ذنُب

10

ذنب عميق في حياة صغيره ، وحب جريح في عمر قليل ، بينما كان الكل نايم وغير مدركين بماذا يحدث كان نجم غافي بكتابة ماذا حصل له في ايامه بماذا يشعر متنهد رافع رأسه فارك رقبته متأفأف بألم حاد لان قضى اكثر من ساعتين بالكتابه رافـِع عيناه بضجر گايِـم من مكتبته والذي يعتبرَهـا مكانه الأمن وباب لكل مشاعره شامر روحه ع سريره متنهد بيأس مغمض عينـاٰه يحاول يستدرج النوم ومن دون ادراك غفى بنفس هادءِ ومنتظم معطي الهدوء لقلبه والراحه لعقله كونه كانت الاشهر الـثلاثه المرت عليه متشتته ومزعجه واعتبرها اسوء فتره قضاها
___

عن غير العاده اتحسن وتعدلت حالته النفسيه من بعد طلاقه من زينه كان فقط ينقصه وجود نجم يحاول يتلافى الموضوع وينشغل باعماله حاول طوال الثلاث اشهر ينشغل بامور طلاقه ومن غير تصرفات زوجته السابقه ومشاكلها معاه كاعد يفطر وي ابوه لوحدهم كونهم اخوانه بالدوام

رامي ابوه المعلقه من ايده بغضب صايح عليه بصوت مرتفع ونبره خشنه "ايي ياوهب متكللنا هسه شراح تسوي ، من بعد ماطلقت زوجتك المسكينه ، لك طول هالشهرين الفاتت علينا عبالك جاي اتنفس سم مو هوا ، انت ماتفكر بس بروحك مع الاسف ، ماربيتك ع هيج شي ، تروح تطلقها من غلط صغير لك من سبب جذبي ، قنعت بي نفسك وصدكتها"

"يابه خلينا نكون صريحين وواقعيين ، طول هالسنين المرت علينا والعشناها ، شفتني ضحكت بوجها من كل كلبي ؟ ، شفتني فرحان بكعدتني ونومتي ، ليش اعلكها وياي ليش اخليها تتعذب وياي ، ع شنو اعذبها وادمرها ع حياة وهميه ، انتو خلقتوا هالحياة المزيفه الكم وجذبتوا ع روحكم ، انا بكعدتي وكومتي ونومتي اكللكم ماريد زينه ، ماتقبلتها حاولت وضغطت ع نفسي بس ماكدر ، كافي اريد اعيش حياتي لنفسي وبس ، واسوي اللي يعجبني وهذا شي كافي بالنسبه الي ، سواء تقبلتوا الموضوع او لا ماراح تغيرون شي ، انا وياها ماكو شي يقربنا احنا انفصلنا ، انا حالياً وهب ، وهب وبس" كات كل الكلام الكان مكبوت بداخله رامي كل ماضييه ورا بادي حياة جديده وافكار غير منطرحه من قبل بحياته كايم من الفطور رايح لشركته الجديده واللي تعب حتى يفتحها ويبني بيها كل الاشياء اليحبها