Devil Venerable Also Wants To Know(mm tran)

အပိုင်း ၃၁။ ဆွတ်ပျံ့ကြည်နူးဖွယ် မင်္ဂလာပွဲ

ဂူကောင်အချို့ အန်ထုတ်လိုက်သည်။
သူ့ခန္ဓာကိုယ်ထဲ အပြစ်အနေဖြင့်
သခင်မြောင်ထည့်ထားသော
ဂူကောင်တွေပင်။

"ခန်းမဆောင်သခင်မြောင်ရဲ့
ဂူကောင်တွေကိုတောင် နာမကျန်းမှုနဲ့
သတ်နိုင်တာပဲ။ဘာလို့ ငရဲမီးလျှံ
ခန်းမဆောင်လောက်လေးကို
ကြောက်နေရတာလဲ။"ဟု နှစ်လှမ်း
သုံးလှမ်းဆုတ်လိုက်ရင်း ရှူယန့်ယန့်
မေးလိုက်သည်။သူ ခန်းမဆောင်
သခင်ယွမ်နှင့် သခင်ရှီတို့နှင့်
ဘာမှမလုပ်ရသေးခင် ဝမ်ရန်အယ်
ပြန်ရောက်လာတာ တော်သေးသည်။
မဟုတ်လျှင် သူနေမကောင်း
ဖြစ်နေလောက်သည်။

ခန်းမဆောင်သခင်ရှီဟာ သူ့အား
မှုန်ကုပ်ကုပ်ကြည့်လိုက်ပြီး
"ခန်းမဆောင်သခင်ချိုးနဲ့
ကာကွယ်သူရှူ ရင်းနှီးတယ်ဆိုတော့
ငရဲမီးလျှံခန်းမဆောင်မှာ
ဘယ်လိုငယ်သားတွေထားလဲသိမှာပေါ့။"

"ငါနဲ့ ချိုးဟုန်ရွှယ်ရင်းနှီးတယ်လို့
ဘယ်သူပြောလဲ။သူက ‌တစ္ဆေကျင့်ကြံသူ
အဲ့တော့ သူ့ငယ်သားတွေအကုန်လုံးက
တစ္ဆေတွေ‌‌လေ။မင်းကတော့
ခြွင်းချက်ပေါ့...။"ပြောနေရင်း
ပြဿနာကို ရှူယန့်ယန့်
သဘောပေါက်သွားသည်။

ခန်းမတောင်သခင်ရှီဟာ ဟင်းလင်းပြင်လေဟာနယ်ကျင့်ကြံသူဖြစ်ပြီး
မဟာယနာကျင့်ကြံသူကိုတောင်
နေမကောင်းဖြစ်သွားအောင်
ပြုလုပ်နိုင်တာကြောင့်
အထင်မသေးသင့်သူတစ်ယောက်ပင်။
ဘယ်ခန်းမဆောင်သခင်မှ
ထိုကဲ့သို့ ငယ်သားမျိုးကိုမလိုချင်ပေ။
သို့ပေမဲ့ ငရဲမီးလျှံခန်းမဆောင်တွင်
အားလုံးဟာ တစ္ဆေတွေ၊
အသေကောင်ခန္ဓာကိုယ်တွေနှင့်ချည်းပင်။
အ‌ခြေအနေ‌အကောင်းဆုံးခန္ဓာကိုယ်
ပိုင်ဆိုင်ထားသူမှာ နှစ်တစ်ထောင်
ဖုတ်ကောင်ပင်။ခန်းမဆောင် သခင်ရှီ
ဘယ်သူ့ကိုများ နေမကောင်းဖြစ်အောင်
လုပ်ဆောင်နိုင်မှာလဲ။သူ့လက်အောက်ငယ်သားတွေကို
သူဘယ်လိုလုပ်ထိန်းချုပ်နိုင်မှာလဲ။

"အရှင် ချွမ်းယွမ်ဂိုဏ်းကို
စထိန်းချုပ်စဥ်တုန်းက သူငါ့ဆီ
တစ်ခါလာသေးတယ်။ငါ့ကြောင့်
ကာကွယ်သူယင် နေမကောင်း
ဖြစ်သွားရတယ်လေ။အဲ့အချိန်ကစပြီး
သူငါ့ကို ငရဲမီးလျှံခန်းမဆောင်ကို
ပို့လိုက်တာပဲ။ဂိုဏ်းစည်းလုံးညီညွတ်မှုအတွက်တဲ့...။"ခန်းမဆောင်သခင်ရှီ
မျက်ရည်တုတွေ သုတ်ရင်း
ပြောလိုက်သည်။"ခန်းမဆောင်သခင်
ဖြစ်လာတော့ ခန္ဓာကိုယ်စုစည်းခြင်းနဲ့
အဲ့အဆင့်အောက်ဒဏ်ရာရ တစ္ဆေကျင့်ကြံသူနည်းနည်းကို အမိန့်နာခံလာအောင်
မနည်းလုပ်ခဲ့ရတာ။အခုဆို
အရှင့်အမိန့်အရ အချို့ကို
ခန်းမဆောင်သခင်ယွမ်နဲ့အတူကျင့်ကြံဖို့
လွှတ်လိုက်ရသေးတယ်။ကာကွယ်သူရှူ
ငါ့ဘဝကြီးကလွယ်ကူနေတယ်လို့ထင်လား။"