سامر pov:
رحنا كلنا لوين خواتي ونسوان ملتمات نباوع على جوان وناز الي يبجون!!
لميس:شكو يمة شصارلجن؟
مسك:هسه يمه خل نشربهم ماي!!
راحت اختي وشربت ناز ومسك تشرب بجوان
رعد:لا شنو هاي؟!جهال ابوس رواحتكم احجوا خاف حرامي خل نفتش بل بيت؟!!
نزلوا ولد عمي خمسة صعدوا وجابوا اسلحتهم جانت اسلحة مرخصة ومنهم ضباط جايبين اسلحتهم وياهم اكيد ومنير حاضن ثنين من بنات عماتي الزغار يهدي بيهن و وحدة شوي اكبر منهن كاعدات يمة...
جوان:ماما اكو غول برا!!
مسك:غول؟!!
رامي:يجوز شافوا شي برا حرامي او واحد ضخم
مهند وهو يجهز سلاحة: كعدوا وخل يكعد يمكم جم واحد عده سلاح واني ولد رح نطلع...رعد وياي!!
مشوا الكل ورا عمي...
ربع ساعة
نص ساعة
ساعة
خلصت واحنه ننتظر شوية ورجعوا التموا وقفلوا البيبان وكعدوا
مهند:.....ما لكينا شي بس...
بيداء بقلق:شوف مهند وحق جنكَال اذا تسويلي حركات الحماس هاي ادججك بجفجير والعباس!!احجي بسااع شنو؟
مهند صارت عقدة بين حواجبة:خية انجبي هو انتِ اطيتيني مجال؟!!
تنهد مهند وكمل:لكينة سياج مكسور بشكل جبير وارضية الحديقة...مثل المكشوطة يعني ما اعرف بس عبالك واحد داس عليها لدرجة دفنها!!
ضلينا صافنين ما نعرف شنحجي وضلوا يتناقشون هل هو ظب او حرامي او حيوان اخر او....
شيئ ثاني؟
بنهاية انتهى نقاشنا انو يتناوبون ولد عمي ولأنهم هواي كل ساعتين يبدلون ثتين يجون يحرسون يضلون ماعدين ورا يجون غيرهن يحرسون....
والدور الاول عمي كال هو ومنير رح يكعدون...
منير بهدوء:تمام عادي..
مهند:يلا اخوان لموا الجهلل وصعدوا ورجاءًا ناموا لان اي واحد اكضة ادوس ببطنة اكومة اخليه يحرس تمام؟!!
كلنا كمنا ورحنا صعدنا ننام...
تذكرت الطيف الي مر....
حسيت بخوف وعبالك كَلبي انقبض بس اجة اخوي لؤي وحضني ونام...واني نمت
نام يبعد كاسر نام....
ابتسم بوجهة وهو يناظرة ويباوعلة شلون مدثر بحضن اخوه...
اختفى ورا ثواني معدودة...
__________________________
مراد pov:
بعدني كاعد عل كاع...
ما تخطيت الي صار...هو ياهو بمكاني يتخطى؟
ومستغرب اكثر شلون اختفى؟!مسد وجهي لخمس دقايق...وراح
وين ما ادري....
نزلت بل مطبخ كعدت واني ارجف
حطيت ايدي على راسي لكيت روحي مصخن وعرفت سبب دوختي..
مراد بغضب:عير بية وبل عيشة شنهااي!!!
رحت اشرب دوا وكمت اصعد الدرج حتى اروح لغرفتي...
واني اصعر بحظي المصخم تعثرت وتأذيت مو جديدة على مراد الفكَر بس الألم!!
نمت على فراشي متمدد دا احاول انام بس الم الطيحة ملازمني....
لحد ما حسيت...بأيد تمشي على جسمي كلة...
وتحديدا المكان الي متوجع بيه..
وأيد قوية حطتها يعني ما جاي اتوهم!!
عبالكم فتحت عيني؟
هيهات هيهات؟!!اني اخاف من ظلي و ورا الي صار قبل شوي مستحيل افتح عيني...
بس الألم راح...ومن كثر الراحة نمت...
او من ورا الخوف نمت...
تقرب منه وهو نايم وقبل جبينة واختفى...
_____________________________
بُراق pov
تنفس مضطرب...دقات كَلبي تسارعت...رجفة قوية بجسمي
قشعريرة اجتاحتني من راسي لأخمص قدمي...
الي جاي اشوفة حقيقي...
لا يا الله لا شسويت اني!!!ليش ليش هو كَدامي؟
يعني هو هو الشالني؟!!هو الجابني
ضليت اباوع على ذاك الكيان الي لابس ملابس سودة بل كامل وهو حرفيا ما جاي اكدر اشوف شي من ملامحة...احس راسة غير موجود!!
لاا لا مستحيل بُراق اصحى اصحى!!!
ضليت احاول اكعد بروحي كل بالي حلم؟!!
قطع هل حدث الغريب اتصال ساجي علية وقطعة بنفس اللحظه خلال هل لحظات القليلة درت عتلفون اباوع لمصدر الصوت ورجعت باوعت عليه....وما لكَيتة؟!!
ما جان موجود؟
توه بزاوية الغرفة؟!!
وين راح....
مباشرًة اغمى عليه....بس طحت عجرباية لأن جانت هي وراية...
باوعلة وهو متمدد على السرير وابتسم واقترب منه ارتمى عليه يحضنة...
وكَام باوع بوجهة التعبان...
وراح
ادري كَصير بس غير المدارس اجت وعالسة روحي بس وعد انشر بارت باجر واحاول اطولة....(:
