مفيش رحمه ٢ بقلم / لولو_محمد (كامله)

الحلقه ١٢

((((((مفيش رحمه ٢))))))
#لولو_محمد
الحلقه ١٢
امل / معرفش خرجوا يشتروا حاجات
عماد / ماشى عن اذنك انا مش هتاخر بس عبير بترن سلام
امل / سلام
شويه كتير و حسن يدخل المكتب
امل / فى حاجه يا حسن فى حد بره
حسن / لا بس فى واحد جابلك الجواب ده
امل / جواب ايه وواحد مين
...................................
حسن / ثوانى هناديهولك
حسن يمشى و امل تفتح الجواب تلاقى جواه ورقه
امل / انا لازم اشوفك قابلينى فى الكافيه اللى عالناصيه و اوعدك انها هتكون اخر مره اشوفك فيها حبيبك اتش مستنيكى هناك متتاخريش
امل تكرمش الورقه و تفضل رايحه جايه حسن يدخل
حسن / ملقيتوش شكله مشى مش عارف
امل / انا رايحه مشوار صغير وجايه
حسن/ ماشى حاضر
امل تاخد شنطتها و ترمى الجواب فى الزباله و تمشى و هى خارجه مالمعرض متوتره بتبص يمين و شمال عماد يشوفها مالبلكونه
عبير / الشاى يا حبيبى
عماد / انا نازل المعرض ثوانى و جاى
عبير / فى ايه يا عماد
عماد / مفيش مفيش جاى تانى جاى تانى سلام
عبير / سلام
...................
عماد ينزل الشارع ميلاقيش اى اثر لامل يجرى عالمعرض
عماد / حسن حسن
حسن / ايوه يا عمده
عماد / هى امل راحت فين
حسن / معرفش والله قالت رايحه مشوار صغير
عماد / مقلتش رايحه فين
حسن / مسالتهاش والله
عماد / طب روح انت
عماد يدخل يقعد فى المكتب و يحط ايده على خده حسن يدخل
حسن / نسيت اقولك ان فى واحد جابلها جواب قبل متمشى بثوانى
عماد / جواب ايه
حسن / معرفش والله يا عمده
عماد / طب اعملى قهوه لو سمحت
حسن / حاضر ثوانى
حسن يمشى و عماد يقلب فى الورق ميلاقيش حاجه يطوح اللى عالمكتب الطفايه تخبط فى باسكت الزباله توقعه و الورق اللى فيه يتشحطر عماد يتنهد و يقوم يلم اللى وقع يلاقى الجواب يفرده و يقرا اللى فيه و يطلع يجرى
...........................
فى الكافيه
هشام / اتفضلى اقعدى
امل / عاوز ايه تانى خير
هشام / انا بقالى اسبوع بحضر كلام اقوله بس بصراحه اول مشوفتك نسيته كله
امل / انا ماشيه لما تفتكر ابقى تعال
هشام / اقعدى يا امل و لا انتى عوزانى اجيلك المعرض كل شويه انا واقف مالصبح مستنى فرصه
امل / انت عاوز ايه يا هشام هات مالاخر
هشام / انا لسه بحبك يا امل انا اسف على كل اللى عملته معاكى انتى عارفه ظروفى
امل / ممنوش فايده الكلام ده يا هشام
هشام / لا منه انا ظروفى دلوقت اتغيرت اشتغلت فى مدرسه خاصه الصبح بقبض كويس و بالليل بدى دروس وضعى المادى اتغير خالص حياتنا هتبقى مختلفه
امل / بعد ايه يا هشام معدش ينفع
هشام / ليه يا امل انا عارف انك لسه بتحبينى باين اوى فعنيكى
امل / لا اللى فى عينى دى مش نظره حب دى نظره تعجب سؤال بساله لنفسى صبح و ليل انا عملتلك ايه
هشام / قبل متظلمينى لازم تعرفى الحقيقه انا عمرى مخنتك يا امل عمرى
امل / يا راجل طب قول كلام غير ده
هشام / لما والدتك فتحت الباب لقتنى عريان و لا بهدومى
