تنهد سالم ونطق:انت عارف مقصدي وجيتي لوش
ابتسم مطلق:عارف ومايحتاج توضح مقصدك بنتك لكن الموضوع ذا مو بيدي بيدها وقرارها لكن انا هدف اجتماعي معك الصلح اتوقع بعد الي صار الثار انتهى؟
تنهد سالم:الموضوع ما كان بيدي وانت عارف اني مستحيل اضر احد
مطلق:عارف ومتاكد من ذا الشي الي اخذ الثار هو حامد والحين اخذ جزاته من جهة عادل ومن جهة علي
لمعت عيون ابو عادل من طاري ولده لكن صد وكمل مطلق كلامه:الي ابي اوصله لك ان مريم بعد رجعتي لحايل بخليها تقابلك وتتكلم معها وتقرر مصيرها لان الموضوع مو بيدي ابد
سالم:يعني هدفك من ذا اللقاء الصلح
ابتسم مطلق:برايي كلنا تعبنا وخلاص جاء الوقت الي تنتهي فيه بما ان على قولتكم الثار انتهى
سالم:وهذا من رايي وبعدين صرنا نسايب وعيب بحقنا
ابتسم مطلق والتفت لابو عادل ؛حق ولدك واخذته وش عاد تبي كنت انت السبب بكل هالمصايب
ابو عادل:صحيح اني السبب لكن انتهى الثار في النهايه
نطق مطلق بحده:انتهى بعد ايش بعد مافقد اخوي قدرته على المشي؟؟
ابو عادل:ذا الشي ماتلومني عليه ابوك عقاب
مطلق:عقاب انا من صلبه ومستحيل اخونه ومستحيل اصف بصفك ولو تنطبق السماء على الارض!
ابو عادل:بتعيش براحه وسعاده ابديه
مطلق:يبو عادل انا مب رخيص لدرجه اني ابيع اهلي وناسي
ابو عادل:بتعيش مع زوجتك بسعاده ابديه
رص على انسانه يمنع غضبه:لا تلفظ زوجتي على لسانك
نطق ابو عادل باستفزاز:وش كان اسمها الجـا
لكن الجمه مطلق من ضرب الطاوله الي امامه وتناثر الزجاج:انا محترمك عشان سنك ف انت احترمني!!
بلع ابو عادل ريقه ونطق برعب:خلاص كل شي بينا انتهى لا انت تعرفني ولا انا اعرفك
طلع ابو عادل بسرعه قبل يجرم فيه مطلق الي رفع يده يناظر الدم يتناثر من يده وقف سالم:اجل لنا لقاء متى مارجعت حايل
مسح مطلق على وجهه:باذن الله في امان الرحمن
مد سالم يده يبي يصافحه لكن تراجع من شاف الجروح وطلع بعد ما تودع منه
نطق مطلق ينادي الخادمه:انا طالع بيمر عليكم الحارس يشيك على النواقص
طلع مطلق والتفت الخادمه للخادمه الثانيه:يخرب بيته ما احلاه!!
ضحكت ونطقت؛طموحك كبير اشتغلي اشتغلي
عند العيال الي فزو من شافو مطلق والدم مالي شماغه الي محاوط يده نطق صقر بحده:انت ما ترتاح الا اذا سويت مصيبه؟؟؟
