ထိုအချိန်က သူမအမုန်းဆုံးက ယဲ့ကျန်းဖြစ်ခဲ့သည်။ မော့ရုန်ကျန်းကသာ ယဲ့ကျန်းက သူ့အား ကယ်ခဲ့ကြောင်း သိသွားလျှင် သူဟာလည်း သေချာပေါက် ယဲ့ကျန်းကို ကြင်နာပြီး လုဝူရွှမ်းအပေါ် ပေးထားခဲ့သည့် အာရုံတိုင်းကို ပြန်ရုတ်သိမ်း သွားပေလိမ့်မည်။
ကျေးဇူးတင်စရာ ကောင်းသည်မှာ မော့ရုန်ကျန်းက ယဲ့ကျန်းကိုမုန်းသည်။ ထိုအတွက်ကြောင့် ယဲ့ကျန်းအနေဖြင့် သူမ၏နောက်ခံ အစစ်အမှန်ကိုပြောရန် အခွင့်အရေးပင် မရှိခဲ့ချေ။
လုဝူရွှမ်းဟာ မနာလိုမှု မုန်းတီးမှုများနှင့် ယဲ့ကျန်းကို စောစောသေစေလိုခဲ့သည်။ ကံကောင်းစွာဖြင့် သူမတွင် သူမ၏ ပျော်ရွှင်မှုအတွက် ဘာမဆိုလိုက်လုပ်ပေးမည့် အစ်ကိုဖြစ်သူ ရှိနေခဲ့သည်။ လုလင်ကျစ်က သူဟာအရင်းနှီးဆုံး မိတ်ဆွေတစ်ယောက်အဖြစ် သတ်မှတ်ခဲ့သော ယဲ့ကျန်းကို သတ်ပေးခဲ့သည်။
ထိုအချိန်က ဖြစ်ခဲ့သော အကြောင်းအရာများကို မသိသေးသော မော့ရုန်ကျန်းက ကြောင်နေသည့် လုဝူရွှမ်းကို ကြည့်လိုက်ပြီးပြောသည်။
"ကျန်းက ဒေါသမထွက်ပါဘူး"
သူကတစ်ကြိမ် ထပ်ပြောသည်။
သူမ၏ သဘောကျနေသော စိတ်ကူးယဉ်အိမ်မက်များမှ နိုးလာသည့် လုဝူရွှမ်းက ဧကရာဇ်၏ ခန့်ညားချောမောသော ဘေးတိုက်မျက်နှာထားကိုကြည့်ပြီး ရင်နာလာသည်။
"ဧကရာဇ် ဒီဝမ်ဖေးက အဲ့ဒီလို ထပ်မလုပ်ရဲတော့ပါဘူး"
သို့တိုင်အောင် သူမ၏လေသံထဲတွင် ဆုံးဖြတ်ချက် ပြတ်သားမှုက ရှိနေသေးသည်။ မော့ရုန်ကျန်း၏မျက်နှာက ကျောက်တုံးကဲ့သို့ မာကြောသွားသည်။
"ကောင်းပြီ မင်းကဝမ်ဖေးပဲ ဒါကြောင့် ဝမ်ဖေးတစ်ယောက်လိုပဲ ပြုမူသင့်တယ်"
"ဒီဝမ်ဖေးက အရှင်မင်းကြီးက နောက်ထပ် ကိုယ်လုပ်တော်တစ်ယောက် တင်မြှောက်တော့မယ်လို့ ကြားပါတယ်။ ဒါကြောင့် ဒီဝမ်ဖေးက အရမ်းကို ခံစားသွားရတာပါ။ တော်ဝင်မင်းသမီးကလည်း အဲ့ဒီအချိန်မှာ ဒီဝမ်ဖေးကို ရန်လာစခဲ့ပြီး နောက်ဆုံး ထိန်းချုပ်မှု လွတ်ကင်းသွားခဲ့တာပါပဲ"
Part 174
Start from the beginning
