جنون تخطي الحدود

3- عـراك فـي الـمـدرسـة

الفصل 3
في مدرسه الأطفال
وبالتحديد في فصل من الفصول كان قاعد آسيا ومازن وأنس بكل ممل ولما لا وجميع الأطفال تكره الحصه الممله
مازن: انا فاضلي تكه واقوم اقتل الأستاذ محسن
أنس: اااخ ومين سمعك
بص الاتنين لآسيا اللي رمت عليهم ورقه فمسكوها وقراؤها وكان مكتوب
'' بقولكم ايه عايزين خطه نطفش بيها الأستاذ ده ''
أنس كتب ورقه واستغل اني الأستاذ اداهم ضهره ورماها عليها
'' ايه رايك اروح التواليت وارجع اقول للأستاذ اني الحمام واقف على عربيته وخربها ''
اسيا شاوت له بمعنى تمام وأنس استأذن وراح الحمام ورجع بسرعه وقال بصوت عالي
'' مستر محسن الحق الحمام كله مفترش عربيتك ''
محسن قام بسرعه: ايه
اسيا زفرت: يا لهوي اخيرا خرج ايه يا جدعان محدش معاه طبله بت يا راندا ايه يا اختي شخلعينا كده
مازن وأنس فضلوا يطبلوا: اديها يا راندا
وانا وقفت وفضلت تغني وباقي الفصل يردد وراها
🎶 اول حياتي ياما  🎶
آسيا 🎶أبدت بيكي شيلتيني باديكي 🎶
راندا🎶 ولما قولت الااااه شيلتيني في عينيكي 🎶
            ~~~~~~~~~~~~~~~~
فيه فصل تاني
كانت حصه الموسيقى وكان فارس ورعد وطيف وغيث بيبصوا بقرف للمس لأنها كانت بتغني اغنيه لام كلثوم
طيف: يع أيه ده طب ام كلثوم ماتت مش بيقولوا الحي ابقى من الميت فين بقى حمو بيكا وحسن شاكوش
رعد: يا لهوي قلبي بيقولي هنموت من الملل قبل الحصه دي قبل ما تخلص ايه يا ابو الغيوث معندكش اى فكره
غيث: بصوا انا دماغي حاليا عامله طشاش بسبب الجوع شوفوا فارس دماغ ابليس معانا
فارس ابتسم بخبث: بصوا انا هتكلم وانتوا تقولوا اه ماشي
للطلاب كلهم بهمس لأنهم زهقوا: ماشي
فارس وقف: احم احم لو سمحتي يا مس علا ممكن بس نشوف حاجه تانيه لأننا زهقنا
الأطفال كلهم: اااه
المس وقفت وبصتلهم: وانتوا عايزين تغنوا ايه اغاني شعبيه
فارس باستنكار: لا طبعا يا مس احنا هنغني اغنيه سمعتها قبل كده في المدارس
الطلاب: ااااه
علا: وايه الاغنيه دي سمعني يا فارس
فارس وقف على الديسك من فوق: احم احم جاهزين يا عيال
الطلاب: ااااه
فارس: فطووومه
طيف: تراتترا
غيث بصوت عالي: فطووومه
الطلاب بتهيص: تراتترا
رعد: فطووومه
الطلاب: تراتترا
علا بصراخ: بس ايه اللي بسمعه ده
غيث ورعد وفارس وطيف بصوا لبعض وبصولها بعند وقالوا بصوت عالي جدا
'' فطووومه''
الطلاب بضحك: تراتترا
           ~~~~~~~~~~~~~~~~
اما في مكان تاني المس طردت غرام وأحمد وريان ولين وعمار من الحصه بسبب خناقهم مع بعض وقالت
"على مكتب المديره يلا واوعوا تيجوا من غيرها"
وقفلت الباب بعصبيه
ملحوظه.......
