حور الفارس /بقلم لولا الشريف 💛

الفصل 8💔

كمان العربيه اللي كنت بسوقها من غير نمر وكنت لأبسه كوفيه علي وشي ولأبسه نظاره سودا يعني حتي لو فيه كاميرات جابت الحادثه مستحيل يعرفوا ان انا اللي خبطتها بالعربيه ،بس بصراحه أنا كنت عايزاها تمووت وترتاح بس شوف حكمت ربك حكم عليها بالموت  كل يوم لما تحس بالعجز والضعف وتشوف نظره الشفقه في عيون اللي حواليها هتموت الف مره في اليوم مش مره واحده بس 😏😏،وحياتها ومستقبلها كله هيدمر  زي ما دمرت حياتي 😡😡😡😡

♤♤♤♤♤

ريتاج :طمني يا فريد طنط عاملة أيه دلوقتي

فريد بحزن:أحسن ادوها مهدئات وهي نايمه دلوقتي

ريتاج :ربنا يكون في عونها أكيد الموضوع صعب عليها أنا تشوف بنتها في الحاله دي 😞

فريد بحزن:مش هي لوحدها اللي الموضوع صعب عليها ،كلنا مش هنستحمل نشوفها في الحالة دي أبدا ،أنتي متعرفيش حور بالنسبه لكل واحد فينا أيه دي فرحة البيت وضحكته دي لما بتكون مسافره أو تعبانه ومش بتضحك زي عوايدها بنحس البيت نقصه حاجة كبيره وملوش طعم ، عن اذنك حابب أشم هوا برا💔

ريتاج :تحب أجي معاك ؟

فريد: لا حابب أقعد لوحدي

عزيز :قولي يا يحيي البوليس موصلش لحاجة

يحيي بغضب :لا القضيه شكلها هتتقيد ضد مجهول ، لأن حتي الكاميرات اللي جايبه الحادثه مش مبينة مين اللي كان سايق كان مغطي وشه والعربيه كمان من غير نمر ، يعني اللي عاملها هيفلت بعملته  😡

جاسر : تفتكر الحادثه مقصوده ، اصل لو كان حادث سير عادي ليه تكون العربيه من غير نمر ، الا لو كان اللي عمل الحادثه مسجل وهربان من السجن

نادر : بس أحنا ملناش اعداء في السوق والكل بيحبنا وبيحترمنا مين ليه مصلحه أن حور تموت أو تتأذي بالطريقه دي

يحيي:فين فريد يا ريتاج

ريتاج :طلع علي الجنينه شويه

يحيي:طيب أنا طالع أشوفه

••••

ثريا : هنعمل أيه يا مراوان سجي لو عرفت الخبر هتصمم تيجي والدكتور مانعها من ركوب الطياره

نادر:ومينفعش متجيش برضو يا ماما دي حور وأنتي عارفه غلاوتها عندها ولو عرفت الخبر من حد غيرنا هتزعل أووي وبرضو هتصمم تيجي

ثريا :طب و الحل أيه

نادر:لما نطمن علي حور وتخرج بالسلامه
نبقي نسافر لها انا وأنتي ونسأل الدكتور وعلي أساسه نتصرف