جنون تخطي الحدود

الاخيره (مصطفي وآسيا 💞)

ده أكبر فصل في الجزء الثاني ٦١٨٥ كلمه
الاخيره
صلي على خير خلق الله 💙
عدت ايام وشهور وسنين وفات 8 سنين
نروح بقى في فيلا سيف كان صراخ تلك الجميله صاحبه العيون الرماديه بيملي المكان وهي بتجري وراء ذالك الشقى محبوب الجميع صاحب العيون الزرقاء التي ورثها من شمس وورث أيضا ذكائها الشديد وورث شعر سيف البنى ووسامته الشديده
'' لــيـــث انت يا حــيــوان''
ليث كان بيجري على السلم وهو ماسك اللاب بتاع آسيا وبيصرخ بصوته كله
'' سيف الحق بنتك يا سيف بنتك مرمطت شرف العيله في الأرض يا سيف بنتك بتكلم شباب يا سيف''
خرج سيف من اوضته وهو متضايق: فيه ايه يا جذمه منك ليها هو كل يوم نصحى على صوت صريخكم
ليث: شايف بنتك ربه الصون والعفاف بتكلم درش فيديو كول ولابسه بجامه حرير في حرير
سيف بغيظ: بت هو احنا مش اتفقنا متكلميش الحيوان ده
آسيا بتذمر: ايه يا سيف علفكره ده جوزي
سيف: مع وقف التنفيذ يا اختي ده يدوب كتب كتاب مش كفايه بعد يومين هياخدك مني الحيوان
آسيا ضحكت على غيره ابوها وقالت: يا حبيبي احنا هنبقي في الفيلا اللي جنبك ده الشارع ده كله مفيهوش غير عيلتنا
(قصدها الشباب والبنات لأنهم ساكنين كلهم في نفس الشارع ودي كانت فكره البنات)
ليث/ معاها حق دي ممكن تنط من الشباك تلاقيها في الجنينه عندنا وبعدين ده انا صدقت ما هتغور من وشي بقى
آسيا مسكته من قفاه: اغور من وشك هو مين فينا الكبير يلاه
ليث فلت منها ونزل من تحت دراع سيف ودخل الاوضه ولقي شمس نايمه على السرير نط وقعد جنبها وتربع على السرير
'' ايه يا مزتي سيباهم يضربوني برا وبعدين ده كله نوم هي نموسيتكم كانت حمرا ولا ايه ''
شمس بصتله: والله انا ما عرفت اربيك
ليث بغمزه: هو انتي كنتي فاضيه ما انتي كل ما تيجي تربيتي البوب ياخدك
سيف رفعه من هدومه وقال بغيره: هو انا مش قولتلك متدخلش الاوضه دي ابدا ولا تقرب منها
ليث: وربنا دي امي طب اجيبلك شهاده الميلاد علشان تصدق
سيف: مش كفايه اني فرح اختك بعد يومين وده لوحدي معصبني جاي تقعد جنبها على السرير
شمس بضحك: خلاص يا سيف ده ابني
ليث: وربنا مزه المزاميز ومفيش امز منك بشعرك الأحمر ده
سيف: نهارك ابوك اسوء كمان بتعاكسها قدامي
آسيا بضحك: ده مش بيعاكسها ده بيشقطها
ليث بصت لشمس: يرضيكي كده يا مزتي
سيف جره وراه: جبت أخرى منك وانا متعصب خلقه وهطلعه عليك النهارده
ليث مسك في الباب وقال بصراخ: يا لهوي الحقوني انا لسه عايز اعيش طب فيه حتت كنافه بالقشطه في التلاجه لسه ماكلتهاش كان نفسي فيها
سيف شده ونزل به تحت صراخ ليث وضحك شمس
شمس بصت لآسيا اللي كانت مكشره: مالك انتي كمان هي فيه عروس فرحها بعد يومين تبقى مبوزه كده
آسيا: والله شكل الفرح ما هيكمل وسيف هيروحني معاكم
شمس: يا بنتي ابوكي بيغير عليكي
آسيا: ما انا عارفه بس مش عارفه بصراحه انتي مستحمله الغيره دي كلها ازاي
شمس بسخريه: ده على اساس اني مصطفى هو اللي فراشه ده يوم كتب الكتاب كان هيقتل 5 بسببك وكمان هزأ ظابط
آسيا بضحك: ده يوم كتب الكتاب ده كأن مسخره
Flash back
من 3 سنين
سيف بصراخ شديد: نعم يا اخويا عايز ايه
مصطفى بكل هدوء يحسد عليه: عايز اتجوز بنتك فيها حاجه دي
فهد وعدي مسكوا سيف اللي كان زي التور الهايج
'' فيهآ حاجه دي فيها حاجات البت لسه مكمله 18 امبارح وانتي تقولي عايز اتجوزها''
مصطفي: شوف اديك قولت كملت 18 امبارح أحمد ربنا اني مجتلكش الساعه 3 الفجر اطلبها منك واستنيت للصبح
سيف بعصبيه: انتي جايلي الساعه 6 الصبح تقولي عايز اتجوز بنتك وانت فكرك اصلا هجوزهالك ده انت بتحلم
