ကုဟွိုက် အလ်ဗ်၏စစ်သင်္ဘောပေါ်တွင်ရှိနေသောကြောင့် အခြားစစ်တပ်ခေါင်းဆောင်များသည် သူတို့၏စစ်သင်္ဘောများကိုစွန့်ပစ်ကာ ယူးလာစစ်သင်္ဘောပေါ်တွင်ရှိနေသော ကုဟွိုက်နောက်သို့လိုက်ပါလာခဲ့သည်။ ဇက်စစ်တပ်၏ ခေါင်းဆောင်လေးဦးသည် ထိုနေရာတွင်ဆက်လက်ရှိနေပြီး ဆက်ဆံရေးသည်လည်း အဆင်ပြေနေပေသည်။ ဤစစ်သင်္ဘောပေါ်သို့ ခေါ်ဆောင်လာခံရသောလူသားအရာရှိနှစ်ဦးမှာ သူတို့ကြုံတွေ့နေရသည့်အရာများက ကမ္ဘာမြေဖက်ဒရယ်အဖွဲ့အစည်း၏ သမိုင်းတစ်လျှောက်လုံးတွင် မကြုံဖူးသည့်အရာများဖြစ်နိုင်ကြောင်း တွေးနေကြသည်။
“စစ်သင်္ဘောပေါ်မှာ အာဟာရထုပ်တွေပဲရှိတယ်။ အရသာမကောင်းပေမယ့် အရင်စားလိုက်ပါ.." အဲလ်ဗ်၏လက်ထောက်အနေဖြင့် ထုံးစံအတိုင်း အယ်လ်ဂျာက သင်္ဘောပေါ်တွင်ရှိနေသည်။ သူသည် သိုလှောင်ခန်းထဲမှ အာဟာရထုပ်များစွာကို ထုတ်ယူလာ၏။
"ဒီဟာတွေက နည်းနည်းချိုတယ်.."
အယ်လ်ဂျာမှာ ကုဟွိုက် စားရန် မျှော်လင့်ချက်ဖြင့် သူအထူးရွေးချယ်ထားသော အာဟာရထုပ်အချို့ကို ကုဟွိုက်ရှေ့တွင်ချထားလိုက်သည်။ ကုဟွိုက်က အာဟာရထုပ်များ၏အရသာကို မကြိုက်ကြောင်း သူသိသောကြောင့် အယ်လ်ဂျာ၏အမူအရာမှာ အနည်းငယ်စိုးရိမ်နေသည်။
ကုဟွိုက် စားပွဲပေါ်ရှိ အာဟာရထုပ်ကိုကြည့်ကာ စတစ်ထုပ်ကိုကောက်ယူပြီး ထိုင်လိုက်သည်။ ယခင်က ကုဟွိုက်သည် အာဟာရထုပ်၏ ပမာဏအနည်းငယ်ကို စပ်စုစွာ မြည်းစမ်းခဲ့ဖူးသော်လည်း အရသာက အမှန်တကယ် ထူးဆန်းလွန်းသဖြင့် လက်လျှော့လိုက်ရသည်။
သို့သော် ယခုအခါတွင် သူ တကယ်ဗိုက်ဆာနေပြီဖြစ်သောကြောင့် သိပ်ပြီးမစဉ်းစားတော့ပေ။ သူ၏ဆာလောင်မှုကို အရင်ဦးဆုံးဖြည့်ဆည်းရန် စိတ်ကူးထားလိုက်သည်။ ကုဟွိုက်သည် အာဟာရထုပ်ကိုဖွင့်လိုက်ပြီး အနည်းငယ်လောက်ကိုသောက်ကာ အရသာကိုမြည်းစမ်းကြည့်လိုက်သည်။ အရသာမှာ အရင်တစ်ခေါက်ကလောက် မထူးဆန်းသည်ကို သူတွေ့လိုက်ရသည်။ ၎င်းက ချိုပြီး ပန်းသီးဖျော်ရည်နှင့် အနည်းငယ်ဆင်တူနေသောကြောင့် မကြာခင်မှာပင် ကုဟွိုက် အာဟာရထုပ်ကို သောက်၍ပြီးစီးသွားသည်။
KAMU SEDANG MEMBACA
ငါ လူသားမဟုတ်တော့ဘူး
FantasiThis story is just a fan translation. Crd to the original owner.
Chapter 26
Mulai dari awal