جنون تخطي الحدود

12- رحيم ونغم 🧡

صلى على خير خلق الله 💙
في قصر الشياطين
كانوا كلهم قاعدين وبيشوفوا خطه مناسبه ومحدش اخد باله اني عشق اتاخرت بس افتكروها بتاكل جوا اما مراد كان قاعد معاهم وعقله في مكان تاني لا ينكر قلبه لا يزال موجوعا بسببها هي سابته هو عارف انه قسى عليها بس هي مهتمتش انه ملوش حد غيرها اخدت الولاد وسابته وحيد بدون اب او ام او عائله ربما ما كان يهون عنه هو وجود حياه وزين وأيضا الشباب بس لما يروح ينام يلاقي نفسه وحيد خالص لما يروح القصر اللي بقى فاضي من صوت أطفاله بيحس بوحده شديده وحده مش قادر يقعد فيها أبدا مش بعد ما تعود على وجودها فاق على صوتهم صدح في المكان

'' سيدتي''
غزل وريم برعب: القصر مسكون
ياسين: لا مش مسكون ده Red
شمس: ماذا هناك Red
تكلم Red: وقال سيدتي أن اليكس يحاول الدخول
ملك: اليكس.... عشق فين
مراد وقف بسرعه وراح المطبخ وملقهاش
'' مفيش جوا''

البنات طلعوا بسرعه لاليكس وهو قرب منهم بسرعه
رسيل: فيه ايه يا اليكس
اليكس قرب منها وبدأ يشد فيها ناحيه مكان حمام السباحه
فهد: هو عايز ايه؟!!؟
رسيل: عايز يودينا لمكان
اليكس جرى قدامهم والكل راح وراه لحد ما وصلوا لحمام السباحه واليكس بدأ يعمل صوت وبيص ليهم
أدهم' فيه هو بيعمل كده ليه

ملك قربت منه: مالها المياه يا أليكس
أليكس راح وجاب حجر صغير ببوقه ورماه في المياه وديانا فهمت وقالت
'' في حد في المياه مين في المياه''
مراد بص للمياه وقلبه كان بيدق بخوف ومن غير تفكير رمي نفسه في المياه ونزل لتحت جدا
ملك بصوت عالي: مراد المياه عميقه أوي
شمس بصوت عالي: Red اشعل الأنوار

النور نور وكان شديد وده خلي مراد يقدر يشوف في المياه وقلبه وقع برعب لما شاف شعر عشق بيتمايل في المياه سبح بسرعه ليها ومسكها ولقي جسمها جامد مش بيتحرك نهائي وكانت مغمضه عيونها هزها ومفيش فايده فحضنها بسرعه وطلع ليها لفوق وخرج بيها من المياه
أدهم بصدمه: عشق
أدهم وياسين اخدوها منه بسرعه وحطوها على الأرض والبنات حاولوا ينعشوها بس مفيش فايده

شمس بدموع: مراد اعملها تنفس صناعي
مراد قرب منها ودموعه نازله بس محدش اخد باله منها بسبب المياه اللي بلته وقرب من شفايفها وبدأ يعملها تنفس صناعي مره واتنين وتلاته
'' فوقي يا عشق فوقي بالله عليكي متروحيش انتي كمان ''
وفي المره الرابعه عشق بدأت تكح بقوه وهي بتحاول تتنفس وأول واحد شافته هو مراد اللي اتنفس بقوه كأنه روحه اتردتله من تاني
ديانا: عشق انتي سمعاني

عشق هزت رأسها بايوه وقالت جين: طب اتكلمي علشان نعرف انتي كويسه ولا لأ
عشق بتعب وخفوت: انا..... كو....يسه
مراد وقف وشالها: ملك شوفيلها حاجه تقيله الجو بارد وكده ممكن تجيلها حمى
بعد شويه كانت عشق نايمه في السرير بعد ما البنات غيروا هدومها وقالت شمس
'' مراد خليك جنبها لحد ما تفوق''
الكل نزل وقال ياسين ازاي وقعت في المياه