الصراع الداخلي مُهلك, تلك الأحاديث التي تدور داخل نفوسنا بلا إجابةٍ متعبه.
قهر الأرواح ب قلمي انا
بنين
لا تنسون تعلقون بين الفقرات + وتصويت على البارت تقديراً لِ تعبي.
~~~~~~~~~~
إسحاق //
"شاقَ قلبي تذكُّرُ الأحبابِ
واعترتني نوائبُ الأطراب..
إلهي انت تعلم كيف حالي ب حضرتك وذكراك فانصرني على ما بليتني به.
" بلوتك يا ربي ثگيله "
فتحت قفل الباب ب صعوبه.
دخلت ب اندفاع قاتلني الفضول حته اعرف حال صاحبي.
دخلت ويا ليتني ما دخلت.
صحت ب صوت حسيته طلع من گلبي اكثر من ما طالع من حنجرتي.
إسحاق :- حسسسن.
دخلنه اني وأمه ل الغرفه بسرعه لكيناه واگع نص جسمه على السرير والنص الثاني ب الأرض.
الضاهر جان گاعد وبعدين فقد الوعي حته الوگعه مالته تخوف
يا ربي وغلاتك صعبه ومُتعبه.
اندفعت عليه احاول اشيله.
ب الگوه اني وأمه گدرنه نعدله ونومناه على السرير.
إسحاق :- خاله جيبولي ماي بسرعه.
طلعت هيه من الغرفه واني عدلت نومته خليت اكثر من مخده تحت راسه وفتحت دگم قميصه حته ما يختنك
اجس نبضه بي نضب يعني ما بي شي بس الوگعه تخوف.
تركته ورحت على الجرار الي ب الغرفه ادور واحد واحد على مُبتغاي.
ما لكيت
ماكو ولا ابره.
دخلت والدته وبيده كلاص مي.
من توتري صحت ب وجه مو قصدي تقليل الاحترام بس الموقف الي اني بي مو مالت احترام بعد..
إسحاق :- الإبر وين؟ ولا ابره وين مخليتهن؟.
ام حسن :- ابر شنو؟
ترجف خافت من صيحتي
بس اتوقع خوفه الأكبر
من تدهور حالي على صديقي
واني ما يدهور حالي الا ب الشدايد.
إسحاق :- انسولين ابر السكر وين اني مو منطي كرتون كامل وين وداه؟
ام حسن :- ها الإبر اي اي اعرف هسه اجيبهن.
طلعت من الغرفه دقايق وجابت الكرتونه.
مخلص فوك نصه طايح الحض شگد مستخدم واني ما صار اسبوع من انطيته اله.
خلي يگعد والله أأدبه من جديد..
فتحت قميصه كُله الي لابسه وضربت الابره ب بطنه.
حته تاخذ مفعول أقوى.
اخذت گلاص المي وصبيت ب ايدي شويه غسلت وجه وهم ما صحه.
إسحاق :- عندج عطر بخور قوي أريده كلش قوي؟
ام حسن :- اي عندي هسه اجيبه.
طلعت تروح تجيبه واني بقيت يم حسن.
مره ارش مي ومره اضربه على وجه وماكو فايده نبضه ماكو شي وتنفسه منتضم بس ليش ما يگعد حته الابره ضربته وكلش قوي مفعوله شبي؟
أنت تقرأ
قهر الأرواح
Romanceفتاتينْ مِن حضارهْ واديّ الرافدينّْ بين ضريح المسمومّْ سلمتْ أمرهاّ له....!! ابتدئتُ مسيرتها منذ الصِغر. لتربيه شقيقتها تؤامُ الشكل ولكن...!! هل وجدت ناتج تربيتها؟ ام بقيت تتستر على أفعال شقيقتها الأخرىّ.؟
