لمستُ غبارَ البيتِ ثمَّ شممتهُ
فمَا زالَ منْ ريحِ الأحبَّة زاكيا
وقلتُ: يا دارُ جئتكِ عاتبًا
فقدْ سافرَ الاحبابُ دونَ وداعِيا
إلى أينَ سارُوا واللَّيالي مطِيرةٌ ؟؟
إلى أينَ فرُّوا حاملينَ فؤادِيا
فيَا ليتنِي طيرٌ يَفِرُّ مُغرِّبًا
ولكنَّ سيفَ البُعْدِ قصَّ جناحِيا
فهل تشربُ الأيَّامُ نبعَ مدامعِي
فيَرْجعُ أحبابِي ويَصفُو زمانِيا
لقائلها
بقلمي شذره
عذباء :عثمان قافل من گاعه يدموع
ما يريد يسمع حسج ولا طاريج
عجزنه بي اني وعمر
وما يفعل يصد علينه
يتجاهل كلامنه عبالك ما يسمعنه
انتي استعجلتي وتصرفتي بدون فهم
لو مكبره عقلج شويه وصابره مجان صار هيج
واحنه الف نوبه گنالج
تجنبي زعل عثمان وديري بالج
دموع :منين ظل عندي عقل تا اكبره
مو شفتي بعينج
عثمان محملني مسؤلية كلشي صار وياج
معد يصد بوجهي ولا يحجي وياي
وانتي تدرين بطبعه شلون يقهر
واني منا طارحه ابني وحالتي النفسيه تعبانه
صابتني حالة اكتئاب معد اتحمل زهگت
وطگت روحي
عذباء :هسع كافي تگهدين
عوفي عثمان براحته
هوه يحن ويرضه من كيفه
دموع :امت يرضه يمعوده
صارله شگد عايفني مشتاگتله والله
لو بس يقبل احجي ويا واسمع صوته
تايرتاح بالي
تعبت من الضغط النفسي
كلها تلومني وزعلانه مني جدي وابويه وخاله ليال
عذباء :حقهم ابويه وامي يزعلون رحتي من هين بدون شورهم وانتي تدرين ابويه يلگه حل لكلشي
وابوج لو بي حظ مجان اخذج وزاد الطين بله
بس من يوم يومه بدون فهم
دموع :يولي ابويه ماراد ياخذني والله
اني ضغطت علي
ولحيت گتله اروح وحدي اذا ما اخذتني
عذباء :هسع عوفج من هاي الطلايب
گليلي شلون الوضع يمكم
دموع :الوضع مو زين والله
تدهور حيل گامو يقصفون بينه بالبراميل المتفجره
عاد احنه ساكنين گريب من مصفى بيجي
لا يمنه داعش ولا صخام والقصف علينه مراگع
اكثر الوادم تهجرت ظلينه شي قليل
عذباء :كل عقلج وشعدكم ظالين يمكم
دموع :ابويه ما يفعل يشيل من هين
عجزو بي جدي وعمامي
وهسع ظالين ننتظر رحمة الله
وانتو شلون الحال يمكم
عذباء :احنه هم نفس الشي
كلها رايطه محد جاي يفتهم هذول داعش
منين طلعو وشنهي غايتهم
اشو محد جاي يگف بطريقهم
گشو شكو شي گدامهم الوضع حيل صار يخوف
يوميه تموت خيرة الشباب
YOU ARE READING
انا العذباء
动作قصة حقيقه باللهجه العراقيه الدليميه ان لم تقرا عرين الصياد لا تقرا قصتي فلن تفهم عذابي ولم تفهم علتي انا العذباء من عرين الصياد