امل / انت عاوز ايه بتفتح السيره دى ليه
هشام / انا قولتلك مليون مره اننا مش هنقدر نكمل و انك ترجعى بيتك انتى مرضيتيش انا كنت شايفك بتتعذبى قدامى يا امل
امل / انت بتقول ايه
هشام / بقول ان كل اللى حصل كان عشان تكرهينى عشان تقبلى تمشى بس انتى مكنتيش قادره لانك هربتى من بيتك فكان لازم اجيبهم ياخدوكى انا اللى كلمتهم و قولتلهم يلحقوكى و كل اللى حصل يوميها كان عشان تكرهينى مش اكتر
امل / انت كداب على فكره و انا مش مصدقاك
هشام / كان زمانك قومتى من زمان
امل / انا بس عاوزه اعرف عملت كدا ليه
هشام / الفقر يا امل خلانى مش قادر ظلمتك معايا لما اتسرعت و اتجوزتك كنت متوتر و شغلى على كف عفريت النهرده فى فلوس و بكره لا كنت بروح استلف من صحابى و اهلى مكنتش مكفيكى و مكنتش قادر احقق احلامك
امل / و المطلوب دلوقت
هشام/ انا هاجى لوالدتك و اطلب ايدك رسمى من الاول انسى اللى فات يا امل
عماد يشد كرسى و يقعد جنب هشام و يشاور للجارسون يجى
عماد / عندكوا ايسكريم شيكولاته
الوايتر / ايوه يا فندم
عماد / اتنين كبير لو سمحت
الويتر يمشى
امل / انت بتراقبنى
عماد / كنتى خدتيه فى شنطتك اسهل خدى
عماد يطلع الجواب من جيبه و يحطه عالترابيزه و يبص لهشام
.............................
هشام / فكرى يا امل انا رقمى زى مهو
عماد / لو رجلك هوبت ناحيه المعرض تانى صدقنى هتبقى اخر مره تدوس عليها فحياتك وصلت
هشام / الحوار ميخصكش خصوصا انت ماشى
عماد / انا عملت اللى عليا و نبهتك انت بقى اعمل اللى عليك و خاف و الا وغلاوه ابنى لندمك
هشام يمشى و الوايتر يجيب الايسكريم
عماد / كلى كلى انا عازمك
امل / انا ماشيه
عماد / لا يا شيخه تمشى فين اقعدى يا امل و اهدى كدا و احكى مالاول خالص عشان افهم فى ايه ممكن يكون فى الدنيا سبب انك تكلمى الشحط ده تانى
امل / انا جيت عشان هو قالى مش هيجى تانى لو سمعته
عماد / و قالك ايه
امل / و يخصك فى ايه
عماد / روقى دمك انتى بتحبى الشيكولاته كلى
امل تبص الناحيه التانيه و تنفخ
امل / مين اداك انت او غيرك تتدخلوا فى حياتى عشان كدا انا بشتغل عشان اكسر قرش و ابعد من هنا
عماد / هتروحى فين
امل / و انت مالك مكان بعيد عنكوا كلكوا محدش فيه يحاسبنى و محدش يدخل فى حياتى مكان انسى فيه نفسى و حياتى و انساكوا
عماد / احنا مين انا و هشام و لا امك و اختك كمان
امل / انا قولتلها بلاش ..اى حد غير عموا محمد والله لولا ان هشام جه البيت كذا مره و حصلت مشكله مكنت جيت مصر انا اصلا مش قادره اصدق انى قاعده معاك فى مكان واحد
عماد / اعتبرينى هشام يا ستى و استحملى على فكره الايسكريم هيسيح
امل / انت متجيش زلطه فى جزمته على فكره متقارنش نفسك بيه
عماد / ههههههههههههههههههه ماشى احكيلى بقى قالك ايه
امل / قالى اللى كنت محتاجه اسمعه و اللى مكنتش هصدق انى هسمع غيره
عماد / قالك انه اسف و انه كان غصب عنه مش كدا قالك انه ندمان و مش قادر يعيش منغيرك صح
امل تبصله
