قهر الأرواح

بارت ( 28) الجزء الثاني

أنطي كُلشي وللبشر لا تنطي عين "

لا تنسون التصويت + متابعه الحساب وتعليق بين الفقرات.

~~~~~~~~~~~~~~~~~~~~~~~~~~~~~~~~~~

إسحاق //

لمَحت في عينيه بيتًا، لَم أَعِش فِيه ..

وانا مَنْ بنيته ب طوبه تلوى الأخرى.
انا الشقي
انا النقي
انا من فدى نفسه للحُسين سبيلاً للهدايه.

انا من سلم أمره لله ومن سلم أمره لا يخيب.

مرت الزياره وأجواء الزياره الي ما تنوصف
شنو بجي
شنو حزن
شنو اشعار شنو قصائد تسمع أشكال الوان.
باسم الكربلائي
مرتضى حرب
مسلم الوائلي
سيد فاقد
كُلهم كُلهم سمعت الهم واني هناك.
الشوارع تعج ب الزائرين.
من كُل البلدان.
إيرانيين.
اجانب
صينين. كوريين.
خليجيين.
من كُل الدول أشكال الوان تشوفه.
مو بس يمشون
لا يخدمون همين.
ساعه إلى تشوفهم هيج.
تكول معقوله اكو هيج حُب؟
حُب خالص نقي ب الحُسين
حُب هائل.
انتم وين تلكون واحد ب هاي الايام
يشيل لگمه اهله ويوزعه؟
وين لاكين واحد يشتغل السنه كُله واخر شي يجي يوزعه ب الشارع.

من تكول هيج ل شخص ب اي يوم عادي يكلك هذه مخبل وين اكو هيج شي.

بس من تذكرله اتكله هذه خادم الحُسين
يبقه يصيح.

ولكم هذه الحُسين لو حلال اگطع روحي واوزعه ل الزوار.

يفدونه ب أنفسهم.
ليل نهار خدمه خدمه خدمه مو طبيعيه.
الوضع عجبت دول العالم.
وكُل سنه يزداد العدل
وتزداد الخدمه.
ويزداد الحُب لَك يا أبا عبد الله.

طلعت من الفندق.
اخذت اغراضي وجانت نيتي ارجع بس وكفني شيي.
شي جذبني
شدني غيرتي ما سمحتلي اكمل طريقي وارجع.

أطفال صغار.
ثنين ولد وبنيه شايلين من الجمال من تشوفوهم.
تكولون الله انطه الجمال بس الهم.

خلقهم بس همه وبس.
بشرتهم بيضه عيونهم زرگ بزراگ السمه ما شايف مثله عيون
شعرهم اشگر طوخ تحس فروه رأسهم مبينه.
ناعمين صغار.
أعمارهم تجي بين ٤ سنوات الي ٦ سنوات.
يمشون ويتلفتون والخوف باين على عيونهم.
يوكفون ب الزوار والزوار تعوفهم وتمشي.
لفتو انتباهي من خوفهم الدمعه واكفه على طرف العين.

رحت ب اتجاههم.
حجيت وياهم.
اريد اعرف منو وشنو الي يخليهم وحدهم واهلهم وين؟

اسحاق :- عمو  منو وياك جاي؟
سألت الطفل ضناً مني بلكت يجاوبني.
همه صفنو بيه وبعدين واحد التفتت ل الثاني وحجو سوه ب كلمات ما فهمته.
بس من لغتهم عرفتهم ايرانيين.

كامو يحجون سوه واني كلشي ما اعرف اطرش ب الزفه حسيت نفسي غبي على الرغم هيه مو غباء بس اختلاف لغات.