ذهب باتجاه مدخل فيلته الغضب الذي يعتريه لو أخرج جزء منه لأحرق المكان بالكامل لذا سيتحاشي الوقوف أمامها لن يواجهها يكفى أن يترك لها هذه الصور لتراجع نفسها على الخطأ الذي إقترافته دون تدخل منه حتى لا تكرر مثل هذه التصرفات الغير لائقه،وبعدما كل ما قال...
انهارده ما فيش فسحه عشان من خرج من داره اتقل مقداره 😏وماحدش هيتكلم عشان احنا اتكلمنا كتير🤐 ومافيش فايده ويظهر كدا الذوق مش نافع🤷♀️ وصلنا لحد فين فى المناقشات الا هو انا الوحيدة اللى مقتنعه ان ملك ما ينفعش تلين مع يونس بسرعه كدا وان دى مش قصة حب عادية هتنتهى بكلمة بحبك وان فى امور اعمق واهم من الحب نفسه جوا الرواية
ومع الاسف فى استعجال رهيب انهم يحبوا بعض اولا يونس عايش قصة حب مستحيلة مع نفسه ملك ما تعرفهاش ابدا 🤷♀️دا ولا مرة قالها بحبك وعلى طول يبص للكل الا هي ومرة يتكلم معاها ومرة ولا كأنه يعرفها والموضوع دا كان بيجننها وهي عارفه انه عمها فما بالك وهو حاليا مافيش صلة بينهم حتى لو بيحاول يساعدها هو مش مصرح بصفته وهى اصلا نفسيا تعبانه ملك مرت بحاجات صعب تتخطاها لوحدها ، يعنى واحده نامت صحيت لاقت نفسها مش فى وسط أهلها والست اللى كانت بتقولها يا ماما كانت مستعدة تخلص عليها ويونس الوحيد اللى كان عارف ومع انه عارف لعب بيها فى المكتب وقالها افتكرينى وانتى مع كريم يعنى من وجهة نظرها انه كان مستعد يكمل معاهم الكدبة وتفضل مع ابن اخوه ويفضل هو عادي يلعب بيها 🙄اصحوا يا حضرات اللى اتلسع من الشوربة بينفخ فى الزبادي 🙉ودى ما اتلسعتش دى اشوت على الجانبين 🤦♀️وبالنسبة لقص شعرهاهي كانت غيرانه انه بيعامل البنت اللى معاها احسن منها وبيبصلها وبيحط ايده عليها ولامراعي مشاعرها ولامديها نفس الاهتمام اللى الاغراب بياخدوه منه🥹واحده هتقولى ماهو ما اعترفش بحبها ليه 🤔هقولك لانه مضايق منها😬ولم قولتلك كل حاجه حوليهم متكسرة اناكنت بحاول اقولك ان الوقت والمكان مش مناسبين للكلام دا هو كان وصل انه هيضربها وهي زعلانه من تصرفاته اللى مش مفهومه 🫤واحده هتقولى انتي الكاتبه اعملى دا 🫨اعمل دا بس ادينى مساحة اظبط المنطقيه ملك ويونس مش قصه حب عادية 🤗واحده هتقولى ليه يونس ما ياخدهاش بيته ويعززها من البهدلة دي 🤦♀️انا الصراحة لو عملت كدا هاخد خط مش بتاعي ودا لان مافيش ست تقبل على نفسها تاكل وتشرب وتعيش على قفا راجل مالوش صفه فى حياتها بدون زواج الا وهي بلا كرامة 🙄 يونس عارف ان دا مش حل وبنفس الوقت بيعمل حاجات تانية مش هقدر اقولك عليها دلوقت عشان ما احرقش الاحداث🤐يعنى فى تقدم عايزها هى اللى ترحله وهيعملها 🤷♀️احنا لو حطينا ازمة النسب على الازمات النفسية على فارق العمر والتفكيرعلى المشكلة الكبيرة فى تقبل المجتمع علاقة زى دى حتى وهو عارف انها مش بنت اخوه ومعاملتها معاه وهو طول السنين عمها دا اللى بياخد بنت خالته بيقول زى اختى 🙄
هتلاقى عقد كتير التسرع فى حلها هيكون هرجلة وغير منظم انا فاهمه انكم شايفين حته من الصورة انما انا شايفه الصورة كاملة ودا اللى مخلينى بدور فى فلك وانتم فى فلك تاني، كل اللى بطلبه منكم انكم تثقوا فيا زى العادة وان كل الأزمات هتحل وهنوصل للطريقه اللى ترضيكم ولو حضرتك ما اترضتيش اوعدك هكتبلك جزء على مزاجك 🤭 نصبر يا جماعه 🤌الرواية فيها اخطاء لازم نتعلم منها وازمات لازم نحلها وتمهيدات اكيد ليها مغزي كبير لو ركزتوا فى كل الاحداث مش تصرفات" ملك "بس، لانى اوعدكم انكم هترجعوا تقروا اللى فات من حلاوة اللى جاي اللى مترتب على كل اللى فات.
