حور الفارس /بقلم لولا الشريف 💛

الفصل الثاني

حمزه:طيب ممكن اجي اطمن عليكم بكرا لو مفيش مانع عند حضرتك

حور بأبتسامه: لا طبعا معنديش مانع تقدر تيجي في اي وقت

حمزه:تمام حمد الله علي سلامتك والف مبرووك علي البيبي

حور :الله يبارك فيك شكرا علي كل حاجة

☆☆☆☆☆

هايدي بعصبيه: دي عاشر مره اطلبه وميردش عليا

كامليا《والده هايدي》: انا نصحتك كذا مره اللي زي حمزه ده ميجيش بالعند ولوي الدراع وانه مش هيستحمل دلعك كثير هيجيي يوم وهيزهق ويبعد بس انتي عنيده ومش بتسمعي غير صوت نفسك وبس

هايدي:كنتي عايزاني اعمل ايه وانا كل ما افتحله سيره الارتباط يتهرب مني ويقولي لسه مجاش الوقت المناسب زي ما يكون واخدني تسليه اليومين اللي بيجي هنا فيهم

كامليا:هتفضلي طول عمرك غبيه ومبتفهميش انتي مش بتشوفي بيصلك ازاي بيغير عليكى ازاي ،بس أنتي اللي مش مدياله الامان انه يعرفك علي عيلته طول الوقت محسساه انه بالنسبه ليكي زيAtmبالضبط كل اللي همك الفلوس اللي بيبعتهالك كل اول شهر وبس وبتكلمي بالقطاره ولو الفلوس اتاخرت شويه تتصلي تدلعي عليه لحد ما يبعتها هو مش غبي ولا عبيط هو بس صابر عليكي وبينفذلك كل طلباتك عشان بيحبك بجد بس انتي مش مقدره ده

هايدي :انتي عارفه كويس ان لولا ان حمزه ده مليونير وهيسدد لنا ديون جوزك اللي غرقنا فيها وانتحر مكنتش بصيت في وشه ولا استحملته ثانيه واحده مش خمس سنين

كامليا:فوقي لنفسك يا هايدي ورجعي نفسك قبل فوات الاوان وأفتكري ان الحيطه اللي انتي سانده ظهرك عليها دي مش هتنفعك لما تخسري كل حاجة وتضيعي نفسك ودي أخر مره هنصحك في الموضوع ده وانتي حره أعملي اللي شايفاه صح

☆☆☆☆

حور راحت لسجي تطمن عليها شافت الدكتور خارج من اوضتها

حور:طمني عليها هي عامله أيه دلوقتي

الدكتور:وضع المريضه والجنين مستقر بس هي هتفضل تحت الملاحظه النهارده وبكرا تخرج بس أهم حاجة الراحه التامه وتبعد عن اي مجهود وتتغذي كويس

حور:تمام يا دكتور شكرا ليك

حور دخلت وقعدت جمب سجي علي السرير

سجي بدات تفوق وقالت بتعب :حور هو ايه اللي حصلي

حور :حمد الله علي سلامتك مفيش انتي اغم عليكي وجبتك هنا علي المستشفي بس الحمد الله الدكتور طمني عليكي وقال انك زي الفل متقلقيش