منقذي

4

#منقذي

              4

ايمن لا حضرتك مش فاهمه  انا راجل ماليش في الحوارات دي تقدري تتفضلي..

ايمي بس انا بحبك ياايمن بحبك..والله لسه بحبك

ايمن حب ايه انت ست متجوزه وانا مش من النوع اللي ده فهماني ..

قربت ايمي منه حاولت تحط ايدها على كتفه لكن بعد عنها لو سمحتي انا قلت اللي عندي اتفضلي عشان عندي شغل..وانتي بتعطليني

ايمي ايمن انا هعملك كل حاجه بس ادي علاقتنا فرصه.انا بحبك ومابحبش جوزي

ضحك بسخريه علاقة اي انت مش مستوعبه اللي بتعمليه..

حضنته جامد حاول يبعدها لكن معرفش..

ايمي انا عارفه عشان متجوزه بتعمل كده..بعدت عنه وحاوطت وشه باديها بس انا بحبك ومابحبش جوزي..قربت منه وكانت هتبو**سه لكن زقها بغضب اتفضلي اطلعي برااا يامدام وقتك خلاص..

ايمن..

ايمن اتفضلي عشان مغلطش فيكي..

خرجت وهي تتوعد ليه ازاي يرفضها كده بعد ما كسرت نفسها وجت لحد عنده  (( ايمي بتحبه من ايام الكليه بس اختارت تتجوز رجل أعمال عشان الفلوس ورفضت تستناه لحد مايرجع من دراسته براا البلد ولما رجع عايزاه ترجعه بعلاقه غير شرعيه))

جلس ايمن بقرف منها ورجع يشوف شغله..

********

ضربته لوسي بالفازا على راسه ووقع سايح بدمه جت نور وامها على صريخه..واتصدموا من اللي شافوه..

اما لوسي جريت على اوضتها وخدت لعبتها واتغطت بسريرها وهي مرعوبه من الدم وخايفه ودموعها غرقت وشها

منعت ام نور وبنتها الدكتور اللي بيتوعد ويهدد من الخروج لحد مايجي الدكتور أيمن وبالفعل أيمن اول ماسمع اللي حصل جي بسرعه وخيطله الجرح واهتم بيه ومنعه يخرج لحد مايرتاح حاول يفهم اي اللي حصل..

الدكتور البنت دي مريضه مش فى وعيها انا بحذرك يادكتور ايمن لازم تدخلها مصحه..القصه بقلم قصص نوره عبد الرحمن

ايمن بشك بس لوسي طول الفتره اللي كانت معايا متعاملتش مع حد بالعنف ده..

الدكتور ياسيد ايمن دي مريضه وبتجيلها حالات فنصيحتي ليك تدخلها مصحه عشان متتأذيش انت واللي حوليك وانا هتصرف بالحكايه دي..والا والله لاشتكي عليها واحبسها وانا مش هسيب حقي..

ايمن طيب يادكتور حضرتك ارتاح وانا هطلع اشوفها…ا

الدكتور كان متاكد انها مش هتعرف تتكلم ولا تدافع عن نفسها وهو كده كده حطها بدماغه وعايز يدفعها تمن الضربه دي وكمان هي عجباه اوووي.وعايزها.

طلع ايمن بسرعه غضبان على اوضتها فتح الباب بزعل وشافها متغطيه حتى وشها مش باين وتعيط وجسمها كلوو بيترعش وانينها وصل مسمعه حس بالشفقه عليها كفايه اللي حصلها..بس ليه تعمل كده مع الدكتور اللي يساعدها عشان تخف قرب ناحيتها ونده عليها.