انا العذباء

الفصل 70

اجه ابويه تعبان
لحيته كلها تراب گمت ولمتله الحمام
فات سبح وطلع
جبتله جاي گعد بالثيله جر حسره وصد عليه

عساف :عثمان ما حجه وياج

دموع :هزيت راسي بـ لا
ودنگت

ابويه اكثر واحد حالته صعبه
من يوم الي اجينه هين
تگلوط على شوفة عذباء وما گدر يلمحها
الذنب والندم ياكل بي كلشي راح منه
ورجع لنقطة الصفر
تنهد وگام اخذ اسلاحه ورجع عالساتر

عذباء :استهون كل الشغل ولا الكليجه
شغلها متعب وطلعان روح
گمت ادردم سمعني عمر صد عليه وعاگد حواجبه

عمر :اشتغلي بدون حس اخيرلج
روحي شوفي نسوان الصياد
24 ساعه يكربن شغل ما شفت وحده بيهن مرتاحه حت امي توني عفتها تعجن بخمس نجانات
وتگعد من الفجر تخبز
وانتن من جيتن ما سويتن شغله
وهسع عالكليجات گمتن ادردمن

عذباء : ابويه گال لا تسووون شي

عمر : واحنه شما گال ابوج لازم نوقع
يولي الزلم جتلهم الجوع عالساتر
مفروض منجن بدون ما نگول انتن تسون كليجه وكيك وادزن عالساتر
الزلم مخاطره بحياتها تا تحاميجن

عذباء :منين جتلهم الجوع ابويه مو حت حولي ذبحلهم كلها شبعانه بس گول انته مجاي تشبع
ولا تحملنه مانيه بقتالكم غصبن عنكم تگفون
عجل منهو يحامينه
_اجه تا يكفخني ما خلا عثمان

عثمان :ول يابه عوفو الكوان هسع انتعاون
عالكليجه ونخلصها بساع

عذباء :ظل عمر خازرني واني اعيبله
رغم احجي ويا هيج واگله غصبن عنكم تحامونه
بس بداخلي گلبي يتگطع كلهم عايفين ارواحهم
وليل ونهار عالساتر ما فد يوم ملو ولا شكو

ما بدينه بس ندعيلهم بالنصر
وحسبي الله ونعم الوكيل عالهججونه من بيوتنا
وجابولنه الجرثومه السوده

گمت بست عمر بخده وحضنته
لا تضوج ابو خطاب اذا ماكو كليجه اصيرلك
كليجه اروح فدوه لذيب الساتر يابه
ابتسم ونفخ صدره
ربت على جتفه عثمان وضحك

عثمان :عز الله خليتني فخور
كل الزلم تسولف بيك بالزين ويسمونك ذيب الساتر

عمر :عساك دوم فخور ابو فاطم
عبنك بضهري وساندني صرت ذيب

عذباء :شعلت الفرن وگعدت اشوي الكليجه
عمر تربع يمي يحوص تا ياكل
وعثمان ما يفعل يخلي عبن حاره وينغبط
اخذتله كليجه بماعون حطيتها بالثلاجه تا تبرد
ورجعت اشوي دگ تلفون عمر اخذ اسلاحه وطلع
مدري وين

وره شويه سمعت حس وادي ينادي بره
عگد حواجبه عثمان وطلع تا يشوفه
خليت اميره تشوي بمكاني واني رحت
بالهول اتصنت جان وادي واگف گبال عثمان ومخذول

عساف :ما جنت اريد احط نفسي بينك وبين مرتك
بس انته زودتها يا عثمان
دموع مالها ذنب بالصار الغلط كله مني اني
عش تعاتبها وشايل بگلبك عليها
فوگ همها وضيمها وطرحت ابنها
ما صديت بوجها وسعلت
ادري بيها غلطت من كسرت كلامك وطلعت من البيت
بس شنهي ما تنغفر هالغلطه
ما توقعتك بهالقسوه