عماد/ قالك ايه كمان استنى انا هقولك قالك انه مكنش فوعيه لما كان بيضربك و لا لما كان بيخونك قالك ايه لا بجد قالك ايه
امل / اللى قالهولى ميخصكش
عماد / الايسكريم هنا تحفه بفكر ابقى اجيب عبير هنا مره
امل / انت مش احسن منه على فكره هو احسن منك بكتير هو ارجل منك مليون مره
عماد / معاكى حق هو احسن منى هههههههههههههههههههههه
امل / هو ملعبش بيا و رمانى منغير حتى ميعتزر او يقول اى كلام هو مدانيش وعود فاضيه و عشت احلم بيها لحد مفوقت و هو مع واحده تانيه
عماد / هو سقاكى حاجه قبل مانا اجى و لا ايه انتى بجد عاوزه تتكلمى ماشى يا امل نتكلم بقولك ايه انا عمرى مقولتلك بحبك و لا حتى انى معجب بيكى انا حتى مجبتش سيره الجواز على لسانى
امل تبصله و هى ساكته يكمل هو
عماد / اه انا قضيت معاكى اسبوعين بس حصل فى مره انى حطيت ايدى عليكى حصل مره انى حاولت حتى قولتلك اى وعود عشمتك بحاجه
امل ساكته
عماد / محصلش لانتى و لا غيرك انا اه كنت بصاحب و بتسلى منكرش انى اتشاقيت كتير و ربنا بيخلصه منى دلوقت بس انا كان سهل اوى اعمل اكتر من كدا انا كمان كان ممكن ارخصك و اخليكى تهربى من بيت اهلك عشانى بس انا معملتش كدا
امل / متمدحش نفسك اوى و فوق هشام دخل البيت من بابه و اترفض عشان هو معندوش اب يصرف عليه زيك هو مطلعش زيك فبقه معلقه دهب و كل طلباته مجابه احدث عربيه و احدث موبايل نضارات شمس و هدوم ملهاش عدد و برفانات اغلى الانواع هو ملقاش ده هو تعب و شقى و طفح الدم عشان يجيب ايجار الشقه اللى كنا قاعدين فيها كنا بنحلم نبنى بيتنا سوا كنا بنعد على نفسنا اللقمه عشان نوفر انت متعرفش انا شوفت معاه ايه و لعلمك كنت مستعده اشوف اكتر و اكتر
عماد / بس هو مكنش مستعد يكمل صح
امل / هو كان بيحبنى لدرجه انى صعبت عليه كان بيحبنى لدرجه انه سابنى
عماد / اللى بيحب حد عمره مهيسيبه يبعد عنه و بعدين كان فين طول الفتره اللى فاتت انتى مطلقه بقالك سنتين و لا انا معلوماتى غلط
امل / كان بيحسن وضعه
عماد / تعرفى انا متعبتش خالص و لا بذلت اى مجهود انى سورى يعنى انا اسف اشقطك
امل تكشر
عماد / عشان انتى هبله و سهله واحده ممكن ترميها فى الحيط و هترجعلك و مش بس كدا مش هتسيبك و هتفضل لزقالك مهما هنتها و عملت فيها البدع
امل / عن اذنك
امل تقوم عماد يشدها يقعدها
عماد / واحده هربت من بيت اهلها اللى عايشه فيه معززه مكرمه عشان تروح بيت واحد ماجره مفيهوش حتى سرير عدل تنام عليه و زى مقولتى بتعدى على نفسك اللقمه عشان توفريله و بتشتغلى و تدى دروس باين للعيال طول اليوم عشان تجيبيله فلوس و بيضربك و بيجيب بنات شمال من الشارع و ينيمهم مكانها و فوجودها و يطلقها و لما يحن تبقى عندها استعداد ترجعله تانى دى تسميها ايه
امل / اسميها بتحب
عماد / لا اسميها معندهاش لا دم و لا كرامه
امل بتحاول تمنع دموعها  / ماشى انا لا عندى دم و لا عندى كرامه انا رميه و سهله و رخيصه عاوز ايه يخصك فى ايه سبنى فى حالى و ابعد عنى
