ချွေးတွေရွဲနစ်နေသူအား တစ်ရှူးဖြစ်သုတ်ပေးကာလက်လှမ်းမိတော့
" ကျွန်တော့်ကို မထိနဲ့၊ အစ်က်ို ညစ်ပတ်ကုန်မယ် "
" ညစ်ပတ်လည်းဘာဖြစ်လဲ မင်းတောင်ဒီထိရောက်လာသေးတာပဲ၊ အထဲဝင်ရအောင် "
" မလိုက်တော့ဘူး အရှေ့မှာပဲတစ်နေရာရာမှာစောင့်နေမယ်၊ အစ်ကို အေးဆေးနေလို့ရတယ် "
" လာပါဆိုနေ၊ ငါ စိတ်ဆိုးမိတော့မှာနော် "
အစ်ကိုသေးသေးလေးရဲ့စိတ်ဆိုးလိုက်တော့မှာနော်ဆိုတဲ့စကားကြောင့် ကောင်းဆက် ခပ်ယဲ့ယဲ့ပြုံးမ်ိပါ၏။ တကယ်စိတ်ဆိုးတော့မယ့်ပုံပါပင်။ စိတ်မချလို့လိုက်လာတာကိုပြောမိတော့ သူ့ကိုအပြစ်တင်လိုက်ပုံများ ခေါင်းတညိတ်ညိတ်ဖြင့်သာနားထောင်နေခဲ့ရသည်။
" ဟုတ်ပြီ၊ အိမ်ထဲမှာပဲထိုင်စောင့်နေမယ်ဆိုရတယ်မလား "
" အင်း "
ထိုအခါမှ ကျေနပ်သွားဟန်ဖြင့် သူ့လက်ကိုလာဆွဲပါသော အစ်ကို။ မငြင်းသာတော့တာမို့ လေ့ကျင့်ရေးမှာဝတ်ထားတဲ့ဘောလုံးဝတ်စုံဖြင့်သာ ဖရိုဖရဲအနေအထားဖြင့် ခြံဝန်းထဲက မွေးနေ့ပွဲကိုကျော်ပြီး အစ်ကို့သူငယ်ချင်းအာကာရဲ့အိမ်ထဲသို့ရောက်သွားရသည်။
" ရေသောက်ဉီးမလား "
" ကျွန်တော်သောက်ထားတယ် "
" ဆံပင်မှာလည်းချွေးတွေချည်းပဲ၊ ဒီနေ့တစ်ရက်ပျက်သွားလည်း နည်းပြကဘာမှမပြောလောက်ဘူးမလား "
" အင်း ကျွန်တော်သေချာပြောထားခဲ့ပါတယ် "
" အင်း "
" သွားတော့လေ သူငယ်ချင်းတွေနဲ့စကားအေးဆေးပြောပြီးပြန်တော့မယ်ဆိုမှ ကျွန်တော့်စီလာခဲ့ "
" မင်းပျင်းနေမှာပေါ့ "
" ရတယ် "
" အဲ့တာဆို ကိုယ်ခဏပဲသွားပြီး ပြန်လာခဲ့မယ် "
" အစ်ကို့သဘော " ဆိုတော့ နှစ်လိုဖွယ်ရာအပြုံးတွေပြုံးပြခဲ့ပြီး အနားကထွက်သွားခဲ့၏။
* ကျစ်! တခြားသူတွေမြင်ရင် သဘောကျကုန်တော့မှာပဲ *
.......................
YOU ARE READING
ENDLESS
Romanceဤဇာတ်လမ်းတွေပါဝင်သော အကြောင်းအရာများသည် စာရေးသူ၏ စိတ်ကူးသီးသန့်သာဖြစ်သည်။ ထို့ကြောင့် လက်တွေ့နှင့်မသက်ဆိုင်သောအကြောင်းအရာများ ပါဝင်နိုင်ကြောင်း အသိပေးပါရစေ။ Cover တွက်အသုံးပြုထားသော ပုံအားလည်း credit အပြည့်အဝပေးပါသည်။ ဖတ်ရှုပေးမှုအတွက် ကျေးဇူးအများ...
