تركي:وهو غلط بحقك صب صب شاهي وبكرا يحلها ربك
ماجد :ابي افهم شصار وكيف تجرا يقولها ؟؟؟
تركي:انتهى ب النسبه لنا بس انتو اركدو
عم الصمت ل دقائق وسرح ماجد بتفكيره يفكر ب البنت الي شافها واحتلت تفكيره يعرف انها مو من خوات مطلق لكن خايف انها تكون حرمه لكن قاطع تفكيره صوت تركي الي كان يدندن بصوته:
قلت انا في الحب ماتقصر خطاي وتبين مثل هون من الصوم وافطر فالظهر
رفع نظره ماجد وضحك بعلو صوته:مو صاحي!!
تركي:مالقيت شي يسليني
ماجد:غني لنا طيب
تركي:ي رجال انطم تراني اسلك لك وساكت ومتحمل عشان ماتسوي مصيبه
ماجد مسك فكه:ي رجال كسرني
تركي تثاوب بملل وسحب شماغه ع وجهه ونطق:اقول امس امس وبكرا يصير خير
عند باقي العيال:
علي:ي عيال الله يستر
سحب خلف كرتون المناديل ورماه ع علي:ياخوك اشغلتنا انطم وانخمد
علي:اخر همك لو احترقو دز
خلف:اي اخر همي اطلع وخلني انخمد
طلع علي بغضب ولحقه عبدالعزيز ومحمد كان قدام شبت الضوء اما خالد كان تايه ب افكاره وهواجسه
عند صقر الي كان قريب يطلع من حايل مد يده يشغل المسجل وسند راسه تاخذه الهواجيس ع صوت ابو نوره لكن لمعت عيونه وارتجف قلبه من نطق فنان العرب :
يوم انا اتمنى وصاله صد عني
يوم جافيته ولهتي يادموعه
ارتعد قلبه وشد ع الدركسون ونطق:لاتخلي حب سنتين يروح حاول
اخذ طريق الرجعه يرجع ل ديار حايل وقصور ال هائل يحاول لاجل اذا وصل نهاية الطريق يتذكر كم حاول وضحى بصداقة وعشرة عمر ل حب عاشه بصعوبه
عند هادي وشيخه:
هادي ابتسم يشيل هياف ل فوق وتضحك بعلو صوتها:بنتس شاربه شي اليوم
ضحكت شيخه تصب قهوه:والله مدري عنها كل ماتكلمت ضحكت
هادي ابتسم بخفه:بس ضحكتها حلوه زي امها
ابتسمت له بخفه ونطق:لها بسمه تخلي الكون كامل يفقد شعوره
تقدمت تقبل خده وهياف جالسه بين احضانهم يلعبون فرحتهم وبنتهم الاولى
عند مطلق والجادل:
فتح عيونه من دقة الباب والتفت ل الساعه الي صارت 2:00 ليلاً التفت يناظر شعر الجادل المنتثر ع صدره العاري وغمض عيونه يستوعب ان الجادل بين احضانه وع ذراعه ونايمه في حضنها استوعب انه مو ساعتين وفز من دقة الباب ل المره الثانيه:ميننن؟؟