عماد / انا خايف عليكى
امل / انت اخر واحد يتكلم ماشى و لعلمك انا مش رخيصه و لا رميه على الاقل كنت حاولت اقرب منك تانى و لو هو عمل فيا البدع على الاقل هو جه و اعتزر قالى انا اسف كان غضب عنى حتى لو بيكدب رجع و اعتزر متعاملش معايا كان مفيش حاجه حصلت كانه معملش حاجه و المفروض ان انا اللى ادارى من خيبتى انا مغلطتش لا معاك و لا معاه انا حبيت قول زى مانت عاوز انى فى المرتين انجرحت انى فى المرتين اخترت شخص غلط شخص مقدرش يقدر النعمه اللى فايده بس هو كمل معايا هو سابنى و انا عارفه سبنا بعض ليه مسابنيش مستنياه سنه كامله بمنى نفسى باليوم اللى هشوفه فيه كل يوم كنت بصحى الصبح عاوزه اركب اول قطر على مصر و بحلم انك لما هتشوفنى هتطير مالفرح و كان هاين عليا ارمى نفسى مالبلكونه لما لقيتك جيت كان هاين عليا ارقص من فرحتى تقدر تقولى انت عملت ايه
عماد يناول امل منديل
امل / انا قولت لماما بلاش عموا محمد اتجوزى اى حد اى حد غير ابوك عشان مكنتش عاوزه اى حاجه تربطنى بيك و لا حتى انى ابقى مضطره انى اصحى و اتمسى بخلقتك فيك ايه يعنى انا لو جبت اى حد معفن مالشارع و حميته و نضفته و لبسته هيبقى برقبتك اوعى تفتكر ان فيك ميزه انت ولا تسوى منغير فلوس ابوك و لعلمك هشام ده برقبه الف واحد زيك انت متعرفش اى حاجه
عماد / عرفينى
امل / انا مش مجبره اقولك حاجه مش مجبره اصلا اقعد معاك
عماد / قومى
امل تقوم و تمشى و عماد يحط فلوس عالترابيزه و يمشى وراها
......................
فى بيت اميره
امنيه / و عماد سكتله مضربوش مكسرش الكافيه على نفوخه
امل / متقوليش لماما حاجه
امينه / انا اتخنقت والله انتى بتفكرى فى ايه اوعى تكونى بتفكرى فى هشام الواد ده كان مرحله وخلصت
امل / هو كتب كتاب منه امتى
امينه / الخميس الجاى اما انا جبت حته فستان يهبل انا مش عارفه انتى مجيتيش معانا ليه كنتى وفرتى الهرى ده كلو
امل / نامى نامى
........................
فى شقه رحيم
عماد و رحيم قافلين على نفسهم باب
رحيم / والله انت محترم دانا لو منك كنت كسرت ام الكافيه على دماغ امه و جبتها من شعرها عالبيت لا و كمان قعدت تسمع للهرتله دى
عماد / كان لازم حد يسمع
رحيم / يابنى احنا مالنا بالمشاكل دى احنا ناقصين مكفايه علينا قرفنا
عماد / طب اعمل ايه انت اصلك مشوفتهاش و بعدين انا عارف نوعيتها كويس
رحيم / نوعيه ايه يابنى دى بت هبله من اللى بيتجننوا على مهند و كريم دول
عماد / هو انا وحش يا رحيم
رحيم / دانت زباله يا جدع
عماد / ربنا يكرم اصلك
رحيم / ههههههههههههههه بهزر معاك هو انت فى زيك يابنى هو اه ليك كام دقه نقص كدا بس جدع يعنى و صاحب صاحبك كلنا كدا محدش عدل يعنى احسن من غيرك بكتير
عماد / ليه ابوك اتجوز الست دى و الست دى بالتحديد
رحيم / ياعم تلاقيها عملت معاه زى مبنشوف فى الافلام راجل كبير و عايش لوحده تخبط عليه بطبق محشى تعرض عليه تروقله البيت تغسله هدمه تطلب منه يغيرلها الانبوبه و تسبله و هى بتشكره حركات الستات دى مانت عارفها