مصطفى بجديه: ايه العيب فيها انا بعشق بنتك وانت عارف كده وكنت بحميها من كل حاجه وأولهم من نفسي بس بصراحة جبت أخرى جوزهالي بقى احسن ما اخطفها ومش هجيبها غير وهي حامل مني
أدهم فضل يضحك هو وياسين
سيف: اضحكوا اضحكوا
أدهم: فاكر لما قولتلي اتجوزها بس ومش هرجعهالكم غير وانا مخلف منها 3 اشرب بقى
مصطفى: ها بقى قولت ايه
سيف: وانا مش موافق على جثتي
مصطفى كشر وبص للبنات وقال جين
'' ليه يا عم الحج مش موافق ما الواد مز اهو ومن عيله الزيان دي اي كلبه بلدي تتمناه''
سليم كتم بوقها: اسكتي انتي بتنيلي الدنيا اكتر
سيف: انا حر مش هجوز بنتي خالص
مراد: بصراحه معاه حق انا عمري ما هجوز غرام ابدا
عمار شهق بطريقه مضحكه: هااااااا يعني ايه مش هتجوزني بنتك يا مراد
مراد: انت بالذات بقى لا
عمار بص لمروان: الحق يا عم الحج ده بيقولك مش موافق
مروان بسخريه: ماهو لازم يبقى مش موافق ده انا ابوك ومش طايقك هيطيقك هو مثلا
عمار: دي بنت خالتي وانا اولى بيها من الغريب
غرام بغيظ: بنت خالتك يا صايع يا ضايع يا فاسد يا بتاع البنات
أنس بص لدانه: وانا وانتي متصافين يا دندون ملناش دعوه بالعيال دي
مصطفى بصراخ: الله ياخدكم مش لما اتنيل انا الأول قربت اخلل وربنا بقى عندي 30 سنه ومقربتش حتى من قطه
سيف: حتى لو بقي عندك 50 انسى
مصطفى قرب منه: طب بص بقى بنتك ليا ومش لغيري واللي يفكر يقرب منها هقتله ومش هيهمني حاجه وأظن انت مجرب وعارف يعني عشق وبجنون كمان
سيف رفع حاجبه لا ينكر انه معجب بشده بأخلاق مصطفى وشجاعته وأنه برغم انه هو اللي ربي آسيا الا انه كان محافظ عليها من نفسه وده اللي اتأكد من طول السنين دي كلها بس دي بنته عايز ياخدها منه مش كفايه التانيه مش عارف هي فين لحد دلوقتي
شمس شدت سيف للمكتب علشان تقنعه وظهر القلق على وش مصطفى خايف سيف يرفض هو مش بيعشق آسيا بس ده بيدمنها حرفيا بص عليها واللي كانت بتبصله ولما هو بص عليها بعدت وشها باحراج ابتسم أصبحت تخجل منه في الفتره الاخيره
سيف خرج وهو مكشر لاني شمس قدرت تقنعه غير إنه كان قرب يوافق من كلام مصطفى المقنع بشده
'' انا موافق''
مصطفى ابتسم بشده بس ابتسامته اختفت لما سيف قال
'' بس بشرط''
مصطفى: وايه هو؟؟!!
سيف :كتب كتاب بس اما الجواز لما تكمل 21
مصطفى: نعم انت عايزني استنى 3 سنين تاني
سيف ربع ايديه: هو ده اللي عندي ولو مش موافق يبقى احسن
شغف: هو انت كنت طايل اصلا متتنيل توافق
مصطفى: اووف موافق بس بشرط
سيف: نعم يا اخويا انت كمان بتتشرط علشان تتجوز بنتي
مصطفى: اشمعنا انت يعني اللي تتشرط
رحيم: خلاص بقى قول عايز ايه يا مصطفى
مصطفى: كتب الكتاب النهارده بالليل
سيف: نــعـــم لا بقى سبوني عليه
مروان: خلاص يا سيف ما توافق بقى
سيف بعناد: لا بقى انا غيرت رأي ومش موافق
        ........................................
بالليل كان المأذون قاعد في النص وعلى يمين سيف وعلى شماله مصطفى
سيف بخفوت: انا مش عارف انا وافقت ليه
مصطفى باستفزاز: بعد ما جبنا اللي مش بتقولي لأ ابدا
سيف سكت بغيظ لأنه فضل يعاند لحد ما جه عمران واللي قدر يقنعه بصعوبة هو وشمس
المأذون: أين العروس
شمس: هجيبها
شمس طلعت لفوق وكانت آسيا خلصت لبس بس رافضه خالص انها تخرج
ملك بغيظ: يا بت فيها ايه هو هياكلك ده درش وانتي عارفاه
آسيا: انا متعوده عارفه درش صاحبي واللي بيلعب معايا اما يبقى جوزي No مستحيل حسوا بيا
عشق: مش عايزه اقولك اني انا وشمس وملك اتكتب كتابنا من غير ما نعرف اصلا
رسيل بضحك: واحنا غصب عننا يلا بقى وبعدين من امتا الخجل ده
آسيا بتوتر: معرفش معرفش
شمس دخلت: يلا يا آسيا المأذون تحت و.... يخربيتك ايه كتافك الباينه دي