى عن اذنكوا
عبير تدخل جوه تلم هدومها و عماد يقعد عالكنبه يعض فى شفايفه و يهز فى راسه مش مستوعب اللى بيحصل
زينب / خربت على ابنك و ارتاحت جبت عروستك و خربت على ابنك يلا مهما الرجاله كدا
رحيم/ مكفايه بقى
زينب / انا نازله
...........
بعد شويه كتير عبير تحط شنطتها عالباب و تدخل تجيب شنطه محمود
عماد / لميتى كل حاجه خلاص
عبير / انا هروح اريح عند اهلى اللى ابوك بيهددنى بيهم ابقى تعال بقى اتكلم معاهم
عماد / دا هيريحك يعنى
عبير / انا اتهزقت قدامك يا راجلى و انت وقفت ساكت تيجى بقى تشوف هتفضوا الليله دى ازاى عشان انا معدش عندى استعداد استحمل اكتر من كدا مالاخر معدش عندى اللى ابكى عليه
عماد / طب خليكى هنا و انا هنزل تحت عند امى و انتى خليكى فى بيتك معززه مكرمه انتى و ابنك
عبير  / ولا يوم هقضيه فى بيت الصياد تانى ولا يوم
عماد/ ماشى انا هوصلك تغيرى جو كام يوم و لما تهدى نتكلم
عبير / ابقى افتكر الجمايل ادينى خليتلك الجو مع الست هانم
عماد / استهدى بالله يا عبير استهدى بالله و انطرى الشيطان و خافى على اللى على ايدك ده زى مانا خايف عليه
عبير / لا متخافش ابنى و انا كفيله بيه عن اذنك
.......................
فى بيت اميره
اميره / ليه كدا يا محمد متوصلش لكدا ما امل كمان غلطت لما قعدت و زعقت عالسلم
محمد / كدا احسن يا اميره
اميره / طب و عبير فين دلوقت
محمد / عماد وصلها عند والدتها اما نشوف بقى هترسى على ايه بقولك ايه انا خارج شويه متفتحوش لحد مين ما كان عشان مش ناقصين وش
اميره / حاضر يا خويا
محمد ينزل و اميره تدخل لامل الاوضه
اميره / عاجبك اللى حصل بسببك ده بيتين اتخربوا بسببك و بسبب طيشك الدور على مين يا امل اتلمى بقى بدل منلاقى نفسنا فى الشارع احنا كمان
.........................
فى شقه زينب
زينب / انت بتقول ايه يا رحيم انتى فاكرنى زعلانه لا يا حبيبى متخافش اوى كدا انا كنت مستنياها اصلا طب دى حتى اتاخرت اوى
رحيم / يا ماما بصى دى ساعه شيطان و نرفزه و بابا باذن الله هيرجعك
زينب / و مين قالك انى هقبل ارجع انا يا حبيبى اللى يتقل عليا برميه و را ضهرى و ابوك متقل بقالو سنين و كنت عامله باصلى كفايه اوى لحد كدا
رحمه / يعنى لو جه و اعتزر و قال نرفزه شيطان هتقولى لا
زينب / يجى فين يا حبيبتى و اللى فوق سحراله و مبيتاله هى و بناتها دا خرب على ابنه عشان واحده مش من دمه
رحيم / باذن الله تتحل
زينب / بكره انتوا كمان بيتكوا يتخرب بسبباهم انا قولتلكوا ملناش دعوه بيهم و محدش يديهم وش بس محدش بيسمع كلامى
رحمه/ طب مدا اللى عبير عملته بالظبط
زينب / سمعينى بتقولى ايه يا بت حياه
رحيم / روحى بصى عالعيال يا رحمه
زينب / اطلع بص على اخوك و اطمن عليه
رحيم / حاضر
...........................