عماد / ساعات بحس انها ممكن تكون كدا فعلا بس لما بشوف ابوك قد ايه مبسوط معاها بعيد التفكير
رحيم / رحمه برده بتدافع عنهم اوى امنيه لزقالها طول الوقت و تقريبا بقت مقيمه عندنا فى الاول رحمه كانت بتقول ان اميره بتعاكس عموا محمود الله يرحمه
عماد / الله يرحمه
رحيم / دلوقت بتقول ان لا دى كانت بتخليه يلعب بامل عشان تسعده و انها مسكينه و اضطرت تتجوز واحد اكبر من ابوها انت تعرف انها كانت بنت البواب فى العماره اللى جوزها الاولانى كان ساكن فيها و اتجوزت واحد ابنه الكبير اكبر منها فى السن و لما مات الواد كتبلها الشقه و قرشين عشان تبعد عنهم و لما خلصوا اتجوزت واحد كانت بتشتغل عنده كان عنده مكتبه خرداوات باين مش فاكر و طلقها و هى حامل فى امينه مش عارف ليه تقريبا كانوا متفقين مفيش عيال و هى حملت
عماد / انت عارف انها متفقه مع ابوك على ان مفيش عيال برضه
رحيم / عيال مين ياعم دا اللى ناقص كمان يبقى عنده اولاد اصغر من احفاده لا بجد ده اللى ناقص فعلا
عماد / انا توهت فى الدوامه دى
رحيم / بقولك ايه البت دى متخصناش
عماد / كان ممكن اقول كدا لو مكنتش عايشه فى بيتنا يعنى اكيد اى مشكله هتعملها ابوك هيتحشر فيها و هيجرنا كلنا فمالاول بقى نمنع القرف ده
رحيم / او نتعك مالاول بقولك ايه فكك و فكنى صحيح انت عامل ايه مع عبير
عماد / والله بحالات و مش عارف بقت موسوسه اوى كل كام يوم تاخد محمود للدكتور
رحيم / دى كانت عامله نفسها دكتوره فاكر و تقولك هو هيديله ايه يعنى مهو نفس الدوا كل مره
عماد / المشكله انه مش دايما بياخد دوا مره كشف مره اعاده و انا فعلا الوقت ده مش فاضى دا غير الفيس بقى اللى طول الوقت
رحيم / الله طب و بتلاقى وقت دا كلو منين بعد مفتحت المحل
عماد / لا ياعم محل ايه جايبه واحده تشتغل و امها بتابع بدل قعده البيت هى فاتحه المحل لامها باين
رحيم / الحمد لله رحمه اخرها دور نكد عشان الواد تعبها بس بقالها فتره طويله هاديه اصل الحق يعنى امينه شالت كتير
عماد / انا هنزل بكره اجيب بدله جديده عشان كتب الكتاب
رحيم / كتب كتاب فى قاعه و ليله مكانوا عملوه دخله و خلاص
عماد / مصطفى بيقول انها مش عاوزه تعمل فرح عشان مشاعر رحمه يعنى
رحيم / اوعى جد ايه الهبل ده
عماد / زى مبقولك و سمير كان مدايق فى الاول بس لما لقاها مصره وافق
رحيم / لا طبعا اى كلام ياعبد السلام بس بينى و بينك انا كمان الموضوع ده مدايقنى اوى
عماد / كتب كتاب منه
رحيم / هى ناقصه غباوه عالمسا
عماد / امال
رحيم / الفرح يابنى انا وعدت رحمه بحاجات كتير اوى موفتش بيها قولتلها انى هلففها العالم و انى هسعدها
عماد / طب مهى سعيده فعلا معاك
رحيم / مش عارف بس الملل و الروتين ملا حياتنا معدتش زى الاول
عماد / انت هتقولى دانا كبرت يجى عشرين سنه بقولك ايه انا هطلع انام
رحيم / ماشى تصبح على خير
.......................
