شمس:بابا نتا زوييين أو لحيا ديالك زوينة.
بتاسم ليها، أو أنا كذالك بتاسمت حيتاش شفت بلي دياب ولا كاي تقرب من بنتو، فقت من سهوتي بسباب كلام شمس لي صدمني.
شمس:ماما بغيثك تجيبي ليا شي خويا نبقى نلعب معاه.
دياب لي ضحك بجنب او شاف فيا أو غمزني.
ليالي:أ...أجي نعسي براكا من لهضرا لي كبيرة عليك.
بدات كضحك أو نعسات من وسطنا، نعسات أو أنا لي تقبلات عيني مع عيون او بدينا كان نشوفو فبعض مدة حتى نعسنا...فقت لصلاة الفجر دخلت توضيت أو لبست عبايتي أو لبست شالي أو صليت صلاتي جلست بديت كان ندعي مع بابا أو ماما المرحومة أو دموع لي بداو كاي هبطو ليا من عيني.
ليالي:الله يرحمك أماما....توحشتكك بزاف.
بقات هكاك مدة أو ناضت حيدات عليها ديك العباية أو رجعات نعسات.
أو هكذا أنقولو صبح صباح جديد أو بأحداث جديدة...ضرباتني لفيقة أو نضت شفت لي معنقا باباها أو هو كذلك مبادلها العناق بتاسمت أو نضت دخلت للحمام أو مارست روتيني الصباحي أو لبست حوايجي لي كانو عاديين بحكم حنا غير فدار.
تميت خارجة من دريسينك أو قربت لجهة دياب أو حنيت راسي بديت كان نتأمل وجهو مديت يدي أو حطيتها على خدو أو بديت كان ندوزها على وجهو بشوية نطقت بخفوت.
ليالي:شحال وسيم أو نتا ناعس بنتك عندها الحق لحيتك زوينة.
بغيت نوض أو هو يجرني من يدي حتى جلسني أو يدي تحطو يدي على صدرو أو هو لي شد خاصري شهقت بصدمة بقيت مصدومة فيه لمدة حتى عقت براسي أو بديت كان نحاول نطر منو.
ليالي:إيي..دياب طلق....طلق مني خليني نوض.
دياب:شنو كنتي كتحاولي ديري الأنسة ليالي.
حشمت أو تزنغت بديت غير كان نضور فعيني باش ماي جيوش عيني فعينيه.
ليالي:اا..اا..إحمم..والو ما كان ندير والو دابا طلق مني أدياب بلا بسلات.
دياب:ما بغيتش نطلق منك أشنو أديري..
بديت كان نطر منو او هو لي مزير.
شمس:ماما...بابا.
شمس لي فتحات عينيها أو شافتهوم...نطرت منو بزز أو مشيت لعندها أما هو لي حرك راسو أو ناض للحمام.
ليالي:حبيبة ماماها ديالي صباح لخيرر.
شمس:صباح لخيير ماماا.
JE LEEST
👑ليتني لم أحبك👑 (بدارجة المغربية)
Romantiekسلام البنات مرحبا بيكم فقصة.... {👑 ليتني لم أحبك 👑} . . * ممنوع أخد القصة من دون إدني❌❌ -تأليف و الكتابة : @za3imaikram157. -وكذلك الغلاف من تأليفي: @za3imaikr...
👑Episode:31👑
Start bij het begin