على قهوه
ابراهيم / غلطان يا محمد و الغلط راكبك من ساسك لراسك يااخى انا قولتلك مالاول خلى كل واحده فى بلدها و متحطش النار جنب البنزين مسمعتش كلامى
محمد / انا جبتهم هنا عشان ابن الكلب كان كل شويه ينط لامل و يدايقها مش عارف ايه اللى فكره بيها مهم بقالهم كتير اوى مطلقين و لا سال و لا عبر
ابراهيم / اعمله محضر عدم تعرض و خلاص لكن ... ممنوش فايده عماد عامل ايه
محمد / وصل مراته و رجع قفل على نفسه الباب خبطت عليه و انا نازل مفتحليش
ابراهيم / كبرت الموضوع اوى انت كان ايه حشرك فى خناقات الحريم بس ميقطعوا بعض و احنا مالنا
محمد / البت غلبانه اوى يا ابراهيم و مقدرتش اشوفها مقهوره هنا و هناك الا مفى حد ناصفها ربنا يستر على عيالنا ماللى شافته
ابراهيم / انت مش قولتلى ان هى اللى عملت كدا فى نفسها ربنا يستر على وليانا فى واحده فى الدنيا تعمل كدا دا لو منه عملتها لكنت قطعت خبرها
محمد / هى كانت رفقته فى الحرام دى اتجوزته على سنه الله و رسوله يلا اللى حصل حصل و اهى اخدت جزائها منكملش عليها احنا بقى
ابراهيم / قوم يا محمد راضى زينب و ردها
محمد / بينى و بينك يا ابراهيم تحسه هم و انزاح انا مكنتش قادر اطيق ابص فى وشها و كنت خايف من ربنا لما هقابله هقوله ايه انى مش قادر اعدل بينهم كدا احسن
ابراهيم / طب روح صلى ركعتين لله و لما تهدى نتكلم فى موضوع رد زينب ده
محمد / مليش مزاج اروح الصراحه
ابراهيم / خلاص تعال نلعب دورين طوله لما اقطعك زى كل مره هتروح و رجلك فوق رقبتك ههههههههههههههههههه
.............................
قدام شقه عماد
رحيم يخبط عالباب عماد يفتحله يدخل و يقفل الباب
رحيم / ايه النظام
عماد يترزع عالكنبه و ميردش
رحيم / انت يابنى عامل ايه
عماد / هو البعيد غبى اوى كدا البيه مش شايف الزفت اللى احنا فيه
رحيم / شايف بس هعمل ايه هو البيت ده مكتوب عليه ميشوفش يوم عدل
عماد / البيت هادى اوى بشكل يرعب صوت الواد محمود قاطع بيا اوى
رحيم / هتتلم يا عماد هنلمها
عماد / بكره الصبح هروح الصاغه و اشترى لعبير هديه و هروح اراضيها بس امك هتلمها ازاى
رحيم / ههههههههههههههه من نفس الصاغه هههههههههههههههههه
عماد / و النبى انت غلبان
رحيم / لا انت اللى مش عارف امك امك هترجع هترجع هى بس هتتشرط شويه و تطلب حاجه غاليه عشان تقطم ضهر بابا زياده لكن هترجع مش هتسيبهولها
عماد / انت غلبان اوى لدرجه انك فاكر ان ابوك اصلا هيفكر يروح يراضى امك ابوك بقاله فوق السنه و نص محطش ايده عليها و كل مره اكلمه اقوله فلا تذروها كالمعلقه يقولى على عينى بس مش قادر
رحيم / يعنى خلاص خربت
عماد / انت عارف انا ايه اللى مكتفنى
رحيم / محمود
عماد / لا امل
رحيم / مش هارشك وضح
عماد / قالتلى بدعى عليك فى كل سجده متتهناش على غالى
رحيم / انا قولتلك متخافش غير ماللى معاتبتش و لا اتكلمت
عماد / مش امل اللى مخوفانى امل غلبانه
رحيم / مانت يا فالح متخافش غير من دعوه الغلبانه دى
عماد / ياترى فى كام واحده غيرها بيدعوا عليا فى كام واحده غيرها مش قادره تنسى
رحيم / كتير هو انت حد يقدر يعد وراك
عماد ينفخ و يتعدل و يبص الناحيه التانيه
رحيم / ايه ياعم ياما دقت عالراس طبول هتبقى اكتر ماللى شوفناه قبل كدا
صوت صريخ اميره فوق رحيم و عماد يطلعوا يجروا يخبطوا عالباب امينه تفتح
امينه / امل قطعت شراينها تانى
عماد يدخل جوه و يشيلها و يجرى بيها على تحت و رحيم وراه جرى زينب تفتح الباب و اميره نازله تجرى
رحمه / فى ايه
امينه / امل قطعت شراينها
زينب / يا كوهنو يا محنو
امينه تبصلها و تمشى رحمه تبص لزينب زينب تدخل و تقفل الباب
.....................
فى المستشفى
اميره بتعيط و امينه بتطبط عليها و عماد و رحيم واقفين فى جنب محمد و ابراهيم يدخلوا اميره تجرى عليه
اميره / انا السبب انا السبب
محمد / هتبقى كويسه متقلقيش
دكتور يطلع من جوه الكل يجرى عليه
الدكتور / الحمد لله الحاله بقت مستقره نخلص بس الاجراءات و تقدروا تستلموها
اميره / يعنى ممكن ندخل نطمن عليها
الدكتور / اه طبعا ممكن اوى بس ياريت نبعدها عن اى توتر و نشوف دكتور نفسى يتابع الحاله عشان المحاوله دى متتكررش تانى
محمد / باذن الله
......................
