عشق الرعد

عشق الرعد الجزء الثالث

مبدئيًا أنا اسفة بجد معرفش نمت أزاي قبل ما انزله
ثانيًا يعني هو أنا لازم اهدد واقعد اصيح عشان تتفاعلوا، فين الناس دي كلها كل بارت؟ أنا بجد مش هسمح بتفاعل أقل من اللي فات واللي اتفاعل يتفاعل ع طول مش يستنى لما اقول هوقف الرواية ويتفاعل ... أنا مكنتش عايزة اهدد م الأول بس انتم اضطرتوني وكمان محدش اتفاعل إلا لما هددت
آخر حاجة البارت بينزل ع المدونة قبلها ب ٥ ساعات واصلا هو كان ع المدونة من امبارح واللينك ف جروب التيلجرام
https://t.me/hakawisamaa2

الفصل التاسع عشر

رفعت جاسمين عيناها حين وجدت خيال كبير أمامها سرعان ما ابتسمت ثم اشارت له بالجلوس بجانبها، رفع حاجبه باستنكار ثم أشار بيده باتجاه المقهى، عبست ملامحها ثم قالت : ليث اترزع هنا، غرورك مش هيقع جنبك لو قعدت على الأرض

رد ليث بحدة : أنتِ قاعدة كده أزاي! مش المفروض جاسمين الشرقاوي

أشارت بيدها بتأكيد قائلة : ايوة جاسمين الشرقاوي بنت يوسف الشرقاوي رمز التواضع كله، خلي البساطة احمدي وتعالى

جلس بجانبها ينظر حوله بضيق ثم قال : وحضرتك عايزة ايه يا جاسمين الشرقاوي؟

فكرت قليلاً ثم قالت : بصراحة أنا واحدة مش سهلة ذي بابا بالظبط وعايزة انتقم من ماجد اللي قال محدش يستحملني بأطباعي دي

ليث باستغراب : وبعدين؟

تحدثت جاسمين بإبتسامة سمجة : تتجوزني؟

نظر لها قليلاً ثم قال : أنتِ فجأتيني الصراحة بس اديني فرصة أفكر وأسأل بابا وماما كمان

ثم أكمل بغيظ : في ايه يا جاسمين؟ أنتِ قلبتي الأدوار ليه؟

ردت جاسمين بضيق : أنت بارد ليه يا ليث؟ هتساعدني ولا أروح اطلب الجواز من واحد تاني

تعالت ضحكاته كذلك هي ثم أكملت : بتكلم بجد! خلينا فترة بس كده ونمثل إننا مبسوطين وأنك العوض بقى ..

أكمل بسخرية : بعدين نسيب بعض ويقولوا جاسمين المتسابه كل شوية

جاسمين باندماج : لا ما المرة اللي فاتت انا اللي اتخانت المرة دي هخونك بقى واطلع عقدي عليك

عاد يضحك كذلك هي ثم قال : موافق...

★٭★٭★٭★٭★٭★٭★٭★٭★٭★٭★

وفي المساء حفلة زواجات انفتحت وسط الجميع
جلس فهد وسط اخواته يتم تحديد الوقت المناسب لكتب كتابه هو وآدم أخاه، عشق الضحكة اصبحت من الأذن للأذن وهي تندمج في تحضير منازل أولادها، أتت الفتيات رزان، نور، آيسل، عشق الصغيرة

" بعد أسبوع "
هذا ما قاله رعد الكبير ولم يعترض أحد، تحدثت رزان بتوتر : بس انا معنديش وكيل