"အကိုကျွန်မအတွက်လည်းထည့်စဥ်းစားပါဦး!!!"
အလုပ်အခန်းထဲမှထွက်လာသည့် ကျယ်လောင်သောအသံကြောင့် ဝမ်ရန်ကောခြေလှမ်းတို့ရပ်တန့်သွားရသည်။ ဝမ်ရန်ကောမျက်မှောင်ကြုတ်လိုက်၏။ထိုအသံကသေချာပေါက် မိထွေးရဲ့အသံပဲဖြစ်သည်။ ဝမ်ရန်ကောခဏလောက်တွေဝေနေပြီးနောက် အလုပ်ခန်းဆီသို့ခြေဦးလှည့်လိုက်၏။
"ရှူးး..တိုးတိုးပြောပါကွာ..သားကြားသွားလိမ့်မယ်!"
အခန်းနားရောက်တော့သူ့အဖေရဲ့အသံကိုကြားလိုက်ရသည်။တံခါးကသေချာမပိတ်ထားပဲအနည်းငယ်ဟနေကာ ထိုအဟကြားမှဝမ်ရန်ကောအထဲကိုချောင်းကြည့်လိုက်သည်။
မိထွေးဖြစ်သူကလက်ကိုပိုက်ထားကာ အဖေနှင့်စကားများနေကြသည်။ မိထွေးဖြစ်သူကကလေးဆန်စွာအဖေ့ရှေ့မှာခြေဆောင့်လာပြီး..
"အကိုပြောတော့ အဲ့ရတနာပစ္စည်းတွေကကျွန်မပိုင်ဆိုင်လာလိမ့်မယ်ဆို!အခုတော့ အကို့သားကပြန်ယူသွားပြီ!ပြန်တောင်းပေးး!"
"ငါမင်းလိုချင်တာကိုပေးမှာပါ။ဒါပေမဲ့ အခုတော့သည်းခံလိုက်ပါဦး..မင်းမကြားဘူးလား?ကိုယ့်ရဲ့ယောက္ခထီးက သူ့မြေးကိုသူ့လုပ်ငန်းတွေလွှဲပြောင်းပေးမယ်ပြောထားတယ်။ရန်ကောကိုအခုရက်ပိုင်းကောင်းကောင်းမွန်မွန်ဆက်ဆံရမယ်။ဒါမှအနာဂတ်မှာယောက္ခထီးရဲ့လုပ်ငန်းတွေကိုရန်ကောကလွှဲပြောင်းလက်ခံလာတဲ့အခါမှာ ကိုယ်တို့သားလေးအတွက်လည်းအလိုလိုနေရင်း လုပ်ငန်းတချို့အမွေရလာလိမ့်မယ်..ရန်ကောကိုအကိုတို့ဘက်မှာစည်းရုံးထားမှ အခုအကိုတို့ကုမ္ပဏီရဲ့ငွေကြေးပြဿနာကိုအကူအညီတောင်းလို့ရမှာ..အကိုပြောတာနားလည်လား"
"အကို့ရည်ရွယ်ချက်ကို ကျွန်မသိတာပေါ့။ဒါပေမဲ့ရှင့်သားကကျွန်မကိုနဂိုကတည်းကသဘောမှမကျတာ..ကျွန်မတို့ကလေးကိုသူ့လုပ်ငန်းတွေလွှဲပြောင်းချင်ပါ့မလား..ကျွန်မကိုလည်းယုံကြည်လာအောင်ဘယ်လိုလုပ်ရမလဲ?"
ဒုန်း*
"ဘယ်လိုမှလုပ်မနေနဲ့!"
တံခါးဆောင့်ဖွင့်သံနှင့်အတူအခန်းရှေ့၌မြင်လိုက်ရသည့် ဝမ်ရန်ကောကြောင့် သူတို့တုန်လှုပ်သွားလေသည်။
YOU ARE READING
⚠I Became The 4th Male Lead⚠(Complete✔)
Romancestarted date -11.2.2023 end date -31.7.2023 ⚠WARNING:3some,4some,adult,smut. all Possessive seme manly uke/tall uke genres:Harem,Romance,incest,Boylove, Transmigration. ((Photo Credit To Original Artist. ))
Chapter - 73
Start from the beginning
