دموع : ابويه يگول هذول غايتهم
تخريب محافظات الغربيه واضحه الشغله
وكلشي بتفاق ومعروفين شلون طبو ومنهو جابهم
على كل حال الله يحفظنه ويسترنه
اترخص منج اروح اسوي عشه
عذباء :الله وياج دموعه عينج من نفسج
دموع :سديت التلفون من عذباء
طلعت يم ابويه جان يخابر بجدي وفاتح السماعه
يدخن ومتونس عالرزايل
صياد :شعندك ظال يمك منطقتك مو قصفوها بالبراميل ول فاييين الحظ
عساف :يابه هنه برميلين وگعن ليغاد
وهساعين كلشي ماكو
صياد :يول لا تفور دميييي
شمتاني يگع القصف فوگ بيتك
ويموتون جهالك جدام عينك
لا تظل هتر
تعال اخيرلك لو قسماً بالله اجيك اشحطك
دموع :سده جدي وابويه مدد بالطرمه
غمض عيونه ويجر حسرات
ما يگدر يروح عالرمادي
حاير بأي عين يشوف الوادم
وشيگول اذا سألو عش نجمه ورت نفسها
..
عذباء :مرت ايام والحال يسوء
معد نگدر انام الليل من صوت القصف
والتفجيرات منطقه وحده ظلت بينه داعش
الجيش متصدي للهم
وياهم فزعه من شباب العشائر
من ضمنهم عمر وعلي وياسين
حت ابويه دز فزعه وياهم وساندهم
اجه عمر تا ياخذ الجاي للولد عالساتر
جانت حالته حاله ملابسه متربه وادينه مفرگسه
گعد عالممشى يدخن وحاير بزمانه
وعثمان يمه يحجون همس الخوف بعيونهم
رحت اولم ترامز الجاي ويه اميره
سمعت حس ابويه بره
طلعت بساع تلگيته حاوطني وباس راسي
جان لونه مشفوط وخايف
گعد ويه الولد بالحديقه سكت فتره ينافخ
وحاير شلون يسولف صد على عمر وتنهد
صياد :خابروني ولدي بالجيش
گالو اجانه امر انسحاب اليوم بالليل محد يظل
بهاي المنطقه حالها حال الگبلها راح تسلم
يعني تصديكم عالسواتر مابي فايده
عذباء : انبهت عمر يدحگ لأبويه وفاك اثمه
عمر :شنهي السالفه ابو نشمي
اشو حكومتنه اسحبت الجيش
وعافتنه وحدنه ويه داعش
وجاي يسلمون المناطق وحده وره الأخرى
عذباء :استغفر ابويه ومسح لحيته
رص السبحه بعصبيه وگز سنونه
صياد :الگاع نباعت وليدي
عمر : ندري بيها انباعت من زمان
خلهم يولون احنه نگدر بقوتنه وايد وحده انتصده
للهم
عذباء : صد ابويه بصفحه يستغفر
دحگ على عمر وحجه بحده
صياد :ما تگدرون اتصدون وليدي
الكثره غلبت الشجاعه والتهديد جان واضح من گالو بيننا وبينهم بحراً من الدم
عتادكم توني رحت شفته ما يكفيكم يومين قتال والشباب همتهم ضعيفه الخوف متمكن منهم
معد ترهم ظلتكم هين همو نفسكم انتو وربعكم
ويالله غادي يمنه ليما نشوف تاليها
واترجاك يا عمر لا تكابر وتجايد
ادري بيك ذيب الظلمه وما تهاب الموت
بس فكر باخيتك ومرتك وجهالك
خطاهم برگبتك
YOU ARE READING
انا العذباء
Actionقصة حقيقه باللهجه العراقيه الدليميه ان لم تقرا عرين الصياد لا تقرا قصتي فلن تفهم عذابي ولم تفهم علتي انا العذباء من عرين الصياد
الفصل 70
Start from the beginning
