South Boys #4: Troublemaker

Chapter 63

Regular din ako nagpapa-check up sa OB. Si Mommy ang palaging sumasama sa akin. Minsan naman ay hinahatid at sinusundo kami ni Daddy. And of course, we were always with Hyde. Bukod sa ayaw namin itong iwan, ay gusto rin ng bata na masubaybayan ang soon-sibling nito.

At oo, sa lahat ng iyon, wala si Hugo.

He wasn't here not because he didn't want to, but because he knew that it was not still the right time for me to see him. Despite his stubbornness, he really fulfilled my request for space.

Patuloy pa rin ang bouquet of red roses, pero wala talaga kahit anino niya. At kung nakikipagkita man siya ay tanging kay Hyde lang. Madalas niyang kausap ang anak namin sa landline, dahil bawal pang mag-cellphone ang bata. Araw-araw iyon na nag-uusap silang mag-ama, walang palya. Kung ano ang pinag-uusapan ay silang dalawa lang ang may alam.

Minsan ay nagpapaalam na lang si Hyde na lalabas saglit. Ibig sabihin ay naroon sa labas ang kotse ng daddy nito. Si Mommy ang tagahatid sa apo. Nag-uusap silang tatlo sa labas, pero walang nagbabanggit sa akin ng kahit ano.

Patuloy rin ang financial support ni Hugo kay Hyde kahit hindi pumapasok ang bata ngayon sa school. Kay Mommy niya isini-send ang money allowance. Ang mga groceries and gifts naman para kay Hyde ay kung hindi niya direktang ibinibigay sa bata ay through courier.

Isang tipid na ngiti ang gumuhit sa aking mga labi. Tinotoo lang ni Hugo ang mga pangako niya, na sa ano mang aspeto bilang ama ni Hyde, ay hinding-hindi siya hihinto.

"YOUR HUSBAND IS HERE."

Pang-apat na linggo na ngayon. Sabi ng doktor ko, okay na okay na ako pati na rin ang kapit ni baby. Okay na okay na rin ako. Nagbabalak na nga rin ako na bumalik sa pagtanggap ng art commission.

Mas marami na akong nagagawang gawain kaysa noong nakaraan, na syempre ay may pag-iingat pa rin. Pero pagkarinig sa sinabi ni Mommy ay muntik na akong masubsob sa sahig. Did I hear Mommy right? O nabibingi lang ako?

'Husband?' I had not heard that word in weeks. Lahat ay napakaingat sa pagbanggit. Maski ang 'taong' iyon ay nagsisikap na hindi ipakita sa akin maski anino niya. At ngayon nang dahil lang sa sinabi ng doktor ko na okay na ako, ay magpapakita na siya?!

Really? Did he just wait for this time to come?

And of course, sino ba ang asawa ko? Iisa lang naman siya. Si Hugo Emmanuel Aguilar. But what was he doing here? Ilang linggo na hindi siya nagpakita, yet I was aware that he was just around.

Bukod sa pasimpleng pagbuntot ni Hugo sa kotse ni Daddy sa tuwing may check up ako o mago-grocery with Mommy, may mga pagkakataon din na nakikita nina Kuya Jordan at Carlyn ang kotse niya sa labas tuwing umuuwi sila rito sa bahay.

Minsan daw madaling araw ay nasa kanto pa rin daw ang kotse ni Hugo. Aalis siya tapos ay babalik ulit. Magtatagal doon ng ilang oras. Pero kahit kailan ay hindi siya nagtangka na magpakita. Maliban lang kay Hyde. Sa bata lang talaga siya nagpapakita.