كعـد من النوم وهو يحس بنفسه سعيد من بعد كلامه وي وهـب البارحه وضحكات وهـب اللي ابد ما نساها والشعور اللي ماراح من البارحه لحد هالصبح هذا ، بحماس كام وسبح ولبس احلا ملابس اللي عنده وكعد ع المرايه يشوف نفسه ويبتسم مثل الاهـبل ونزل حتى يراضي جده كونه اقتنع بكلام وهـب البارحه
نزل بضحك وحماس من الدرج ويصيح ع جده "سلااااااام ، سلااام
وينك دا اريد ابوسك" تعجب جده كونه يعرف زعل نجـم ثكيل وماراح يرضى بسرعه"هاي شنو ، شديصير ، نجـم زعلان !!! ، ويريد يبوسني شيصير بالدنيا شصاير يا مره كليلي"
زوجته ضحكت : "ع بختك ياحجي ، اصلا ماكو مثل نجـم لو لفينا الدنيا
كلها ، احلا واجمل والطـف شخص بالدنيا"ضحك نجـم بصوت عالي وراد راسه ليورا "ايي ايي ، ضلي صبغي بيه عدل ، مونفس هذاك الزلمه ، انا اعتذر ع كلامي الخشن وياك البارحه ، بس جنت ضايج وذبيت حركتي بيك ، اسففف نجـم اسففف"
لزم نجـم اذنه وضل ينزل ، يقلد المسلسلات الهنديه لجده اللي يحب يشوفه يقلدهم كونه يضبطهمضلوا يضحكون ع نجـم وسوالفه اللي يحبونها ، وكونه ماعندهم شخص
يحبهم ويريدهم بس اله يعرفون بنجـم اذا حب حيحب بهووس وتملك وهما راضين بهالشي حتى خواله ماخلوهم يعيشون بنفس البيت لان نجـم مايقبل
مدلل بيتهم والدلوع مالهم ، كلمته يسمعونها وهو هم كذالك
____
جانت كاعدة ضايجة ع فراق تؤامها وصديقها "نور" الي قضت اغلب
وقتها وياه متفترق عنه بأي شكل من الاشكال جانت ملازمته بكل مكان
اوقات نادره الي تعوفه ينام وحده وتنزل لغرفتها لدرجة ايام امتحاناتهم
النهائية بالمرحلة الثانوية جانو يخلصوها كلها سوه بنفس الغرفة نومتهم
ومذاكرتهم لتتنهد بضيق قاطع تفكيرها بنور رنين الهاتف الي نور بأسم نور لترد ع الهاتف بضحكة شهلاء
"ها حبيبي وصلت؟" نور " يي هياتني دا ادخل الغرفه "
شهلاء بتسأل " مشتركة لو كلمن وحده " ليرد نور " بلي مشتركة
ااااف " لتستفهم شهلاء بقلق " شبيك حبيبي ؟" ليرد نور بتنهيده "ماكو شي بس راح افتقدكم وافتقدج انتِ بالذات"
أنت تقرأ
ذنُب
العاطفيةحقيقتـٍي التـِي اهـرب منها هل يتسـع صَدرك لسماعهـا ، أم يتسع قلبك لحب شخص مذنب? ، هل تكن لي ملجـِئ ومصدر أمان اهُرب اليـك مـن كل أذى يلحق بي!.