ထင်ထားသည့်အတိုင်း အစ်ကို့ရဲ့အိမ်ရှေ့ကိုရောက်တော့ နှုတ်တောင်မဆက်ပဲ အိမ်ထဲဝင်သွားသည်။ ကောင်းဆက်လည်း အနည်းငယ်ပြုံးလိုက်ကာ အိမ်ရောက်မှာ စာပို့ရင်းစကားပြောတော့မည်ဟု တွေးထားလိုက်သည်။
ကောင်းဆက်အိမ်ကိုရောက်တော့
" ကျောင်းမှာအဆင်ပြေခဲ့လား သား "
" ပြေပါတယ် "
" အဲ့တာဆို သွားနားတော့လေနော်။ ညစာစားတဲ့အချိန်တော့ဆင်းခဲ့နော် "
ခေါင်းသာညိတ်ပြသွားတဲ့ သားဖြစ်သူကို ကြည့်ရင်းမိခင်ဖြစ်သူမှာ သက်ပြင်းချရသည်။ သားဖြစ်သူရဲ့အကျင့်တွေဟာ ဖခင်ဖြစ်သူနှင့်တပုံစံတည်းပင်။ လိုအပ်ရင်ပြောပြီး မလိုအပ်ရင်တိတ်ဆိတ်နေတတ်သည်။ စကားပြောလျှင်လည်း ခပ်ပြတ်ပြတ်ပြောတတ်ကြသည်မို့ ရင်းနှီးသူတွေကတော့နားလည်ပေးကြသည်။ သူစိမ်းတွေနဲ့သာဆိုမလွယ်ကူလှ။
ကောင်းဆက်ရှိန်တို့မိသားစုဟာ အေးအေးဆေးဆေးနေတတ်ကြသည့်အပြင် ပတ်ဝန်းကျင်နဲ့လည်းလိုက်လျောစွာနေထိုင်ကြတဲ့မိသားစုပင်ဖြစ်သည်။ ဖခင်ဖြစ်သူက ခရီးသွားလုပ်ငန်း Company တစ်ခုကို ဉီးစီးနေသူလည်းဖြစ်သည်။
..................
ရေချိုးပြီး အနားယူဖို့လုပ်လိုက်ချိန် ပထမဆုံးလုပ်ရမယ့်အလုပ်ကိုတွေးမိပြီး ကောင်းဆက်ပြုံးမိပြန်သည်။ အစ်ကိုသေးသေးလေးကို ချော့ရဉီးမည်လေ။ အစ်ကိုသေးသေးလေးဆိုတာက အစ်ကိုက ခန္ဓာကိုယ်သေးနေတာမျိုးတော့မဟုတ်။ သို့သော် ကောင်းဆက်နဲ့ယှဉ်ရင်တော့ အနည်းငယ်သေးနေတာပင်။
စာပို့ဖို့ရာ အစ််ကို့ရဲ့ Acc ထဲဝင်လိုက်ပြီး
* အစ်ကို စားပြီးပြီလား *
စာတစ်ကြောင်းသာပို့ပြီး ထိုင်စောင့်နေမိသည်။ Seen သာ ပြသွားပြီး စာမပြန်လာခဲ့။
* စိတ်ဆိုးနေတုန်းလား *
* အင်း *
' အင်း ' လို့ပြန်ဖြေခြင်းက အခြေအနေမကောင်းကြောင်း ညွှန်ပြနေခဲ့လေပြီ။
* ကျွန်တော်က ကျွန်တော့်စိတ်ထဲရှိတာကို မထိန်းပဲပြောလိုက်တာမို့ ကျွန်တော်မှားသွားပါတယ် *
![](https://img.wattpad.com/cover/350884436-288-k992768.jpg)
YOU ARE READING
ENDLESS
Romanceဤဇာတ်လမ်းတွေပါဝင်သော အကြောင်းအရာများသည် စာရေးသူ၏ စိတ်ကူးသီးသန့်သာဖြစ်သည်။ ထို့ကြောင့် လက်တွေ့နှင့်မသက်ဆိုင်သောအကြောင်းအရာများ ပါဝင်နိုင်ကြောင်း အသိပေးပါရစေ။ Cover တွက်အသုံးပြုထားသော ပုံအားလည်း credit အပြည့်အဝပေးပါသည်။ ဖတ်ရှုပေးမှုအတွက် ကျေးဇူးအများ...