" အားလုံး ဒီည စောစောနားပြီး မနက်ဖြန်မနက်မှာ စထွက်ကြပါ..."
ကျွမ်းချင်က ပွစိပွစိပြောရခြင်းကို နှစ်သက်သော ခေါင်းဆောင်တစ်ယောက် မဟုတ်ပေ။ အလုပ်တာဝန်များ ခွဲဝေပေးပြီးသည်နှင့် သူ့ရုံးခန်းကို ပြန်သွားရန် ပြင်လိုက်သည်။ သူ ရုံးခန်းထဲ မရောက်မီအချိန်မှာပင် ဖူလီ့ကို ရဲဝန်ထမ်းတစ်ယောက်က လာရှာသည်ဟု ဝင်ပေါက်ရှိ လုံခြုံရေးဝန်ထမ်းက ဖုန်းဆက်လာသည်။
အားလုံးက ဖူလီ့ကို အလိုလိုလှည့်ကြည့်လိုက်မိကြသည်။
သူ ခွန်းဖမ်နဲ့ အပြင်တူတူသွားနေတုန်း ပြဿနာရှာခဲ့တာများလား...
ဖမ်ဟန့်က "ချန်လုံဇီဝနည်းပညာကုမ္ပဏီ" ဟူသည့် ရွှေရောင်တောက်ပနေသည့် စာလုံးကြီးများကိုကြည့်ပြီးနောက် ဝင်ပေါက်ရှိ လုံခြုံရေးဝတ်စုံများနှင့် လူငယ်လေးများကို ကြည့်လိုက်သည်။ ဖူလီဟူသောလူငယ်လေးက အလားအလာကောင်းသည်ဟု သူ့စိတ်ထဲ တွေးလိုက်မိသည်။ သူက ကာယအလုပ်သမားအဖြစ်လုပ်ပြီး မကြာမီအချိန်တွင် လုံခြုံရေးအစောင့်အဖြစ် အလုပ်ပြောင်းသွားခဲ့ပြီး ယခုအခါ ကုမ္ပဏီကြီးတစ်ခုတွင် ဝန်ထမ်းဖြစ်နေလေသည်။
" ရဲဝန်ထမ်းကြီး ကျွန်တော်တို့ခေါင်းဆောင်ကို ဖုန်းဆက်ထားပြီးပါပြီ... ကျွန်တော်တို့ကုမ္ပဏီမှာ ဖူလီလို့ခေါ်တဲ့ဝန်ထမ်း တကယ်ရှိပါတယ်တဲ့ ကျွန်တော်တို့ တောင်းပန်ပါတယ် ကျေးဇူးပြုပြီး အထဲဝင်ကြပါ..."
လုံခြုံရေးအစောင့်က လျှပ်စစ်တံခါးကြီးကိုဖွင့်ပြီး ဖမ်ဟန့်နှင့် သူ့လုပ်ဖော်ကိုင်ဖက်ကို အထဲဝင်ရန် ဖိတ်ခေါ်လိုက်သည်။
" ဝိုး..."
လုပ်ဖော်ကိုင်ဖက်က တံခါးမှ ဖြတ်လာသည်နှင့် လေးစားအားကျစွာဖြင့် အော်လိုက်မိသည်။
" ဒီကုမ္ပဏီရဲ့စတိုင်က တော်တော်လေး ခမ်းနားတာပဲ... သူတို့က ဒီနိုင်ငံတွင်းက နာမည်ကြီးတံဆိပ် ဖြစ်ထိုက်ပါပေတယ်..."
သူက ယောက်ျားသားတစ်ယောက်ဖြစ်သော်လည်း ချန်လုံ၏မိတ်ကပ်နှင့် အသားအရည်ထိန်းသိမ်းရေးထုတ်ကုန်များက အလွန်နာမည်ကြီးကြောင်း သိပေသည်။ ဤကုမ္ပဏီက အဝတ်အစား၊ အရုပ်၊ ဖိနပ်၊ အိတ်များ ထုတ်လုပ်ကာ ထုတ်ကုန်အားလုံးကလည်း အမျိုးမျိုးအဖုံဖုံကွဲပြားခြားနားပေသည်။
![](https://img.wattpad.com/cover/343576233-288-k91317.jpg)
YOU ARE READING
မျိုးကွဲများနှင့်ယှဥ်တွဲနေထိုင်ခြင်း
General Fiction💥New BL Coming Soon Title- Don't Discriminate Against Species Description ဖူလီက လောကကြီးကို မမြင်တွေ့ဖူးသော ကျေးလက်ဒေသမှ မိစ္ဆာလေးတစ်ယောက်ဖြစ်ခဲ့သည်။ မြို့သို့တက်လာပြီးသည့်အခါ သူ၏အကြီးမားဆုံးအိမ်မက်က အစိုးရဝန်ထမ်းတစ်ယောက်ဖြစ်လာပြီး သမိုင်းမှတ်တမ...
မျိုးကွဲများနှင့်ယှဥ်တွဲနေထိုင်ခြင်း
Start from the beginning