فتاة الميتم وأحببت مقدم

البارت الخامس والعشرون ( النهاية)

شجون.. أمير نام ارتاح وبعدين نحجي

أمير.. تعالي نامي يمي

شجون.. أريد انظف الكزاز

أمير.. عوفيه هسه وتعالي بحضني

نمت بحضن أمير وبلكوه لازمه نفسي ومبجيت كلش

اختنكت بهذاك اليوم وماعرف المن اشكي وافضفض

شفت أمير نام كمت من الجرباية بهدوء ولميت

الكزاز ومسحت الكاع اندكت الباب مال غرفة

فتحتها زهراء

زهراء.. شلونج شجون

شجون.. الحمدلله

زهراء.. مكدرت احجي وياج من اجيتي لأن عمه (ام أمير ) متقبل وهسه بسكوت صعدت

شجون.. لا عادي اتعودنا عليها

زهراء.. محتاجة شي شلون صار أمير

شجون.. احسن

حضنتني وكالت اذا تردين شي راسليني

راحت زهراء كعدت بالكاع صافنه ليش هلكد تكرهني

ام أمير يعني اني ممسويتلها شي لو لأن اني ماعندي

اهل ولأن اني متربية بالدار

شفت أمير كعد

شجون.. صح النوم

أمير.. شجون جوعان ميت من الجوع

شجون.. شتريد اسويلك اكل

أمير.. عاجبني شوربة

شجون.. تمام

نزلت واني متوتره شلون اسوي الشوربة وخايفه من ام
أمير السعلوه

رحت دكيت الباب على زهراء وكتلها شلون تصير الشوربة وعلمتني

دخلت للمطبخ شفت ام أمير كاعده عل ميز

بس شافتني طلعت من المطبخ كلت بعد احسن

حتى اسوي الشوربة براحتي سويت الشوربة وخلصتها

نصيتها وانتضرتها لحد مكملت صبيت لأمير وصعدتها

لكيت أمير مبدل لابس بنطرون وقميص

شجون.. وين رايح ليش مبدل

أمير.. مخنتك ماكدر ابقى بالبيت

شجون.. أمير تره مصارلك هواي من طلعت من المستشفى وايدك مجروحة وبعدك مماكل

أمير.. اكل واطلع

شجون.. أمير ليش تسوي هيج اكعد ماكو طلعه

أمير.. اذا ابقى هنا يمكن اتخبل خليني اطلع اغير جو

شجون.. لعد خلي اشوف سيف لو حسن يرحون وياك

أمير.. تعالي ميحتاج