عبدالعزيز:انا غاسل يدي من من البدايه
مطلق:اجل تطردني زوجتي واقول لولييي
انفجرو العيال يضحكون ونطق خلف:زوج اختي البطل
علي:اخوي لو سمحت
ماجد:الحمدالله والشكر اذا الذبه تضحك يحبونك
خالد ضحك:ذولا حياتهم كلها ضحك ونوم
تركي التفت لمطلق بابتسامه فهمها تقدم يحضنه ونطق:انتبه لنفسك ياعريسنا
ابتسم مطلق يحضنه:ياهدب عيني يالنجم انتبه لروحك
تركي:ابد ولا يهمك انبسط انت تستاهل السعاده بشكل
حضنه مطلق:وانت تستاهل كل خير
تركي صد من شاف الجادل طالعه بمساعدة الجود ابتسم مطلق يمسك يدها ويركبها السياره والتفت قبل يركب:ودعناكم الله
ابتسمو الكل يودعونه لين خرج من ساحة القصور والتفت تركي من عرف عيونها:الجود؟
الجود:تركي؟
ضحك تركي لانها تقلده ونطق :كيفتس
ابتسمت له بخفه؛الحمدالله وانت
تركي نطق هالمره وهو ذايب في عيونها الكحيله:بخير دامتس بخير
ابتسمت تدخل وابتسم يتاملها ذاب لكن كان يكابر مشاعره وشعوره
عند العرسان :
نطق مطلق:ذبحتيني اليوم شذا الجمال؟؟
ضحكت الجادل:باقي ماشفت شي!!
مطلق سحب يدها يقبلها:والله انتس ملكتي قلبي من أقصاه لين ادناه
ضحكت وهي تسند راسها على كتفه ؛وين بنروح؟
ابتسم لها:وين ودتس؟؟
ابتسمت :ابي انام فقط تعبانه
ابتسم يتامل عيونها لين وقف عند الفندق ونزلو سوى متوجهين للجناح ابتسمت اول مادخلو وعلقت عبايتها وارتمت على سرير بتعب ضحك من منظرها وسحبها :قومي
قامت تناظر بوكيه الورد الي باللون الوردي الفاتح ووسطه علبه صغيره:الله ورد!!
نطق هو يتاملها:واصطف الوردُ أمامها ؛مؤدياً تحيةَ الجمال للجمال
سحب البوكس تحت ابتسامتها وسحب يدها يلبسها خاتم جميل جداً ناعم لكن فخم فزت تحضنه شد عليها بحب وهو ينتظر هذا الانتصار من زمان
ابعدت راسها عن كتفه تناظره وانحنى يقبل ثغرها،شامتها الي متوسطه عنقها ، شامات نحرها الكاشف سند جبينه على جبينها ونطق:تدرين؟ ان اليوم مميز اخترت يوم اربعة عشر من الشهر اليوم الي التقت فيه عيونا واليوم الي تكون فيه القمراء منظرها مريح للعين واليوم الي صرتي فيه بين احضاني
