သို့ရာတွင် မည်သို့ပင်ဆိုစေ သူမက ပထမတစ်လှမ်းစလှမ်းပြီးကတည်းက ဆက်သွားရတော့ပေမည်။ မည်သူကမျှ သူမကို တား၍မရစေရချေ။
နောက်တစ်ရက်တွင် ယဲ့ကျန်းဟာ အာရုဏ်တက်ချိန်တွင်နိုးလာသည်။ သူမက ပြူတင်းကို ဖွင့်လိုက်သည့်အချိန်တွင် ဖြူဖွေးနေသော နှင်းစောင်ထည်၏ လှပသည့်မြင်ကွင်းဖြင့် ဆီးကြိုခံရသည်။
သူမက လက်ကိုဆန့်တန်းလိုက်ချိန်တွင် သူမ၏လက်ဖဝါးပေါ် နှင်းမှုန်များက ကျဆင်းလာသည်။
သည်နေ့ ငါ အကယ်ဒမီက ဆရာမတွေနဲ့ တစ်ယောက်ချင်းစီ ဝင်တွေ့ရမယ့်နေပဲ။
သူမ အနည်းငယ်မျှော်လင့်နေမိသည်။
နှင်းဟာငြိမ်းချမ်းမှုကို ကိုယ်စားပြုသည်။ သို့သော် အာရုဏ်ဦးအချိန်တွင် မြင်လိုက်ရသော နှင်းများဖုံးလွှမ်းနေသောမြင်ကွင်းဟာ ယဲ့ကျန်းကို တိတ်ဆိတ်ငြိမ်းအေးမှုကိုသာ ခံစားရစေသည်။
သူမက အကယ်ဒမီထဲသို့ ခြေလှမ်းဝင်လိုက်ချိန်တွင် ကောင်းရွှယ်ပင်းနှင့်ဆုံသည်။ ရန်ငြှိုးများဟာ လတ်ဆတ်နေသေးသည်။ ထို့ကြောင့် ယဲ့ကျန်းကို အေးစက်စွာကြည့်လိုက်ပြီးနောက် မေးစေ့ကိုမော့ကာ အဝေးသို့ လျှောက်ထွက်သွားသည်။
ယဲ့ကျန်း၏နှုတ်ခမ်းများကလည်း ကော့တက်သွားပြီး အခန်းနံပါတ် ၂ သို့ သွားလိုက်သည်။
ဆွန်းဝမ်နှင့်ချန်းကျင်းယွီတို့က ရောက်နေကြပြီဖြစ်သည်။ နှစ်ယောက်လုံးက ထပ်ထူထူအဝတ်များကို ဝတ်ထားကြသည်။ သူမ၏မိတ်ဆွေရောက်လာကြောင်း မြင်လိုက်သည်နှင့် ဆွန်းဝမ်ဟာ တက်ကြွစွာဖြင့် လက်ရမ်းပြလာသည်။
ပထမဦးဆုံးနေ့တွင် အကယ်ဒမီမှကျောင်းသူတိုင်းဟာ အပြည့်အဝတက်ရောက်ရ သည်။ ယဲ့ကျန်းက ဝင်လာသည်နှင့် အချို့သောကျောင်းသူများက သူမကို ခိုးကြည့်လာခြင်းကို ခံစားလိုက်ရသည်။ သို့သော် မကောင်းသောအကြည့်များဖြင့် ကြည့်လာကြခြင်းဖြစ်သည်။
182 02
မနေ့က ကောင်းရွှယ်ပင်းကို ငါ့ရဲ့အခန်းထဲကနေ မကောင်းတဲ့ရည်ရွယ်ချက်နဲ့ နှင်ထုတ်လိုက်တယ်ဆိုပြီး အားလုံးက ထင်မှတ်နေကြတာများလား။
Part 182
Start from the beginning