فى بيت عبير
عبير بتتكلم فى التليفون
عبير / متحاولش يا طارق انا خلاص جبت اخرى
طارق / بس الامور دى بتحصل و انتى كمان يعنى مكنش يصح انك تردى على حماكى كدا
عبير / متخلينيش اندم انى حكيتلك انا قولت انك الوحيد اللى هتفهمنى
طارق / يا عبير والله انا خايف عليكى و خايف على محمود اوى خراب البيوت مش بالساهل اوى كدا يعنى
عبير / ممكن اسالك سؤال يا طارق
طارق / اتفضلى
عبير / انت بتحب مراتك
طارق / اكيد طبعا ايه السؤال ده
عبير / تعرف انا ليه بكلمك يا طارق عشان انت واحد نضيف بتحب مراتك و بتصونها و بتستحمل عياها و عمرك مجرحتها بكلمه مع انها حرمتك من اقل حقوقك انك تبقى اب او على الاقل انك تعيش عيشه مستقره
طارق / يا بنتى ده كلو ملوش دعوه بالحب على فكره
بره اوضه طارق بنت باين عليها المرض وشها شاحب و شفايفها زرقه و رابطه راسها بطرحه تحاول تفتح الباب تسمع الحوار
طارق / مش معنى انى بحبها انى استحمل عياها طول الوقت و انى استحمل انى اتحرم مالخلفه بسببها
البنت تسيب اكره الباب و تدخل اوضتها تانى
طارق / دا باعتبار اصلا ان هى السبب دى كلها اراده ربنا و بعدين هى دخلت بيتى على رجليها فله و شوفت معاها ايام كتير حلوه لما كانت بصحتها و صدقينى ربنا ابتلانى انا فيها قبل ميبتليها فنفسها فلازم اصبر
عبير / هو ده اللى بقوله شوف انت بتعمل ايه و شوف انا جوزى بيعمل ايه احساسى انه اتجوزنى بس عشان مديتلوش وش و انه اول مبقيت على زمته نسى كل حاجه و بدء يدور على واحده تانيه لو كانت ادته وش كان زمانه نسيها و دلوقت واحده تالته وبكره رابعه دا غير كميه المشاكل و القرف اللى حوليا حمايا و حماتى انا مش قادره استحمل يا طارق حقيقى مش قادره
طارق / طب على الاقل عشان خاطر ابنك تحاولى
عبير / ابنى ذنبه ايه يعيش فى التوتر ده كلو ابنى ذنبه ايه يتعذب فى جو مريض و كله صراعات على حاجات تافهه عشان ايه
طارق / عشان على الاقل يتربى فى حضن ابوه
عبير / ابوه و هو فين ابوه من معرض لمعرض و من مشكله لمشكله كان عمله ايه ابوه الطفل بيحتاج امه اكتر
هاله تدخل اوضه عبير
عبير / هكلمك بعدين سلام
طارق / سلام
عبير تقفل السكه
...............................
هاله / اتفقتوا على ايه
عبير / احنا مين
هاله / انتى مش كنتى بتكلمى عماد انا سيباكى مالصبح على اساس انه بيصالحك
عبير / عماد يصالحنى يا ماما انتى طيبه اوى زمانه مصدق انى نزلت من على ودانه و فضى للمحروسه الجديده
هاله / حماتك بره
عبير / بتعمل ايه هنا دى اوعى اما اطلعلها
عبير تطلع الصاله تلاقى زينب قاعده و على رجلها محمود
عبير / ازيك يا طنط
زينب / دلوقت خلاص بقيت طنط ماشى انا جايه اعقلك و اقولك ارجعى بيتك
عبير / انا هنا فى بيتى
زينب / جوزك معمول عليه كماشه لو سبتيه هتخطفه مقصوفه الرقبه و بنتها
عبير / اللى خدته القرعه تاخده ام الشعور
زينب / انتى اصلك متعرفيش اللى حصل بعد ممشيتى يا خايبه
عبير / يولعوا بقى انا هوجع دماغى على ايه
زينب / عملوا فيلم عربى قديم قال ايه اللحقنا يا عماد امل مستحملتش تكون سبب فى خراب بيتك يا عماد امل موتت نفسها فداك يا عماد و هو زى الاهبل جرى شالها ووداها المستشفى
عبير / خليها تنفعه
زينب / متقولى حاجه يا هاله
هاله / غلبت معاها والله اعمل ايه بس
عبير / الحاله الوحيده اللى هقبل فيها انى ارجع ان حمايا يجى يراضينى و لا هو شاطر بس يزعقلى
زينب / يا هبله يا عبيطه مين ده اللى هيجى يراضيكى الغربال الجديد له شده يا خايبه
عبير / و شدته طيرتك
زينب / لا و انتى الصادقه انا اللى هطيرهم كلهم و لا هى و لا بناتها و لا اللى خلفوهم يقدروا عليا و بكره ان مجاش عمك يبوس رجلى عشان ارجع و انا اللى مرضاش مبقاش انا زينب
……………………