تره الهيبه طبع.. ماتنوخذ تعلوم.
وميلوگ الثگل.. للجانو اخفاف.
لا تنسون التصويت + التعليق بين الفقرات
ومتابعه حلوه لحسابي.
استمتعو ب القراءه.
~~~~~~~~~
أخطأت وما يغفر ذنبي
وعقابي أتى في الدُنيا قبل الاخره.
انا من أدرك على نفسه في لحضه الضياع
وأراد العوده لكن.!
وجد الطريق قد اختفى.
إسحاق.
ما اركز ب الأصوات
أصوات منو هاي؟
اني وين شبيه.
جان اول سؤال عندي وخطر على بالي.
شبيه؟
شنو هذه الوجع الي محتل جسدي
شنو هاي الاجهزه الي مربوطه ب ايدي.
احس ثقل على بطني.
حسيت احد گعد يمي.
صوتهه.
إسحاق :- نوور.
نور :- يا روح نور ها ها شنو تريد كولي؟
حسيت بيه قربت يمي
ورجفه صوته بي فرحه خوف قلق.
:- اريد مي نور اريد مي.
راح صوتهه من يمي
حاولت افتح عيوني بس ثقل عليه.
ب صعوبه گدرت افتح جزء قليل منهه.
حسيت شي يم شفتي.
بارد.
عرفتهه جابت المي.
افتح حلگي گوه وهيه ما تعرف تعينه الي.
شلت ايدي ورفعت البطل اشرب منه ب صعوبه.
وخرت واني رجعت مكاني.
غمضت عيني ب قوه ما متحمل صحت.
إسحاق :- اخخخ اخخخ يمه امي وين أمي شنو هذه الوجع.
:- امي من وين اجيبلك امي هسه غير تگلب المستشفى صياح حسن نجيب امي اله؟
احد ثالث ويانه ب الغرفه
كالت حسن؟
معقوله صاحبي.
:- حسن حسن تعال.
كلته بسرعه ووجع.
عكمشت وجهي حيل من الألم
لا يا الله شنو هاي.
تقرب مني حتى احجيله.
:- حسن
اخذت نفس قوي
حسن شنو هل الوجع راح اموت.
:- سلامتك سلامتك شوي وتصير زين
شجاي يحجي هذه.
:- ؟ حسن شنو هل الوجع مو روحي دا تطلع.
:- يا اخي هون غير انته ثور.
شارع شكبره وشكم سياره تنعد ب الأصابع بي يدعموك شمالك.
استذكرت كلشي
تذكرت ساعه الحادث.
تذكرت الأحداث المرعبه
تذكرت غبائي وقله انتباهي.
قبل كم ساعه .
خليت راسي على ستيرن السياره حاير دايخ
من ذنوبي وكميه الخطأ الي دا امر بيهه.
السياره دا تمشي ولأن الطريق فارغ
ماخذ راحتي ومن خبالي
مخلي راسي على الستيرن.
سمعت صوت هورن قووووي حيييل قوي من ورايه.
بعدني ما ملتفتت ما احس غير طاير ب الهوى.
اني ب جهه والسياره ب جههه.
أنت تقرأ
قهر الأرواح
Romanceفتاتينْ مِن حضارهْ واديّ الرافدينّْ بين ضريح المسمومّْ سلمتْ أمرهاّ له....!! ابتدئتُ مسيرتها منذ الصِغر. لتربيه شقيقتها تؤامُ الشكل ولكن...!! هل وجدت ناتج تربيتها؟ ام بقيت تتستر على أفعال شقيقتها الأخرىّ.؟