عمار ولين وغرام وريان وأحمد في نفس المدرسه بتاعت الباقي بس هما بيسافروا في بعض أوقات الاجازه
لين: الله ايه الوليه العصبيه دي
أحمد بصلهم وقال: بصراحه انا اتفق معاكم المره دي انا شايفها عصبيه
ريان: اخيرا يا عم الحج سمعنا صوتك
غرام: طب هنروح فين
عمار بمكر: انا عارف نروح فين هيا بنا يا رجال
لين: ايه جو كفار قريش ده
ريان: يلا احنا ورانا حاجه
كلهم مشيوا وراء عمار اللي طلع السطح وراح لمكان معين وخرج منه كيس
أحمد: ايه ده مخدرات انت بقيت ديلر ولا اه يا عمار
عمار: مخدرات أيه يا عم احلى طبعا
عمار خرج كوتشينه وقال: ترارارا ايه رايكم
غرام: يا ابن الايه جبتها منين دي
عمار: الواد وائل قالي على مكانها المهم يلا نلعب لحد ما حصه مس عصبيه تخلص
ريان: انا الأول
عمار: اتنيل انا عارف مكانها انا الأول
لين: لا انت ولا هو انا الأول
غرام سحبت الكوتشينه وقالت ببلطجه: وربنا ما يحصل انا الأول
لين نطت عليها وقالت: طلاق تلاته ما يحصل انا الأول
ريان وعمار جريوا عليهم: خناقه
الاربعه فضلوا يضربوا في بعض وأحمد بيراقبهم وهز كتافه بقله حيله وجرى بضحك
'' وانا برضو من العصابه على فكره ''
فضلوا يضربوا من بعض وصوت ضحكهم ملا المكان
           ~~~~~~~~~~~~~~~~
بعد كام ساعه ضرب جرس الفسحه وطبعا زي اي مدرسه بيبقى هجوم تتار والعياذ بالله
في ملعب المدرسه كانوا الأطفال قاعدين فقال غيث بملل
'' اووف أيه الملل ده يا ربي ''
آسيا بصت على مكان وقامت وخلعت جاكيت المدرسه وكانت تحته بتشيرت نص كم
مازن: تحذير تحذير آسيا بتقلع الجاكيت آسيا بتقلع الجاكيت
آسيا بشر: اوعي حد يمسكني
جريت بسرعه لمكان وقال عمار بغيظ
'' ده على اساس اني حد بيعرف يمسكها ''
آسيا راحت لولد في المرحله الثانويه وكان هو وأصحابه بيتنمروا على شخص
'' معلش يا اخ ممكن تبصلي ''
للولد بص وفيه ثواني كانت آسيا ضربته تحت بطنه وهو نزل بألم على الأرض وهو بيصرخ وآسيا نطت عليه وفضلت تضرب فيه بأيديها في وشه
غرام بحماس: اشطا هو ده الكلام اللي يقتل الملل
غرام نطت على واحد منهم وفضلت تقطع في شعره
وغرام كانت ماسكه في رقبه وهو بيروح يمين وشمال علشان غرام تقع
غرام بصراخ: الحقني يا عمار الكلب هقع حاسه اني متشعلقه فيه لعبه في الملاهي
عمار: اثبتي انا جاي
ريان بص لاخوه اللى قاعد بلامباله في مكانه ولا اكني الكل بيضرب في بعضه
'' وانت يا عم الرايق مش هتتحرك ''
أحمد: عادي كله ربع سماعه والحرب تخلص
فارس بصله من فوق لتحت وقال بمكر
'' اللحق يآ أحمد فيه واحد بيضرب لين ''
أحمد قام بغضب: ابن ال هو فين
فارس: جاتك نيله مش بتتحرك غير لما الموضوع يكون فيه لين
مازن وهو بيضرب واحد مع رعد
'' هو احنا بنعمل كده ليه ''
رعد: علمي علمك اهو ضرب يقتل الملل وخلاص
دانه وطيف كانوا واقفين فوق حاجه عاليه وبيحدفوا الكل بزلط صغير جات واحده فأنس فقال بغيظ
'' الله يخربيتك يا دانه جات فيا ''
دانه بصوت عالي: معلش يا أنوس استحمل لحد ما الحرب تخلص
ريان: ااااه انتوا مفيش منكم فايده بتحدفوا الكل يا شويه قرود
طيف: تصدق احنا غلطانين ويا لهووووي
واحد مسك طيف من هدومها من وراء وهي قالت
'' نهار ابوك اسود دي ديانا قالت لو بوظت اللبس زي المره اللي فاتت هتدبحني أوعي ايدك ياض ''
طيف مسكت وشه وابتدات تخربش في فوشه رماها على الأرض وهي قالت بوجع
'' اااااااه لحظه ايه ده مش حاسه بوجع ليه ''
حياه بصراخ من تحتها: الله يخربيتك اوعي من عليها فرمتي جسمي
أيهم: شاف أخته بترمي اي حاجه على العيال فضحك وقال
'' اديهم يا دانه اااااااه الله يخربيتك يا حوله هما مش انا ''
دانه: ولاه يا أيهم تعالي نزلني من هنا لو وقعت رقبتي هتتكسر وربنا
المدرسين حاولوا يوقفوا الأطفال بس هيهات كله بيضرب في بعضه ومن حيث لا تدري استاذ محسن اخد ضربه مش عارف جاتله منين
اسيا بضحك: تستاهل استاذ ممل وربنا
أنس بضحك: أحنا فيه ايه ولأ في ايه دي الحرب العالميه قامت
مازن: يا ابني احنا العصابه مش هيحصلنا حاجه احنا في السليم اااااااه
           ~~~~~~~~~~~~~~~~
في فيلا سيف
كانت قاعد في الجنينه وفي ايده صوره بيبص ليها بكل حزن وعجز حسن بايدها بتبطبط عليه
'' هنلاقيها يا سيف ''
سيف بصلها وقال: شعور العجز وحش اوي انا مش عارف بنتي التانيه فين عايشه ولا ميته جعانه ولا شبعانه حاسس اني اب معرفش يحافظ على بناته
شمس قعدت قدامه: هنلاقيها يا حبيبي ولا انتي ناسي انت مين انت الوحش والامبراطور مش اي حد ولا اسيل اي حد دي بنت الوحش
سيف: نفسي الزمن يرجع بيا عمري ما كنت همسح إنها تضيع
شمس بدموع: هون على نفسك يآ سيف
سيف حضنها: بلاش دموع علشان خاطري
شمس هزت رأسها بحاضر وهي حزينه على حاله من يوم ما قالتله انه فيه توأم لآسيا بس مختفيه وهو قلب عليها مصر كلها لدرجه اني آمنه كانت هتموت في ايده لأنها هي اللي رمتها بايدها وبرغم انه عدي 5 سنين الا انه عمره ما يأس في يوم أنه يدور عليها
فاق الاتنين على صوت تليفون سيف
شمس: مين؟؟!!