فى اوضه محمد
محمد / ابن الشيبه يتيم و احنا متفقين على كدا
اميره / عارفه بس البركه فى اخواته بقى هيعوز اكتر من كدا ايه اخين و اختين
محمد / يا شيخه اتلهى هما عارفين يربوا عيالهم لما هيربوا اخوهم
اميره / انا كنت حالفه انى مخلفش تانى بس فى كل مره بشوف فيها عماد و رحيم و قد ايه هما جنبك و بيحبوك بيبقى نفسى يكون ليك ابن منى زى مليا ابن منك نفسى احس تانى انى ام نفسى اعيش اللى معشتوش بزوج فرحان بابن منى انا متهنتش ببناتى لانى كنت ضايعه يا محمد كنت ببص عليك و انت بتلاعب ولادك و انا مفيش راجل نصفنى قبلك يا محمد حياتى معاك خلتنى احس انى بنت العشرين من تانى خلتنى انسى كل اللى فات من حياتى صحت فيا حاجات كنت فكراها ماتت دا ان كانت موجوده اصلا فيوم
محمد / انتى اربعين يا اميره و الحمل فى السن ده خطر عليكى و على البيبى
اميره / كلام الطب دلوقتى اتقدم خالص و بعدين مانت شايف دا فى عرايس بيتجوزوا متاخر ميخلفوش يعنى
محمد / طب سبينى اخد و ادى مع نفسى فى الكلام
اميره / هى زينب قررت ايه فى موضوع انها ترجعلك
محمد / هى عاوزه مهر و شبكه جداد و شهر عسل حاجات متخلفه بتلوى دراعى
اميره / بس الحاجات دى مش وحشه يعنى ان جت عالفلوس فداك
محمد / انتى بتقولى ايه يا اميره و انزل تلت ايام عندها
اميره / الله امال العزومه كان لزمتها ايه 
محمد / فتح طربق للكلام
اميره / و الله على عينى بس انا مش شايفه مشكله ماشى خدها فاى حته و غير جو و تعال
محمد / اسيبك لوحدك شهر بحاله
اميره / انا مش لوحدى ولادى حواليا السته ربنا يزيد و يبارك و متخافش انت سايب وراك راجل
محمد / مش هقدر يا اميره
اميره / عشان خاطر ولادك يا محمد عشان خاطرى انا كمان
محمد / سبينى افكر
اميره / خد وقتك
.....................
فى شقه رحيم
رحمه نايمه رحيم يلعب فى دقنها يصحيها
رحمه / ايه مشى
رحيم / اتاخرت عليكى معلش بس كان موضوع مهم
رحمه / لا ولا يهمك خير
رحيم/ خير بقولك ايه متيجى نعمل فرح
رحمه تتعدل
رحيم / ايه قولت حاجه غلط تعالى نتجوز تانى
رحمه / هههههههههه انت بتتكلم جد هو الواد عماد سقاك حاجه
رحيم / لا فوقنى انا مقصر فى حقك اوى تعالى نهرب
رحمه / هههههههههههه لا انت مش طبيعى خالص
رحيم / لا بجد يا رحمه تعالى نهرب نروح فى اى حته انا و انتى و بس
رحمه / طب الاولاد
رحيم / مالهم هنسيبهم مع اى حد عماد منه ماما
رحمه / منه ايه يا رحيم منه مشغوله فى جوازها و بعدين طنط انت شايف و عماد برده مشاكل مشاكل محدش هيستحمل عيال حد و انت بتتفسح
رحيم / انا وغدتك نلف الدنيا كلها كام يوم و الترم يخلص هناخد اجازه و نسافر فى اى حته
رحمه / انت بتتكلم جد انا كنت فكراك بتهزر
رحيم / لا مبهزرش تعالى نكرر شهر العسل بتاعنا تعالى نروح نفس الفندق و نفس الاوضه
رحمه / ههههههههههههههه و نلبس نفس الهدوم
رحيم / بخيالك بقى تلبسى متلبسيش
رحمه / انت بتتكلم جد و لا انا بحلم
رحيم / لا جد تعالى نغير جو نعيش يومين انا و انتى و بس
رحمه / نص طاير مالفرح و بيقول اه يلا حالا و نص بيقول مينفعش
رحيم / اردمى عالنص النكدى ده دلوقت و خلينا نتمسك بالنص الطاير ده خليه يطيرنا بعيد عن الهم و الملل و الروتين ده
رحمه / طب ناخد العيال معانا نفسحهم
رحيم / عيال ايه بقولك هنطلع شهر عسل مش مصيف انا و انتى و البحر و القمر و النجوم
رحمه / هههههههههههه امتى
رحيم / انا هظبط كل حاجه ملكيش دعوه انتى
رحمه / ههههههههههههههههه ماشى
......................