ကောင်းကင်စစ်ဝိညာဉ်(ချူးယွန်)အတွဲ-၅ Uni & Zawgyi ေကာင္းကင္စစ္ဝိညာဥ္ အတြဲ-၅

အပိုင်း ( 1847 ) ငါးစာလား

"မင်းရဲ့ အတွေးတွေကို ဘယ်လိုပြောရမလဲ ငါမသိဘူး။ ဒီလိုဖြစ်စဉ်တွေ ရှိတာကတော့ ရှိပါတယ်၊ ဒါပေမဲ့ ဒါက လူတိုင်းလုပ်နိုင်မယ်လို့ ထင်လို့လား။ အင်မတန် အစွမ်းထက်တဲ့ တည်ရှိမှုတွေကပဲ ကြယ်ကောင်းကင်ရဲ့ နိယာမတွေကို ထိန်းချုပ်ထားနိုင်တာ။ ငါလို အင်မော်တယ်လေးအတွက်‌ကတော့ သိမ်းပိုက်ချင်ရင်တောင် အခွင့်အရေးမရှိဘူး"

မောက်မင်က ခါးသက်သက်နဲ့ ပြုံးပြီး ပြောလိုက်တယ်။
"ကြယ်ကောင်းကင်က ရှားပါးအရင်းအမြစ်တွေရှိတဲ့ နေရာဖြစ်ရင်တောင် အထွတ်အထိပ်တည်ရှိမှုတွေပဲ လက်ဝယ်ပိုင်ဆိုင်ထားဖို့ အရည်အချင်းပြည့်မီတယ်"

ချူးယွန် အံ့ဩသွားပါတယ်။ အမှန်တရားက အရင် သူသိထားတာနဲ့ အနည်းငယ် ကွဲပြားတယ်။

ဒီလိုဆိုရင် ချူးမူကျစ်ကို ခေါ်သွားတဲ့သူရဲ့ အထောက်အထားက အရမ်းထူးခြားနေတာလား။

မေ့လိုက်ပါ၊ မင်းရဲ့အဆင့်အတန်းကို ငါဂရုမစိုက်ဘူး။

ငါ မူကျစ်ကို အနှေးနဲ့အမြန် ပြန်ခေါ်လာလိမ့်မယ်။

မင်းကိုသတ်ဖို့လည်း ငါအစွမ်းကုန်ကြိုးစားမယ်။

"နောက်ပြီးတော့ အင်မော်တယ်ကမ္ဘာရဲ့ ဟင်းလင်းပြင်က အရမ်းတည်ငြိမ်သလို ကန့်သတ်ချက်တွေ ကြီးမားတယ်။ ဒါကို မင်းလည်း ခံစားမိတယ် မဟုတ်လား။ ဒီနေရာမှာ ဖိအားက ကြီးမားလွန်းတာကြောင့် အင်မော်တယ်အဆင့်ကိုရောက်မှ လေထဲမှာ ပျံသန်းနိုင်တယ်။ မဟုတ်လို့ကတော့ မင်းခြေထောက်ကိုပဲ အားကိုးနိုင်လိမ့်မယ်"
မောက်မင်က အကူအညီမဲ့ဟန်နဲ့ လက်ဝါးဖြန့်ပြလိုက်ပါတယ်။

"အစ်ကိုမောက်၊ ဒီအင်မော်တယ်ကမ္ဘာရဲ့ အင်အားစုတွေအကြောင်း ငါ့ကို အကျဉ်းချုပ် ပြောပြပေးလို့ရမလား"
ချူးယွန်ဟာ လူသစ်ဖြစ်တာကြောင့် စူးစမ်းလိုစိတ်တို့ သဘာဝအတိုင်း ရှိနေခဲ့ပါတယ်။

"အင်အားစုလား၊ ငါ့ကိုမေးရင်တော့ မင်း လူရွေးမှားသွားပြီ။ ငါက လူသားအင်မော်တယ် ဒုတိယအဆင့်ပဲလေ။ တိုက်ခိုက်နိုင်စွမ်းဆိုရင်လည်း ငါက မင်းထက်တောင် မသန်မာဘူး။ ဒီအင်မော်တယ်ကမ္ဘာမှာ ငါဟာ အနိမ့်ဆုံး တည်ရှိမှုတွေထဲက တစ်ခုပါပဲ။ ငါသိတဲ့ အင်အားကြီးဆိုလို့ အနီးအနားမှာတော့ စန်းလော့မြို့လို့ခေါ်တဲ့ မြို့တစ်မြို့ ရှိတယ်။ ဒီနေရာကလည်း စန်းလော့မြို့ကို အမှီပြုပြီး တည်ဆောက်ထားခဲ့တာပဲလေ။ အဲဒီမှာ အင်မော်တယ်တွေနဲ့ သန်းချီပြီး ကောင်းကင်အင်မော်တယ်နယ်ပယ် ကျွမ်းကျင်သူတွေလည်း ရှိတယ်"