سيف: دي مديره المدرسه اكيد العيال عملوا مصيبه
شمس: اكيد طبعا
           ~~~~~~~~~~~~~~~~
بعد شويه في مكتب المديره كانوا كلهم واقفين جنب بعضهم زي كل مره وقدامهم ابهاتهم واقفين وبيبصوا ليهم بغيظ وبيسمعوا كلام المديره وهي بتقول
'' دي مش المره الأولى إللي يعملوا فيها مشاكل وأعتقد ده تسيب من عندكم انتوا معرفتوش تر...
سمعت صوت بارد ومخيف: دخلي لسانك جوا بوقك احسن يتقطع
وده كان صوت ديانا اللي جريت عليها طيف
'' ماما ''
ديانا بصت على بنتها وشافت علامه فخلعت كتف الجاكيت وبصتلها
'' مين اللي عمل كده ''
طيف شاروت على ولد وقالت: الولد ده
ديانا بصت للولد وراحت لباقي الأطفال ومازن وأحمد وفارس وايهم كان عندهم جروح فقربت من الولد ده ورمته قدام المديره
'' واضح اني التسيب كان من عندكم انتوا لما اطفال يدخلوا مدرسه بأدوات حاده ''
فهد قرب من المديره: ملفاتهم كلهم تبقى معانا مستحيل نقعد ولادنا في مدرسه زي دي
الكل خرج وقابلوا البنات في الملعب وراحوا لأولادهم بسرعه لما شافوا دم على هدومهم
أدهم بص للولاد كلهم وقال: ده ميمنعش انكم غلطانين برضو
بصوا كلهم لبعض وبصوا للبنات لأنهم اللي هيتقذوهم من الموقف ده وفعلا شمس قربت هي والبنات ووقفوا قدام الشباب
'' خلاص غلطوا واحنا اللي هنربوهم ''
سيف: يا سلام بلاش أنتوا علشانكم هيتجننوا اكتر
شمس: قصدك ايه يا سيف اننا مجانين
مراد: وهي دي محتاجه كلام مثلا
البنات بصوا الشباب بتحدى شديد وقاطع ده كله ياسين وهو بيقول
'' بلاش دماغكم توديكم خصام فرح مايك بعد اسبوع والمفروض الكل يجهز علشان هنسافر أمريكا بكره ''
ابتسم البنات بمكر وبص الشباب بغيظ لياسين
'' جبتهالهم على طبق من دهب يا خفيف ''
ياسين بص للبنات وقال بملل: هنبتدي بقى 
           ~~~~~~~~~~~~~~~~
في إيطاليا
يحيى: دلوقتي مفيش حل غير ده
رحيم بضيق: للأسف بقى انتوا عارفين قانون المافيا ولو هي مبقيتش مراتي احتمال يقتلوها
جاسر: يعني احنا بعدناها عن الخطر طول السنين دي علشان حياتها تتعرض للخطر تاني
رحيم بصلهم: عندكم حل تاني
كنان: للأسف مفيش حل غير ده
رحيم وقف: تمام اسيبكم اسبوع تفكروا انا هسافر انجلترا وأتمنى اعرف الرد
آسر: وأنت عارف اني مفيش كلام تاني غير الموضوع ده يا تايجر
رحيم بهدوء: مين عارف يمكن هي متوافقش وانا عمري ما هجبر واحده علي الجواز متى حتى لو نهايته الموت
           ~~~~~~~~~~~~~~~~
بعد كام يوم في انجلترا كان الشباب قاعدين مع بعض في قصر آدم جيرمان والضيق كله مالي وشهم فضحك عليهم كرم لأنه عارف اني البنات بقالهم اسبوع في قصر عيله الشيمي بنات الشله كلهم ومش بس الشباب اللي مضايقين ده كل المتجوزين هنا متضايقين
كرم انفجر في الضحك: يخربيت الجواز اديكم قاعدين أهم زي المطلقين وهما بيضحكوا ويرقصوا
