عشق الرعد

عشق الرعد الجزء الثالث

نظرت آيسل لها ولم تتحدث، رد يوسف بإبتسامة : أنا هبقى وكيل الاتنين، في مانع يا رزان؟

هزت رأسها بالنفي وهنا أتى آدم واخواته كذلك الشباب، فهد لم يرفع عينه بها وهي كانت حذره بالشكل الكافي حتى تدخل منزله، تحدث أدهم بإبتسامة : يا يوسف ايه رأيك تبقى وكيل لعروسة تالتة

نظرت جاسمين باتجاه ليث الذي غمز لها بمرح، رد يوسف باستغراب : وكيل مين؟ اكيد مش جاسمين

شعرت جاسمين بالخجل الشديد من والدها، تحدثت عشق الكبيرة بحماس : بجد! ليث وجاسمين! ليث يجي يعيش معايا بقى طالما بقى فيها جاسمين

رد ليث بإبتسامة : لو يرضيكي أنا موافق يا ماما، المهم سعادتك

عشق بإبتسامة : حبيبي

وقفت رزان متحججه بالذهاب للحمام وسارت تدور في أرجاء المكان وهي تنوي كل شر له ولعائلته، وجدت صورة له ولأخواته على احد الحوائط بدأت تتأملهم ثم تركز تأملها على فهد

استمعت لصوت عشق قائلة : الصورة دي كان آدم في تالتة ثانوي ومتضايق على قلقان، اخواته طبعًا مسابهوش

هزت رأسها بخفة ثم أشارت قائلة : عينه كانت فاتحة هنا

عشق بضحك : اة عينه بتغير ذي باباه بس آدم عينه بقت أغمق، آدم طيب اوي يا رزان وحنين تقريبًا اكتر واحد واخد من رعد وصبره ملوش حدود، آدم مع جومانة فضل ساكت سنتين كاملين وآخر حل عنده كان الطلاق

سألتها رزان بهدوء : كان بيحبها؟

ظلت صامته قليلاً ثم اردفت : رعد بيحبني فاتحملني سنين كتيرة اوي، آدم لو كان بيحبها كان فضل اكتر من كده بكتير، معتقدش كان حب

رزان بتنهيد : حسيت

تحدثت عشق : رزان أنا هقولك كلام مقولتوش لجومانة ولا هينفع اقوله لنور او آيسل او عشق او مرات ريان، أنتِ هنا بعدي على طول ويوم ما اموت بقى كل حاجة ليكي، ولادي خمسة ذي الايد بتحسي بنقص كبير لو نقص صابع منهم، دول شقى عمري انا ورعد وتعبنا وبالذات رعد كان بيحفر في الصخر عشانهم وفيهم لحد ما طلعهم بالشكل اللي قدامك، مش هقولك هما مش بيغلطوا بس هقولك هما احسن بكتير اوي من اللي بنشوفه في جيلهم، هما بيقاوموا فساد وقتي بيحصل للكل .. عودناهم يبقوا أيد واحدة يعني فهد وريان بيرنوا عليهم ذي ما بيرنوا علينا احنا، يا رزان أنتِ الأكبر سنًا ومقامًا وسطهم رجاءًا يوم اما اموت حافظي على وحدة ولادي وأنا هأمنك بيهم

تحدثت رزان بحزن : أنا مش كده، أنا مقدرش على ده كله ووسطكم غلط

ربطت على كتفها قائلة : أنا نفسي حسيت إني دخلت حياة رعد غلط، بس الحقيقة إني ربنا رب القلوب عارف مكانا كويس وحطنا فيه، لو أنتِ نصيب آدم بالذات فدا من طيبة قلبك ومكانك الصح ورايا، أنتِ هنا أول من هاجي عليه وهيبقى برضو سري