عدي بغضب: حد يسكت البنى آدم ده بدال ما اقوم اضربه
مراد : اسكت يا بني ادم مش ناقصاك
رحيم: خلاص يا جدعان بكره الفرح
رحيم سكت بشرود وافتكر نغم وانه سيرتبط بتلك الكارثه المتحركه من وجهه نظره زفر بضيق هو لا ينكر إنه أعجب بقوتها لكن كان هذا منذ سنوات اكيد هذا الاعجاب اختفى
اما عند البنات كانوا بيضحكوا ويهزروا ولا اكني فيه حاجه بتحصل
شمس : بت هاتي الطبله دي كده ده فرح مايك الشيمي
ملك🎶 قوم نادي على الصعيدي وابن اخوك البورسعيدي والشباب الاسكندراني أللمه دى لمه رجال 🎶
جين🎶 وانا هاجي مع السوهاجي والقناوي والسيناوي والمحله واللي ميه ميه والنوبه الجمال 🎶
شغف🎶 متوصيش السوايسه الدنيا هايصه كده كده 🎶
ديانا 🎶والاسماعلويه ياما كادوا العيدا 🎶
عشق🎶 كلمني على الشراقواه واحنا ويا بعض أقوى واحنا واحنا ويا بعض أقوى واملنا كبير 🎶
فضل البنات كده لحد نص الليل وكل واحده طلعت لاوضتها لما تعبوا
عند شمس
كانت واقفه في البلكونه وبتبص للنجوم ابتسمت لما افتكرت أجمل ذكريات لها مع سيف في شهر عسلهم
Flash back
من 5 سنين
سيف وشمس كانوا في الطياره فقالت شمس
'' سيف هم احنا رايحين فين ''
سيف: مكان حلو
شمس: اه ما انا عارفه إنه حلو فين يعني
سيف: وانتي عرفتي منين يعني أنه حلو
شمس: بغض النظر عن انك لسه قايل بس الحلو دايما بيجيب الحلو
سيف بضحك: ايه يا بنتي الغزل ده
شمس: يا عم هو انت كنت تطول اتغزل فيك اصلا
سيف بمكر: واديني طولت وهطول حاجات كمان
شمس بصتله وقالت: انا اتضح ليا اني عمده ومريم نسيو يربوك يا سيف
سيف: ده كله علشان جمله هو انا لسه عملت حاجه
شمس قامت: هو انا لسه هستناك لما تعمل نزلوني من الطياره دي يا جدعان انا مش عايز اتجوز
سيف بضحك: يا هبله اقعدي احنا اصلا وصلنا
شمس بصت من الشباك وقالت: هو احنا فين انا مش شايفه غير بياض في بياض هو احنا في الصحراء البيضاء ولا تكون جايبنا انتركتيكا
سيف: اولا الصحراء البيضاء دي في مصر مش هنضطر ناخد طياره
شمس: يبقى احنا في انتركتيكا جايبني اقضي شهر العسل مع البطاريق
سيف: متبقيش تقعدي مع رسيل تانى بقيتي غبيه زيها
شمس كانت هتتكلم بس سمعت صوت الكابتن بيقول
'' سادتي اربطوا الاحزمه من أجل الهبوط ''
شمس: سادتي مين هو فيه غيرنا في الطياره دي
سيف ضحك عليها هو عارف بتعمل كده ليه علشان متوتره من فكره انهم هيقضوا شهر العسل وأنه خلاص بقى جوزها
الطياره نزلت وخرجوا منها وشمس ابتسمت وقالت بحماس
'' احنا في النرويج بلد التلج صح ''
سيف حاوط كتفها: صح يا مليكه يلا بينا
شمس: انا مش عارفه انت بتعرف تفرق بينا احنا 3 بسرعه ازاي
سيف: سبق وقولتهالك وهقولها تاني محدش بيفهك قدي يا أرنوبي
سيف وشمس ركبوا عربيه ووقفوا قدام بيت وسط التلج ازاز
شمس: الله يا سيف اكيد المنظر فظيع من جوا
سيف شد ايدها: تعالي